លទ្ធផល ការ​ប្រកួត ស្វាយរៀងខាប់ អាយុ១៥ឆ្នាំ សប្តាហ៍ទី ៣ សុទ្ធតែកើតមានគ្រាប់បាល់

ការ​​ប្រកួតពាន ស្វាយរៀង​ខាប់យុវជន​អាយុក្រោម ១៥ ឆ្នាំ លើក​ទី២ បាន​បញ្ចប់​សប្តាហ៍​ទី​ ៣ កាល​ពី​ចុង​សប្តាហ៍​កន្លង​ទៅ​នេះ ​ដោយ​ការប្រកួត ៣ គូសុទ្ធតែមានគ្រាប់បាល់ និងគ្មាន​ការ​ប្រកួត​ណាបញ្ចប់​ដោយ​លទ្ធផល​ស្មើ​គ្នា​ឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតទាំង ៣ គូ កាល​ពី​ថ្ងៃ​​អាទិត្យ ទី ១៩ ខែ តុលា ឆ្នាំ ២០២៥ ដោយការប្រកួតពូល ក ក្រុម សសយក ស្រុកចន្ទ្រា បានចាញ់ក្រុម គោព្រៃភូមិស្វាយធំ ក្នុងលទ្ធផល ២ ទល់នឹង ៣។ ចំណែកពូក ខ មាន ២ គូ ក្នុងនោះក្រុម សាមគ្គីកីឡា បានចាញ់ក្រុម យុវជនសាមគ្គី ក្នុងលទ្ធផល ៣ ទល់នឹង ៤ និងមួយគូទៀត ក្រុមយ៉ាំងស្តារ (YOUNG STAR) បានចាញ់ក្រុម សសយក ស្រុកស្វាយទាប ក្នុងលទ្ធផល ១ ទល់នឹង ២។

សរុបជារួម ក្រុមទទួលបាន ៣ ពិន្ទុសម្រាប់ការប្រកួតសប្តាហ៍ទី ៣ នេះរួមមាន ក្រុម គោព្រៃភូមិស្វាយធំ, ក្រុម យុវជនសាមគ្គី និងក្រុម យុវជនសាមគ្គី។

គួរឱ្យដឹងថា ការ​ប្រកួត​ស្វាយរៀង​អាប់​អាយុ​១៥​ឆ្នាំ លើក​ទី​នេះ មាន​ ១៥ក្រុម មកពីបណ្តាស្រុក-ក្រុង ទាំង ៨ ទូទាំងខេត្តស្វាយរៀង បានចូលរួមប្រកួតប្រជែងក្នុងព្រឹត្តិការណ៍​លើក​ទី​២​នេះ។ រូបមន្ត​នៃ​ការ​ប្រកួត​គឺ បែងចែក​ជា ៤ ពូល ក្នុងនោះ ៣ ពូលមាន ៤ ក្រុម និង ១ ពូលមាន ៣ ក្រុម ដោយធ្វើការប្រកួតចំនួន២ជើង និងយកចំណាត់ថ្នាក់លេខ១ និងលេខ២ ក្នុងពូលនីមួយៗ ឡើងទៅវគ្គ ៨ក្រុមបន្តទៀត៕

អត្ថបទ៖ សេម កុសល