កីឡា
បាល់ទះក្នុងសាលកម្ពុជា ចេញបញ្ជីឈ្មោះកីឡាករ ទៅចូលរួមស៊ីហ្គេម២០២២ ជាផ្លូវការ
ក្រុមបាល់ទះជម្រើសជាតិកម្ពុជា បានប្រកាសបញ្ជីឈ្មោះកីឡាករជាផ្លូវការ ១៣ នាក់ ដើម្បីទៅចូលរួមព្រឹត្តិការណ៍កីឡាអាស៊ីអាគ្នេយ៍ លើកទី ៣១ នៅប្រទេសវៀតណាម។
បាល់ទះកម្ពុជានឹងស្ថិតនៅពូល B ជាមួយ ថៃ និងហ្វីលីពីន ខណៈការប្រកួតគ្រោងនឹងធ្វើចន្លោះថ្ងៃទី ១៣ ដល់ទី ២២ ខែឧសភា ឆ្នាំ ២០២២ ស្របពេលដែលប្រកួតបើកឆាកកម្ពុជានឹងចាប់ផ្ដើមនៅថ្ងៃទី ១៤ ដោយត្រូវប៉ះហ្វីលីពីន នាម៉ោង ១២ ថ្ងៃត្រង់ បន្ទាប់មកនៅថ្ងៃទី ១៨ ខែឧសភា ជួបជាមួយ ថៃ វេលាម៉ោង ១២ ថ្ងៃត្រង់ដដែល។
បញ្ជីឈ្មោះកីឡាករដែលត្រូវបានប្រកាសជាមួយសមាភាពកីឡាករចំនួន ១៣ នាក់រួមមាន ៖ សួន ចាន់ណារ៉ូ, គួនម៉ុម, សឿន ហេង, ផុល រតនៈ, វឿន វាសនា, អាន សុខហេង, គង់ ពិសិដ្ឋ, ឃឹម សុវណ្ណារ៉ា, ឡាង រាសីកែវ, ផល ផានីត, ឈាង ភារដ្ឋ និង ម៉ន សុខនាង។
ជាការចាប់អារម្មណ៍កម្ពុជាក៏មានអាជ្ញាកណ្ដាលមួយរូបចូលរួមកាត់សេចក្ដីផងដែរ គឺ លោក ទែន ឡន ដែលជាអាជ្ញាកណ្ដាលបាល់ទះក្នុងសាលអន្តរជាតិរបស់សហព័ន្ធកីឡាបាល់ទះកម្ពុជា។ នេះជាលើកទី ៤ ហើយ ដែលលោកបង្ហាញខ្លួនក្នុងព្រឹត្តិការណ៍ស៊ីហ្គេម ខណៈលើកទី ១ ក្នុងឆ្នាំ ២០១៥ នៅប្រទេសសិង្ហបុរី លើកទី ២ ឆ្នាំ ២០១៧ នៅប្រទេស ម៉ាឡេស៊ី និងលើកទី ៣ នៅប្រទេសហ្វីលីពីន។
គួររំឮកថា កាលពីស៊ីហ្គេមលើកទី ៣០ ឆ្នាំ ២០១៩ នៅប្រទេសហ្វីលីពីន បាល់ទះកម្ពុជា បានបញ្ចប់ទៅដោយឈរនៅលេខ ៦ ក្នុងតារាងចំណាត់ថ្នាក់រួមដែលមាន ៧ ក្រុម។ កម្ពុជាដើមឡើយនៅពូល B ជាមួយម្ចាស់ផ្ទះហ្វីលីពីន,ឥណ្ឌូនេស៊ី និងវៀតណាម ហើយប្រកួតឈ្នះ ១ លើវៀតណាម ក្នុងលទ្ធផល ៣ សិត ទល់នឹង ២ ប៉ុន្តែចាញ់ហ្វីលីពីន ៣ សិត ទល់នឹង ០ និងចាញ់ឥណ្ឌូនេស៊ី ៣ សិត ទល់នឹង ០ ដូចគ្ នាហើយក្រុមដែលបានឡើងទៅវគ្គបន្តគឺហ្វីលីពីនជាមួយឥណ្ឌូនេស៊ី។
ដូច្នេះកម្ពុជាត្រូវប្រកួតដណ្ដើមចំណាត់ថ្នាក់លេខ ៥ ជាមួយវៀតណាម ប៉ុន្តែកម្ពុជាត្រូវបានយកឈ្នះវិញម្ដងដោយលទ្ធផល ៣ សិត ទល់នឹង ០។ ងាកទៅចំណាត់ថ្នាក់រួមក្រុមដែលឈ្នះមេដាយមាសគឺបានទៅឥណ្ឌូនេស៊ី ខណៈហ្វីលីពីនបានមេដាយប្រាក់ ស្របពេលដែលមេដាយសំរឹទ្ធបានទៅ ថៃ, លេខ ៤ បានទៅមីយ៉ាន់ម៉ា, លេខ ៥ បានទៅវៀតណាម, លេខ ៦ កម្ពុជា និងលេខ ៧ សិង្ហបុរី៕
អត្ថបទ៖ មន្នីរ័ត្ន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង