កីឡា
គ្រូកីឡាជនពិការប៊ូស្យាកម្ពុជារៀបរាប់ពីទីលាននៅឥណ្ឌូនេស៊ីមុនការប្រកួត
ក្រុមកីឡាជនពិការប៊ូស្យាកម្ពុជានឹងប្រកួតនៅថ្ងៃស្អែកនេះក្នុងព្រឹត្តិការណ៍អាស៊ានប៉ារ៉ាហ្គេម លើកទី១១ ឆ្នាំ២០២២ នៅទីក្រុងសូឡូ ប្រទេសឥណ្ឌូនេស៊ីដែលនឹងចាប់បើកជាផ្លូវការនាល្ងាចថ្ងៃទី៣០ ខែកក្កដានេះ។
លោក តេង សុធី គ្រូបង្វឹកក្រុមកីឡាជនពិការប៊ូស្យាកម្ពុជាបានរៀបរាប់ថា បន្ទាប់ពីធ្វើដំណើរដល់ប្រទេសឥណ្ឌូនេស៊ីកាលពីថ្ងៃទី២៦ ខែកក្កដា កន្លងទៅនេះកូនក្រុមរបស់លោកបានហ្វឹកហាត់រយៈពេល២ថ្ងៃហើយនៅទីលានក្នុងប្រទេសឥណ្ឌូនេស៊ី។ ក្រោយការហ្វឹកហាត់នៅទីលានថ្មីសង្កេតឃើញថា មានលក្ខណៈខុសប្លែកខ្លះពីការហ្វឹកហាត់នៅកម្ពុជា។ ខុសប្លែងត្រង់ថា ទីលាននៅឥណ្ឌូនេស៊ីត្រូវតាមទំហំស្តង់ដា ដូច្នេះថ្មីសម្រាប់ក្រុមប៊ូស្យាកម្ពុជា និងស្រួលជាងទីលាននៅកម្ពុជា។
លោកគ្រូបង្វឹករូបនេះប្រាប់ថា ក្រុមកម្ពុជាមានតែអត្តពលិក៤រូបប៉ុណ្ណោះគឺកីឡាករ២រូប និងកីឡាការិនី២រូប ហើយម្នាក់ប្រកួតតែ១វិញ្ញាសាប៉ុណ្ណោះគឺវិញ្ញាឯកត្តជនដូចគ្នា។ លោកពិតជាសោកស្តាយដែលកម្ពុជាមិនអាចលេងបានគ្រប់វិញ្ញាសា ឬច្រើនវិញ្ញាសា ដោយសារខ្វះកីឡាករ កីឡាការិនីផ្នែកកីឡាប៊ូស្យានេះ។
លោក តេង សុធី មានប្រសាសន៍ថា ៖«ក្តីសង្ឃឹមរបស់ខ្ញុំគឺលើកីឡាករមួយរូប ដោយសារគាត់ហ្វឹកហាត់បានច្រើន និងដិតដល់ជាងកីឡាករ កីឡាការិនីផ្សេងទៀត។ កីឡាករ វណ្ណា ណាក់ ពិការដូចកីឡាករ ពេជ ការ៉េ ដែរ ប៉ុន្តែគាត់មានកាយសម្បទារឹងមាំជាង។ គាត់អាចវាយ គាត់អាចចូលបានខ្លាំងជាង ពេជ ការ៉េ»។
ជាមួយគ្នានេះ កីឡាករ វណ្ណា ណាក់ សង្ឃឹមឈ្នះមេដាយខ្ពស់រហូតដល់៩៥%សម្រាប់ការប្រកួតអាស៊ានប៉ារ៉ាហ្គេម លើកទី១១នេះ។ កីឡាករបានប្រាប់ថា ៖«ការចូលរួមប្រកួតនេះ យើងសង្ឃឹមច្រើនដែរដល់៩៥%។ យើងអាចនឹងទទួលបានជ័យជម្នះ តែមិនដឹងថា មេដាយអ្វីទេ។ ប្រទេសថៃជាដៃគូពិបាកបំផុត។ ចំពោះប្រទេសផ្សេងៗទៀតមិនទាន់ដឹងយ៉ាងណាទេ ពីព្រោះគេក៏ហ្វឹកហាត់ដែរ»។
«ក្បាច់ចាស់គេ យើងចាប់បានអស់ហើយ។ យើងបានតាមដានមើលការហ្វឹកហាត់របស់គេ គឺគេលេងឆ្ងាយ តែយើងស្ទើរឆ្ងាយ ដោយសារទីលាននៅស្រុកយើងអត់ពេញម៉ែត្រ អីចឹងទៅពិបាកហាត់ឆ្ងាយ។ លេងជិត យើងខ្លាំងហើយ មកទីនេះ យើងពង្រឹងឆ្ងាយ។ ទោះគេលេងឆ្ងាយក៏អត់បញ្ហាសម្រាប់យើងដែរ ពីព្រោះនៅទីនេះយើងបានហ្វឹកហាត់ពង្រឹងឆ្ងាយហើយ»។ កីឡាករ វណ្ណា ណាក់ បានបញ្ជាក់។
តាមកាលវិភាគ កីឡាប៊ូស្យា ត្រូវប្រកួតពីថ្ងៃទី៣១ ខែកក្កដា ដល់ថ្ងៃទី៥ ខែសីហា ខណៈកម្ពុជាបានបញ្ជូនអត្តពលិកជនពិការកីឡាប៊ូស្យាចំនួន៤រូបគឺលោក តេង សូជី គ្រូបង្វឹក កញ្ញា ថៃ ធីតា គ្រូជំនួយ កីឡាករ វណ្ណា ណាក់, កីឡាករ ពេជ ការ៉េ, កីឡាការិនី សន សាស និង
កីឡាការិនី គាត ចាន់នី៕
អត្ថបទ៖ វីរបុត្រ
ពលរដ្ឋមកទទួលវ៉ាក់សាំងដូសជំរុញក្នុងខេត្តកោះកុង មិនទាន់សម្រេចដល់គោលដៅចង់បាន
ត្រីភាគីដាក់តួលេខប្រាក់ឈ្នួលចុងក្រោយជូនក្រុមប្រឹក្សាជាតិប្រាក់ឈ្នួលសម្រេចនៅថ្ងៃទី២១កញ្ញាខាងមុខ
ពណ៌ផ្ទះហុងស៊ុយ ស្របតាមទិសទាំង ៨ ជួយទាក់ទាញសំណាងទ្វេដង
សពលោក ប៊ូ ឡាំ អតីតអ្នកតំណាងរាស្ត្រខេត្តរតនគិរី បានដឹកពីប្រទេសវៀតណាមមកដល់កម្ពុជាហើយ ដើម្បីរៀបចំធ្វើបុណ្យតាមប្រពៃណី
រដ្ឋមន្ត្រីក្រសួងសាធារណការ ត្រៀមប្រើម៉ាស៊ីនទំនើប ដែលអាចជំនួសមនុស្ស ក្នុងការចូលលូ លើកដំបូងក្នុងប្រទេសកម្ពុជា
(មានសំឡេង) ខ្ញុំឃើញភ្ញៀវរត់ចេញប្រសាច ស្ថានការណ៍ក្លាយជាច្របូកច្របល់ ពួកយើងភាន់ភាំង…
មកស្គាល់សាលាកូនអ្នកមានទាំង ៥ នៅភ្នំពេញ មួយឆ្នាំបង់លុយរៀនខ្ទង់ម៉ឺនដុល្លារ ទើបទៅរួច
ដំណឹងដ៏រំភើប! កម្ពុជា នឹងទទួលបានវ៉ាក់សាំងកូវីដពី UNICEF
ដំណឹងល្អ! កម្ពុជានិងប្រទេសអាស៊ីអាគ្នេយ៍៥ទៀតនឹងទទួលបានវ៉ាក់សាំងកូវីដ
ឃាត់ខ្លួនជនដៃដល់ដែលបាញ់ប្រហារស្រ្តីម្នាក់នៅខេត្តសៀមរាប
-
វប្បធម៌ ជំនឿ១ សប្តាហ៍ មុនប្រពៃណីធំៗ សែស្រឡាយចិនតែងធ្វើ និងជឿថានាំសំណាង ក្នុងថ្ងៃសែននំព្រះខែ
-
វប្បធម៌ ជំនឿ៥ ថ្ងៃ មុនមកដឹងពីប្រវត្តិដ៏យូរលង់ នៃពិធីបុណ្យភ្ជុំបិណ្ឌ
-
វប្បធម៌ ជំនឿ៧ ថ្ងៃ មុនអំណោយ ៥ យ៉ាង គួរជូនទៅសាច់ញាតិក្នុងថ្ងៃសែនព្រះខែ ដើម្បីនាំសុភមង្គលជូនដល់ជីវិត
-
វប្បធម៌ ជំនឿ២ ថ្ងៃ មុនអត្ថន័យនិងជំនឿនៃការបោះបាយបិណ្ឌ នៅម៉ោង ៤ ទៀបភ្លឺ
-
វប្បធម៌ ជំនឿ៥ ថ្ងៃ មុនការពិត ៥ យ៉ាង ទាក់ទងនឹងពិធីបុណ្យភ្ជុំបិណ្ឌ
-
វប្បធម៌ ជំនឿ៣ ថ្ងៃ មុនម្ហូបមួយមុខទាក់ទងនឹងពពួកប្រេត កូនចៅខ្មែរចោលមិនបាន ក្នុងថ្ងៃកាន់បិណ្ឌទីមួយ
-
វប្បធម៌ ជំនឿ៦ ថ្ងៃ មុននំ ៧ ប្រភេទ ខ្វះមិនបាន ហើយជនជាតិ ចិន តែងយកជាដង្វាយសែនព្រះខែរាល់ឆ្នាំ
-
វប្បធម៌ ជំនឿ៣ ថ្ងៃ មុនហេតុអ្វីគេចាត់ទុកបិណ្ឌ ១ និងភ្ជុំធំ ជាថ្ងៃសំខាន់មិនអាចអាក់ខានបាន?