កីឡា

លោក MCCONKEY នៅ ១០-២០នាទីដំបូងកីឡាកររបស់លោកមួយចំនួនលេងមានអារម្មណ៍ភ័យ

បានផុស

៧ ខែ មុន

នៅ

ថ្ងៃសុក្រ ៥ ធ្នូ ២០២៥

ដោយ

គ្រូបង្វឹកក្លឹបបាល់ទាត់ព្រះខ័នរាជ្យស្វាយរៀង ថាការប្រកួតនៅ ១០-២០នាទីដំបូងកីឡាករមួយចំនួនលេងមានអារម្មណ៍ភ័យខ្លាច ប៉ុន្តែឈានដល់វគ្គទី២ ម្នាក់ៗចាប់ផ្ដើមលេងដោយទំនុកចិត្តឡើងវិញ និងលេងដាក់សម្ពាធខ្លាំងលើគូប្រកួត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក MCCONKEY

លោក MCCONKEY បានឲ្យដឹងក្រោយបញ្ចប់ការប្រកួតថា លោកមានមោទកភាពចំពោះក្រុមព្រះខ័នរាជ្យស្វាយរៀងជាពិសេសនោះការខំប្រឹងគ្រប់បែបយ៉ាងរបស់ម្នាក់ៗដើម្បីស្វែងរកជ័យជម្នះក្នុងការប្រកួតនេះ។ កូនក្រុមធ្វើបានល្អពិសេសនោះនៅវគ្គទី២ ដែលបានដាក់សម្ពាធខ្លាំងលើគូប្រកួត។ ការប្រកួតតាំងនាទីដំបូងរហូតដល់ជិតចុងបញ្ចប់ការប្រកួតកូនក្រុមធ្វើបានល្អស្ទើរតែឈ្នះនៅប្រកួតនេះទៅហើយដូចបានឃើញស្រាប់។

ទិដ្ឋភាពប្រកួត

គ្រូបង្វឹករូបនេះបន្តទៀតថា ការចាប់ផ្ដើមនៅ ១០-២០នាទីដំបូងកីឡាករមួយចំនួនហាក់មានអារម្មណ៍ភ័យបន្តិច ប៉ុន្តែនៅវគ្គទី២ ពេលក្រុមដាក់សម្ពាធលើ Johor ខ្លាំងវិញកូនក្រុមចាប់ផ្ដើមមានទំនុកចិត្ត និងលេងកាន់តែល្អ។ ជំនួបមួយនេះបើទោះជាក្រុមភ្ញៀវមិនសូវដាក់កីឡាករល្អៗខ្លាំងមែន ប៉ុន្តែជាការប្រកួតប្រជែងខ្ពស់មួយផងដែរ និងបានបញ្ជាក់ដល់ក្រុមផ្សេងៗទៀតពីសមត្ថភាពរបស់ព្រះខ័នរាជស្វាយរៀងដែលត្រូវប៉ះគ្នានៅថ្ងៃខាងមុខ។

ទិដ្ឋភាពប្រកួត

បញ្ជាក់ដែរថា ការប្រកួតលើកទី៣ របស់ព្រះខ័នរាជ្យស្វាយរៀង ជាមួយក្រុមខ្លាំង Johor Darul Ta’zim នៃវគ្គសន្សំពិន្ទុក្នុងពូល B នេះបានត្រឹមស្មើគ្នា ២-២ ប៉ុណ្ណោះនៅយប់ថ្ងៃទី៤ ខែធ្នូ ឆ្នាំ២០២៥ ឯពហុកីឡដ្ឋានមរតកតេជោ។ ក្រុមម៉ាឡេស៊ី Johor កំពុងឈរលេខ១ មាន ៧ពិន្ទុ ខណៈ ព្រះខ័នរាជ្យស្វាយរៀង ឈរចំណាត់ថ្នាក់លេខ៣ មាន ៤ពិន្ទុ៕