កីឡា

ប្រធានបាល់ទាត់កម្ពុជា បង្កើតសាលាមត្តេយ្យបាល់ទាត់ ២ កន្លែងនៅខេត្តស្វាយរៀង

បានផុស

៥ ខែ មុន

នៅ

ថ្ងៃចន្ទ ២៣ កុម្ភៈ ២០២៦

ដោយ

លោក សៅ សុខា ប្រធានសហព័ន្ធកីឡាបាល់ទាត់កម្ពុជា បានកំពុងសាងសង់សាលាមត្តេយ្យបាល់ទាត់ចំនួន ២ កន្លែង នៅខេត្តស្វាយរៀង ដែលនឹងក្លាយជាខេត្តដំបូងគេនៅក្នុងប្រទេសកម្ពុជាមានសាលាមត្តេយ្យបាល់ទាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបង្កើតសាលាមត្តេយ្យបាល់ទាត់នេះឡើងដើម្បីឲ្យកុមារស្គាល់ និងស្និទ្ធស្នាលបាល់តាំងពីខ្លួននៅតូច ហើយក៏ជាផ្នែកមួយជួយបណ្តុះថ្នត់គំនិតឲ្យកុមារតូចៗឲ្យស្រឡាញ់ចូលចិត្តបាល់ទាត់ដើម្បីក្លាយជាមូលដ្ឋានគ្រឹះសម្រាប់ការអភិវឌ្ឍខ្លួនឲ្យក្លាយជាកីឡាករ កីឡាការិនីអាជីព។

ក្រោយពេលត្រូវបានអង្គមហាសន្និបាតបោះឆ្នោតឲ្យបន្តជាប្រធានសហព័ន្ធកីឡាបាល់ទាត់កម្ពុជាអាណត្តិទី២០ (២០២៦-២០៣០) កាលពីថ្ងៃទី២១ ខែកុម្ភៈ ឆ្នាំ ២០២៦ លោក សៅ សុខា បានរៀបរាប់ថា នេះជាលើកដំបូងហើយដែលកម្ពុជានឹងមានសាលាមត្តេយ្យបាល់ទាត់ បន្ទាប់ពីលោកបានជួបពិភាក្សាជាមួយអ្នកជំនាញមកពីក្រៅប្រទេស។

លោកមានប្រសាសន៍ថា ៖«អ្នកជំនាញបានប្រាប់ពីសាលាមត្តេយ្យបាល់ទាត់នេះ ហើយខ្ញុំគិតថា គេនិយាយត្រូវ ពីព្រោះបាល់ទាត់សំខាន់ណាស់គឺការគ្រប់គ្រងបាល់។ រត់លឿនជារឿងមួយ មានកម្លាំងខ្លាំងជារឿងមួយផ្សេងទៀត បើឆ្លាតជារឿងមួយទៀត ប៉ុន្តែក្នុងចំណោមនេះគឺបច្ចេកទេសគ្រប់គ្រងបាល់សំខាន់ណាស់។ បើគេយកបាល់ពីយើងមិនបានទេគឺយើងជាម្ចាស់នៅលើទីលាន»។

«បើយើងមិនអាចស៊ុតទីរបស់ដៃគូប្រកួត ក៏គេមិនអាចស៊ុតចូលយើងបានដែរ ពីព្រោះបាល់នៅនឹងជើងយើង។ ដូច្នេះដើម្បីបាល់ទាត់នេះរីកចម្រើនខាងបច្ចេកទេស យើងត្រូវតែអភិវឌ្ឍ និងបណ្តុះថ្នត់គំនិតតាំងពីកុមារតូចៗ ជាពិសេសនៅតាមសាលាមត្តេយ្យតែម្តង»។

លោកប្រធានសហព័ន្ធកីឡាបាល់ទាត់កម្ពុជារូបនេះបានបញ្ជាក់ថា រហូតដល់ពេលនេះ លោកបានកំពុងសាងសង់សាលាមត្តេយយ្យដោយបានបញ្ចុះបឋមសិលាថ្មី។ លោកបានផ្លាស់ប្តូរចេញពីទីតាំងចាស់ពីក្នុងវត្តមកសាងសង់នៅខាងក្រៅវត្ត។ ភ្ជាប់ជាមួយសាលាមត្តេយ្យនោះលោកបានទិញដីដើម្បីរៀបចំសាលាមត្តេយ្យបាល់ទាត់។ ទីតាំងសាលាមត្តេយ្យបាល់ទាត់នេះស្ថិតឃុំស្វាយរំពារ ស្រុកស្វាយទាប ខេត្តស្វាយរៀង៕