កីឡា

សប្បាយភ្នែក! ការប្រកួតបាល់ទះនារីថ្នាក់ជាតិ ចាប់ផ្តើមថ្ងៃស្អែក មាន ៤ គូ

បានផុស

២ ខែ មុន

នៅ

ថ្ងៃសុក្រ ២០ កុម្ភៈ ២០២៦

ដោយ

ការប្រកួតកីឡាបាល់ទះថ្នាក់ជាតិ ពានរង្វាន់សម្តេចក្រឡាហោម ស ខេង លើកទី៤ ផ្នែកនារី ចាប់ផ្តើមថ្ងៃត្រង់ នាថ្ងៃសៅរ៍ ទី២១ ខែកុម្ភៈ ឆ្នាំ ២០២៦ នៅវិមានពហុកីឡដ្ឋានជាតិអូឡាំពិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមបាល់ទះនារីចំនួន ៨ ក្រុមត្រូវបានបែងចែងជា ២ ពូល គឺ ពូល A មាន ៤ ក្រុម និងពូល B មាន ៤ ក្រុម។ ការប្រកួតជុំដំបូងគឺ សន្សំពិន្ទុក្នុងពូល ដោយក្រុមនីមួយៗត្រូវលេងចំនួន ៣ ប្រកួត។ បន្ទាប់ពីចប់វគ្គសន្សំពិន្ទុក្នុងពូល ក្រុមដែលស្ថិតនៅចំណាត់ថ្នាក់លេខ ១ និង លេខ ២ នៃពូលនីមួយៗបានឡើងទៅកាន់វគ្គពាក់កណ្តាលផ្តាច់ព្រ័ត្រ ដើម្បីប្រកួតវគ្គខ្វែង។

នៅវគ្គខ្វែង ក្រុមលេខ ១ ពូល A ត្រូវប៉ះ ក្រុមលេខ ២ ពូល B ហើយក្រុមលេខ ១ ពូល B ត្រូវប៉ះក្រុមលេខ ២ ពូល A ដើម្បីយកក្រុមឈ្នះឡើងទៅវគ្គផ្តាច់ព្រ័ត្រ ហើយក្រុមចាញ់ត្រូវប្រកួតដណ្តើមចំណាត់ថ្នាក់លេខ ៣។

ក្រុមដែលត្រូវបានចាត់ជាក្រុមខ្លាំងគួរឲ្យចាប់អារម្មណ៍ជាងគេគឺ ក្រុមបាល់ទះនារីនៃមន្ទីរអប់រំ ខេត្តពោធិ៍សាត់ ពីព្រោះពួកគេជាជើងឯកក្នុងព្រឹត្តិការណ៍កីឡាជាតិ កាលពីឆ្នាំ ២០២៤។ ទោះបីជាយ៉ាងណា ក្នុងរយៈពេលប្រមាណជិត ២ ឆ្នាំចុងក្រោយនេះ មិនសូវមានការប្រកួតផ្លូវការធំៗទេ ដូច្នេះសមត្ថភាពអាចមានការប្រែប្រួល។

ទន្ទឹមជាមួយគ្នានេះ សាលារៀនឯកជនជាច្រើនបានផ្តោតលើការរៀបចំឲ្យមានក្រុមបាល់ទះនារី ហើយមានសកម្មភាពប្រកួតជាបន្តបន្ទាប់ ដូច្នេះការប្រកួតឆ្នាំនេះពិតជាគួរឲ្យចាប់អារម្មណ៍ខ្លាំង។