កីឡា

Premier League ចេញកាលវិភាគរដូវកាលថ្មីជាផ្លូវការ រួមបញ្ចូលពេលវេលាសម្រាកសម្រាប់ FIFA World Cup

បានផុស

៤ years មុន

នៅ

ថ្ងៃព្រហស្បតិ៍ ១៦ មិថុនា ២០២២

ដោយ

ការប្រកួតក្រខណ្ឌលីគកំពូលអង់គ្លេស ‘English Premier League’ បានបញ្ចេញកាលវិភាគប្រកួតផ្លូវការសម្រាប់រដូវកាលថ្មីរបស់ខ្លួន ២០២២-២៣ ដែលគ្រោងនឹងចាប់ផ្តើមនៅ ថ្ងៃទី៥ ខែសីហា ឆ្នាំ២០២២ ខាងមុខនេះ។

ក្រុមការពារតំណែងជើងឯក Manchester City នឹងប៉ះ West Ham ក្រៅដី នៅចុងសប្ដាហ៍បើកឆាកនៃយុទ្ធនាការ Premier League 2022-23 ដែលនឹងរួមបញ្ចូលការសម្រាកពាក់កណ្ដាលរដូវកាលសម្រាប់ក្រុមជម្រើសជាតិប្រកួតបាល់ទាត់ពិភពលោក ‘FIFA World Cup 2022’ នៅប្រទេសកាតា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នឹងមិនមានការប្រកួតនៅបន្ទាប់ពីចុងសប្តាហ៍នៃថ្ងៃទី១២-១៣ ខែវិច្ឆិកា រហូតដល់ថ្ងៃទី២៦ ខែធ្នូ ដោយសារតែមានការប្រកួត World Cup។

ការប្រកួតដំបូងធ្វើឡើងនៅថ្ងៃសុក្រ ទី០៥ ខែសីហា ដោយ Crystal Palace ធ្វើជាម្ចាស់ផ្ទះទទួលក្រុមកាំភ្លើងធំ Arsenal។

ការប្រកួតបាល់ទាត់ពិភពលោក ដែលនឹងមានទាំងប្រទេសអង់គ្លេស និងវេលស៍ ចាប់ផ្តើមនៅថ្ងៃទី២១ ខែវិច្ឆិកា។ វគ្គផ្តាច់ព្រ័ត្រគឺនៅថ្ងៃទី១៨ ខែធ្នូ ពោលគឺ ៨ថ្ងៃមុនពេល Premier League បន្តរដូវកាលរបស់ពួកគេ៕

អត្ថបទ ៖ មន្នីរ័ត្ន