កីឡា
ស្តេចហ្វ្រីស្ទាយ៍ Andrew បង្ហោះវីដេអូ ៥ ឃ្លីបនៅតំបន់ទេសចរណ៍កម្ពុជា មានអ្នកទស្សនាលាននាក់
កីឡាករបាល់ទាត់ហ្វ្រីស្ទាយ៍ដ៏ល្បីលំដាប់ពិភពលោក លោក Andrew Henderson បានកំពុងជួយផ្សព្វផ្សាយពីទេសចរណ៍នៅក្នុងប្រទេស កម្ពុជា តាមរយៈការបង្ហាញសមត្ថភាពដ៏អស្ចារ្យនៃការសម្តែងជំនាញហ្វ្រីស្ទាយ៍របស់លោក នៅតំបន់ទេសចរណ៍ធំៗមួយចំនួនក្នុងខេត្ត សៀមរាប ខណៈគិតត្រឹមពេលនេះ វីដេអូរបស់លោកមានអ្នកទស្សនារាប់លាននាក់។
កាលពីថ្ងៃទី ២៨ ខែ ធ្នូ ឆ្នាំ ២០២៥ លោក Andrew Henderson បានបង្ហោះវីដេអូចំនួន ៥ ឃ្លីបនៅលើទំព័រ Facebook របស់លោក ដែលមានអ្នកតាមដានជាង ២.៧ លាននាក់ អំពីការបង្ហាញជំនាញហ្វ្រីស្ទាយ៍ប្លែកៗនៅតំបន់អង្គរ តំបន់ភ្នំ និងតំបន់ទឹកជ្រោះក្នុងខេត្ត សៀមរាប។
ក្រោយវីដេអូទាំងនោះបង្ហោះជាសាធារណៈភ្លាម បានធ្វើឱ្យប្រជាជន កម្ពុជា មានការចាប់អារម្មណ៍ និងភ្ញាក់ផ្អើលជាខ្លាំង ព្រោះលោកជាមនុស្សម្នាក់ ដែលមានឥទ្ធផលក្នុងវិស័យបាល់ទាត់ ជាពិសេសលើជំនាញបាល់ទាត់ហ្វ្រីស្ទាយ៍។ ដូច្នេះ ការបង្ហាញជំនាញហ្វ្រីស្ទាយ៍របស់លោកនៅប្រទេស កម្ពុជា ប្រៀបដូចជាលោកកំពុងជួយផ្សព្វផ្សាយអំពីទេសចរណ៍ កម្ពុជា ទៅកាន់ពិភពលោក ដើម្បីឱ្យគេបានស្គាល់ពីប្រទេសក្នុងតំបន់អាស៊ីអាគ្នេយ៍មួយនេះកាន់តែខ្លាំង។ ជាក់ស្តែង វីដេអូនៃការសម្តែងរបស់លោក ពេលនេះមានអ្នកទស្សនារាប់លាននាក់ទៅហើយ។
គួរឱ្យដឹង ថា លោក Andrew Henderson ជាកីឡាករបាល់ទាត់ហ្វ្រីស្ទាយ៍ដ៏ល្បីលំដាប់ថ្នាក់ពិភពលោក។ លោកធ្លាប់បានឈ្នះជើងឯកការប្រកួតកីឡាហ្វ្រីស្ទាយ៍ពិភពលោកចំនួន ៥ សម័យ និងកីឡាហ្វ្រីស្ទាយ៍ទ្វីប អឺរ៉ុប ចំនួន ៨ សម័យ។
បុរសសញ្ជាតិ អង់គ្លេស រូបនេះ ត្រូវបានគេចាត់ទុកជាមនុស្ស ដែលមានឥទ្ធផលម្នាក់ក្នុងវិស័យកីឡាបាល់ទាត់ ដោយជានិច្ចជាកាល លោកតែងតែមានការសម្តែងជំនាញហ្វ្រីស្ទាយ៍នេះ ជាមួយតារាបាល់ទាត់ល្បីៗដូចជា Cristiano Ronaldo, Lionel Messi, Neymar, Kylian Mbappe និងកីឡាករជាច្រើនរូបទៀត។ មិនត្រឹមតែប៉ុណ្ណោះ លោកក៏ធ្លាប់ត្រូវបានគេអញ្ជើញចូលរួមសម្តែងក្នុងព្រឹត្តិការណ៍កីឡាធំៗផងដែរ ដូចជា កីឡាអូឡាំពិក, FIFA World Cup និងកម្មវិធំមួយចំនួនទៀត។
សូមបញ្ជាក់ថា កីឡាបាល់ទាត់ Freestyle ក៏មានសកម្មភាពគួរឲ្យចាប់អារម្មណ៍ដែរនៅក្នុងប្រទេសកម្ពុជា បន្ទាប់ពីក្លិបបាល់ទាត់ព្រះខ័នរាជស្វាយរៀង បានរៀបចំការប្រកួតជ្រើសរើសជើងឯកនៅក្នុងឆ្នាំ ២០២៥។ មិនត្រឹមតែប៉ុណ្ណោះ ក្រុមបាល់ទាត់ហ្វ្រីស្ដាយ៍កម្ពុជា ៣រូប បានចូលរួមប្រកួតកម្មវិធី WFFA Pulse Jakarta 2025 នៅប្រទេសឥណ្ឌូណេស៊ី៕
អត្ថបទ៖ សេម កុសល
-
ព័ត៌មានជាតិ១ សប្តាហ៍ agoដើម្បីបញ្ចៀសការកកស្ទះ អាជ្ញាធរខណ្ឌពោធិ៍សែនជ័យ និងក្រុមហ៊ុនកាណាស៊ីធី ចុះរុះរើរបងពង្រីកផ្លូវបន្ថែម
-
សេដ្ឋកិច្ច៣ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានជាតិ១ សប្តាហ៍ agoឱកាសសិស្សនិស្សិត! អាហារូបករណ៍ទេពកោសល្យឌីជីថលតេជោ ៦០០កន្លែង កំពុងបើកទទួលពាក្យ
-
ព័ត៌មានជាតិ១ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
ព័ត៌មានអន្ដរជាតិ៣ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានជាតិ៣ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
សន្តិសុខសង្គម១ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានអន្ដរជាតិ១ សប្តាហ៍ agoព្រះសង្ឃថៃ សុគត កើនដល់ ១០អង្គហើយ ក្នុងហេតុការណ៍បុករះ បង្កឡើងដោយ កុមារមានបញ្ហាស្មារតី