កីឡា
ពីរខែនេះ យ៉េន ឌីណា រកបានចំណូលជាង៣ម៉ឺនដុល្លារពីប្រដាល់គុនខ្មែរ
អ្នកលេងគុនខ្មែរ យ៉េន ឌីណា ទទួលបានជោគជ័យយ៉ាងខ្លាំងក្នុងអាជីពប្រដាល់គុនខ្មែររបស់ខ្លួនទាំងការប្រកួតក្នុងស្រុក និងក្រៅប្រទេស។ បើគិតត្រួយៗក្រៅផ្លូវការ រូបគេរកប្រាក់ចំណូលបានមិនក្រោម៣ម៉ឺនដុល្លារអាមេរិកនោះទេក្នុងរយៈពេលប្រហែលជាពីរខែចុងក្រោយ។
ក្នុងនាមជាម្ចាស់មេដាយមាសស៊ីហ្គេម លើកទី៣១ ឆ្នាំ២០២២នៅប្រទេសវៀតណាម យ៉េន ឌីណា ទទួលបានប្រាក់រង្វាន់ពីរាជរដ្ឋាភិបាលកម្ពុជាចំនួន ២០ ០០០ដុល្លារអាមេរិក។ ជាមួយគ្នានេះ រូបគេទទួលបាន ៦០០០ដុល្លារអាមេរិកពីណាហ្គាវើលដ៍។
ក្រៅពីទទួលបានប្រាក់ឧបត្ថម្ភពីស្ថាប័ននានា យ៉េន ឌីណា ក៏ទទួលបានប្រាក់ឧបត្ថម្ភពីសប្បុរសជនមួយចំនួនដូចជាទទួលបានពីលោកជំទាវ មិថុនា ភូថង អភិបាលខេត្តកោះកុង ២៥០០ដុល្លារអាមេរិក និង ម៉ន ដានី ចំនួន១០០០ដុល្លារអាមេរិកជាដើម។
លើសពីនេះទៀតនោះ កាលពីចុងសប្តាហ៍កន្លងនេះ យ៉េន ឌីណា បានឈ្នះខ្សែក្រវាត់មួយគ្រឿងនៅសង្វៀន CNC បន្ទាប់ពីផ្តួល ឡុង សំណាង ក្នុងទឹកទី៤។ ការឈ្នះខ្សែក្រវាត់នេះ រូបគេទទួលបានប្រាក់រង្វាន់ចំនួន ៥០០០ដុល្លារអាមេរិក។ នេះមិនទាន់រាប់បញ្ចូលទាំងតម្លៃខ្លួនឡើងប្រកួតផង។
សរុបប្រាក់រង្វាន់ និងប្រាក់ឧបត្ថម្ភខាងលើ យ៉េន ឌីណា ទទួលបានជាង៣ម៉ឺនដុល្លារអាមេរិកក្នុងរយៈពេលប្រហែលជា២ខែប៉ុណ្ណោះ។ ដូច្នេះអាចនិយាយថា អាជីពប្រដាល់ថ្វីបើឈឺខ្លួន ប្រសិនបើកីឡាករ កីឡាការិនីខំប្រឹងពិតប្រាកដ និងមានសមត្ថភាព ប្រាក់ចំណូលនឹងរត់រក ហើយក៏អាចធ្វើឲ្យជីវភាពធូរធារដែរ។ ស្របពេលទីផ្សារប្រដាល់ក៏មានតម្លៃខ្លួនខ្ពស់ទាំងការប្រកួតក្នុងស្រុក និងអន្តរជាតិ៕
អត្ថបទ៖ វីរបុត្រ
-
ជីវិតកម្សាន្ដ៧ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ចរាចរណ៍៣ ថ្ងៃ ago
ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់
-
ព័ត៌មានអន្ដរជាតិ៧ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ២១ ម៉ោង ago
សម្តេចតេជោ ហ៊ុន សែន សម្រេចជួយកសាងកុដិ-ទិញដីពង្រីកវត្តសម្រាប់ព្រះសង្ឃ និងកូននេនសីហា
-
បច្ចេកវិទ្យា៣ ម៉ោង ago
កុំពឹងផ្អែកលើប្រព័ន្ធសន្តិសុខ App ធនាគារទាំងស្រុង ត្រូវពង្រឹងសុវត្ថិភាពបន្ថែម
-
ព័ត៌មានអន្ដរជាតិ៥ ថ្ងៃ ago
រូបភាពបុរសម្នាក់លើឆ្នេរ អង់គ្លេស ក្លាយជាព័ស្តុតាងថា បានឆ្លងភពចូលមកឆ្នាំ ១៩៤៣
-
ព័ត៌មានជាតិ៦ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានអន្ដរជាតិ៥ ថ្ងៃ ago
តើទីក្រុងណា ស្ទះចរាចរណ៍ខ្លាំងជាងគេ នៅអាស៊ីអាគ្នេយ៍?