កីឡា
ខ្សែប្រយុទ្ធមុតស្រួច Kwame បង្កើនការនាំមុខគ្រាប់បាល់កាន់តែច្រើនសម្រាប់ Top Scorer
ខ្សែប្រយុទ្ធសញ្ជាតិហ្គាណា Kwame Peprah រកបាន ១ គ្រាប់ទៀត កាលពីថ្ងៃអាទិត្យ ទី១ ខែកុម្ភៈ ឆ្នាំ ២០២៦ ជាពេល ព្រះខ័នរាជស្វាយរៀង បានឈ្នះដោយលទ្ធផល ៦-៣ លើក្រុម កងយោធពលខេមរភូមិន្ទ ក្នុងសប្តាហ៍ទី១៨ នៃលីគកំពូលកម្ពុជា។
ពេលនេះ កីឡាករ Kwame Peprah កាន់តែបង្កើនគម្លាតនាំមុខគូប្រជែងក្នុងនាមជាកីឡាកររកបានគ្រាប់បាល់ច្រើនជាងគេគិតត្រឹមសប្តាហ៍ទី១៨។ រូបគេរកបាន ១៨ គ្រាប់ ពីការបង្ហាញខ្លួននៅលើទីលាន ១៧ ប្រកួតក្នុងលីគបាល់ទាត់កំពូលកម្ពុជារដូវកាលនេះដោយបាននាំមុខ ៦ គ្រាប់ លើកីឡាករលេខ២ Minigawa Yusuke របស់ណាហ្គាវើលដ៍ដែលរកបាន ១២ គ្រាប់។
គ្រាប់បាល់ទាំង ១៨ គ្រាប់ ខ្សែប្រយុទ្ធព្រះខ័នរាជស្វាយរៀង រកបានដូចខាងក្រោម៖
- រកបាន ១ គ្រាប់ ពេល ឈ្នះ អង្គរថាយហ្គឺរ ៣-០ ជើងទី១ និងជើងទី២ រកបាន ២ គ្រាប់ពេល ឈ្នះ ៣-១
- រកបាន ២ គ្រាប់ ពេលឈ្នះ បឹងកេត ៣-០ ជើងទី១
- រកបាន ១ គ្រាប់ ពេលឈ្នះ វិសាខា ២-០ ជើងទី១
- រកបាន ១ គ្រាប់ ពេលឈ្នះ ឡាយហ្វ ខេត្តព្រះសីហនុ ៦-១ ជើងទី១ និងជើងទី២ រកបាន ២ គ្រាប់ ពេលឈ្នះ ៤-១
- រកបាន ១ គ្រាប់ ពេលចាញ់ ភ្នំពេញក្រោន ២-៣ ជើងទី១ និងជើងទី២ រកបាន ៣ គ្រាប់ ពេលឈ្នះ ៣-២
- រកបាន ១ គ្រាប់ ពេលឈ្នះ កងយោពលខេមរភូមិន្ទ ៦-១ ជើងទី១ និងជើងងទី២ រកបាន ១ គ្រាប់ ពេលឈ្នះ ៦-៣
- រកបាន ១ គ្រាប់ ពេលឈ្នះ គិរីវង់សុខសែនជ័យ ២-១ ជើងទី១
- រកបាន ១ គ្រាប់ ពេលឈ្នះ ISI ដង្កោសែនជ័យ ៦-១ ជើងទី១
- រកបាន ១ គ្រាប់ ពេលឈ្នះ ណាហ្គាវើលដ៍ ២-១ ជើងទី១
ក្រៅពីការរកបានគ្រាប់បាល់ កីឡាករ Kwame Peprah ក៏បញ្ជូនបាល់ (assist) បាន ៤ លើកឲ្យដៃគូស៊ុតចូល។ ដូច្នេះរូបគេកំពុងក្លាយជាបេក្ខភាពឈានមុខគេក្នុងការឆ្ពោះទៅរកការឈ្នះពានស្បែកជើងមាស ក្នុងនាមជាកីឡាកររកបានគ្រាប់បាល់ច្រើនជាងគេនៅរដូវកាលនេះ។
គ្រាប់បាល់ខាងលើគឺគ្រាន់តែគិតសម្រាប់ការប្រកួតក្នុងលីគបាល់ទាត់កំពូលកម្ពុជាប៉ុណ្ណោះ ប៉ុន្តែរូបគេក៏រកបានគ្រាប់បាល់សម្រាប់ការប្រកួតពានរង្វាន់អន្តរជាតិផងដែរ។
ឆ្លង១៧ សប្តាហ៍កន្លងទៅ ព្រះខ័នរាជស្វាយរៀង កំពុងឈរលើកំពូលតារាង ដោយមាន ៤២ពិន្ទុ ដោយនាំមុខក្រុមលំដាប់លេខ ២ ភ្នំពេញក្រោន ដែលមាន ៤០ពិន្ទុ៕
អត្ថបទ៖ វិរបុត្រ
-
ព័ត៌មានជាតិ៧ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៤ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៥ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
សន្តិសុខសង្គម៣ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៣ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានអន្ដរជាតិ១ ថ្ងៃ agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន