ព្រះខ័នរាជស្វាយរៀង U15 ជួប គោព្រៃភូមិស្វាយធំ វគ្គផ្តាច់ព្រ័ត្រពាន ស្វាយរៀងខាប់ U15

ការប្រកួតពានរង្វាន់ ស្វាយរៀងខាប់ យុវជនអាយុក្រោម ១៥ឆ្នាំ លើកទី២ ឆ្នាំ២០២៥ បានរកឃើញក្រុមខ្លាំង ២ ក្រុមចុងក្រោយ ឡើងទៅកាន់វគ្គផ្តាច់ព្រ័ត្រហើយ​ បន្ទាប់ពីបញ្ចប់ការប្រកួតវគ្គពាក់កណ្តាលផ្តាច់ព្រ័ត្រដ៏ស្វិតស្វាញ កាលពីថ្ងៃទី ២០ និង ២១ ខែ ធ្នូ ឆ្នាំ ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រម្លឹកអំពីលទ្ធផលការប្រកួតក្នុងវគ្គពាក់កណ្តាលផ្តាច់ព្រ័ត្រកាលពីថ្ងៃទី ២០ ខែ ធ្នូ គឺក្រុម គោព្រៃភូមិស្វាយធំ បានយកឈ្នះលើក្រុម យុវជនសាមគ្គី ក្នុងលទ្ធផល ២-១។ ចំណែកនៅថ្ងៃទី ២១ ខែ ធ្នូ ក្រុម ព្រះខ័នរាជស្វាយរៀង អាយុក្រោម ១៥ ឆ្នាំ បានយកឈ្នះលើក្រុម សាលាបឋមសិក្សាជ្រៃធំ ក្នុងលទ្ធផលយ៉ាងចាស់ដៃ ៦-០។

ដូច្នេះក្រុមខ្លាំង ២ ក្រុមចុងក្រោយ ដែលត្រូវជួបគ្នាវគ្គផ្តាច់ព្រ័ត្រពានរង្វាន់ ស្វាយរៀងខាប់ អាយុ១៥ឆ្នាំ លើកទី២ ឆ្នាំ២០២៥ គឺក្រុម គោព្រៃភូមិស្វាយធំ និង ព្រះខ័នរាជស្វាយរៀង U15។

អត្ថបទ៖ សេម កុសល