កីឡា
ព្រះខ័នរាជស្វាយរៀង ប៉ះជាមួយវិសាខា ក្នុងការប្រកួត«ពានរង្វាន់ខេមបូឌានលីគខាប់»ល្ងាចនេះ
គ្រូបង្វឹកនៃក្លិបបាល់ទាត់ព្រះខ័នរាជស្វាយរៀងលោក ខុនណូ នេស្ដូ (Conor Nestor) រំពឹងថា ការប្រកួតជាមួយក្លិបបាល់ទាត់វិសាខា នឹងក្លាយជាការប្រកួតដ៏គួរឱ្យចាប់អារម្មណ៍មួយទៀត ក្នុងការប្រកួតយកពានរង្វាន់បាល់ទាត់ Cambodian League Cup 2022 វគ្គពាក់កណ្ដាលផ្ដាច់ព្រ័ត្រល្ងាចនេះ។
លោក Conor Nestor បាននិយាយថា “វាជាការរំឭកឡើងវិញទៅដល់ការប្រកួតផ្ដាច់ព្រ័ត្រពានរបស់សម្តេចតេជោ ហ៊ុន សែន ម្ដងទៀតកាលពីឆ្នាំមុន។ ដូច្នេះយើងសង្ឃឹមថា វាជាការប្រកួតដ៏គួរឱ្យចាប់អារម្មណ៍មួយទៀត។យើងនឹងប្រឹងប្រែងឱ្យអស់ពីសមត្ថភាពដើម្បីឈានទៅវគ្គផ្តាច់ព្រ័ត្រ”។
គ្រូបង្វឹកសញ្ជាតិអៀកឡង់រូបនេះបានឱ្យដឹងថា៖ “ពិតជាមានការផ្លាស់ប្តូរតូចមួយចំនួន ប៉ុន្តែជាទូទៅរបស់ក្រុមគឺស្រដៀងគ្នា។ ពិតណាស់ពួកគេធ្វើបានយ៉ាងល្អក្នុងការប្រកួតនេះ ហើយជាមូលហេតុដែលយើងជួបគ្នានៅវគ្គពាក់កណ្តាលផ្តាច់ព្រ័ត្រ”។
ព្រះខ័នរាជស្វាយរៀង នឹងត្រូវជួបវិសាខា វេលាម៉ោង ៦៖៣០ នាទីល្ងាចនេះ ក្រុមឈ្នះនឹងត្រូវឡើងទៅជួបភ្នំពេញក្រោនដែលបានយកឈ្នះណាហ្គាវើលដ៍ កាលពីម្សិលមិញនៅវគ្គផ្ដាច់ព្រ័ត្រ។
សូមបញ្ជាក់ថា ពានរង្វាន់បាល់ទាត់ Cambodian League Cup 2022 បង្កើតឡើងក្នុងឱកាសដែលពានរង្វាន់ League បាល់ទាត់ក្នុងស្រុក លីគទី១ និងលីគទី២ ត្រូវបានសម្រាកដោយសារមានកីឡាករត្រូវទៅចូលរួមជាមួយក្រុមជម្រើសជាតិ ប្រកួតក្នុងស៊ីហ្គេម ក្រុមហ៊ុនបានបង្កើតពាននេះឡើងដោយមានក្រុមចំនួន ១៦ ចូលរួមប្រកួត ចែកចេញជា ៤ពូល ក្នុងមួយពូលមាន ៤ក្រុម៕
អត្ថបទ៖ មន្នីរ័ត្ន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង