កីឡា
ចំណុចខ្លាំងរបស់ Petrosyan និង Superbon ដែលអាចឈ្នះ ក្នុងការដណ្ដើមខ្សែក្រវាត់ឃីកបុកសីង
Giorgio “The Doctor” Petrosyan និង Superbon ដែលសុទ្ធតែជាអ្នកលេងក្បាច់គុនឃីកបុកសីងលំដាប់ពិភពលោកទម្ងន់ featherweight ត្រូវតតាំងគ្នាក្នុងការដណ្ដើមខ្សែក្រវាត់ពិភពលោក ONE Featherweight Kickboxing World Title នាថ្ងៃសុក្រទី ១៥ ខែ តុលានេះនៅព្រឹត្តិការណ៍ ONE: FIRST STRIKE។
សូមតាមដានចំណុចខ្លាំងរបស់តារាជួរមុខទាំងពីរ និងជាចំណុចដែលមានប្រៀបឈ្នះគូប្រកួតនៅថ្ងៃសុក្រនេះដូចខាងក្រោម៖
ចំណុចដែលអាចឈ្នះរបស់ Petrosyan
Petrosyan មានក្បាច់ប្រដាល់ល្អឥតខ្ចោះ៖ Petrosyan ជឿជាក់ថាគេមានក្បាច់ប្រដាល់ល្អជាង Superbon និង ជាផ្នែកមួយដ៏សំខាន់ក្នុងក្បាច់ប្រយុទ្ធ។ កូនកាត់អ៊ីតាលី-អាមេនី រូបនេះធ្វើបានល្អបំផុតពេលក្នុងការប្រើកណ្ដាប់ដៃ ជាទីដែលគេអាចបត់បែនបានល្អ និងគេចវេះពីគ្រោះថ្នាក់បាន ហើយអាចវាយបកបានល្អទៀតផង។ “The Doctor” ចូលចិត្តឈរឲ្យឆ្ងាយបន្តិចដោយការខាវកណ្ដាប់ដៃ និង ដកថយវិញ។ កណ្ដាប់ដៃរបស់ Petrosyan អាចវ៉ៃចេញបានលឿនមុនពេលតារាថៃប៉ុនប៉ងមកលើខ្លួន។ បែបណាក្ដី បើសិន Superbon យកដៃឃុំការពារពីការវាយបកបាន ក៏អ្នកលេងកណ្ដាប់ដៃមកពីក្រុង Milan អាចប្រើកណ្ដាប់ដៃត្រង់បានល្អ ដែលពិបាកនឹងគេចផងដែរ។
Petrosyan អុកជង្គង់ឆ្វេង៖ នៅពេលឈរមុខ Petrosyan គ្រប់គ្នាតែព្រួយបារម្ភអំពីជង្គង់ដ៏គ្រោះថ្នាក់។ ពេលព្យាយាមរងរៀងៗខ្លួន ពួកគេនឹងព្យាយាមចូលអុកជង្គង់ដូចគ្នា។ “The Doctor” ជំនាញវ៉ៃកាត់ដើរចូល ឬ កៀរគូប្រកួតឲ្យនៅកណ្ដាលរេញ។ ពេលមានឱកាសនៅជិត គេមិនឲ្យដៃគូបន្លាស់ទីបានស្រួលទេ។ បើសិនតារាថៃព្យាយាមចូលកៀក កូនកាត់អាមេនី-អ៊ីតាលីច្បាស់ជាព្យាយាមចូលចាប់ និងទាត់ផងដែរ។
ចំណុចខ្លាំងរបស់ Superbon
Superbon ជំនាញធាក់ទប់ ៖ ពេល “The Doctor” មានទំនុកចិត្តក្នុងក្បាច់ប្រដាល់ Superbon ក៏ខ្លាំងក្បាច់ធាក់ទប់មិនឲ្យគូប្រកួតចូលកៀកដែរ។ កីឡាករមកពីបាងកកធាក់ទប់លឿនណាស់ និងមានប្រសិទ្ធភាពទៀតផង។ បើសិនគេធាក់ចូលដងខ្លួន Petrosyan ដែលព្យាយាមចូលកៀក វានឹងធ្វើឲ្យកូនកាត់អ៊ីតាលីអាមេនី រកវិធីប្រើកណ្ដាប់ដៃមិនខាន។ ក្បាច់ធាក់ទប់ជើងស្ដាំរបស់ Superbon គឺ ខ្លាំងណាស់។ គេតែងតែធ្វើឲ្យគូប្រកួតយ៉ាប់យ៉ឺនដោយក្បាច់នេះ។ ដោយពូកែទាត់ទើបជើងទាំងពីរ “The Doctor” អាចចូលក្នុងអន្ទាក់របស់ Superbon។ តារាថៃអាចបញ្ឆោតធាក់ទប់ ហើយប្រើកណ្ដាប់ដៃពេលដៃគូចាប់ជើងបាន។ គេក៏ជំនាញទាត់កៀរគូប្រកួតឲ្យនៅកណ្ដាលរេញផងដែរ។
Superbon មានស្នៀតទាត់យ៉ាងខ្លាំង៖ នរណាក៏ដឹងដែរថា ពេល Superbon ប្រើស្ទិលប្រយុទ្ធពីចម្ងាយ គេមានឱកាសទាត់ខ្លាំងណាស់។ កីឡាករថៃមានថាមពលទាត់ខ្លាំងដោយប្រើជើងទាំងពីរ ហើយ គេបង្ហាញថាគេមានប្រសិទ្ធភាពក្នុងការតតាំងនឹងអ្នកមានជំហរប្រយុទ្ធឆ្វេង។ នៅពេល គេយកឈ្នះ Sitthichai ដើម្បីបានឱកាសមកប្រកួតយកខ្សែក្រវាត់ World Title គេមិនអាចឲ្យ Sitthichai ទាត់ដោយគ្មានការទាត់សងនោះឡើយ និងទាត់វិញដោយប្រើជើងស្ដាំផងដែរ។ Superbon មានភាពឆ្លាតវៃ (IQ) ដើម្បីការពារ, ដើរចូល, និងប្រើកណ្ដាប់ និងជង្គង់គ្រប់ពេល។ ជើងឆ្វេងរបស់បុរសវ័យ ៣១ ឆ្នាំនឹងធ្វើឲ្យ “The Doctor” រក្សាវិធីការពារជាជាងការផ្ដោតលើប្រយុទ្ធ។ គេនឹងធ្វើឲ្យវីរបុរសឃីកបុកសីងពិបាកម៉ិកទឹកចិត្តដោយក្បាច់យ៉ាងខ្លាំងរបស់គេ៕
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត