កីឡា

កុំភ្លេច ក្រុមបាល់ទះកម្ពុជា ប្រកួតជាមួយ គុយបា ម៉ោង៧យប់នេះ

បានផុស

៤ years មុន

នៅ

ថ្ងៃព្រហស្បតិ៍ ២០ តុលា ២០២២

ដោយ

ក្រុមបាល់ទះជម្រើសជាតិកម្ពុជា នឹងប្រកួតមិត្តភាពអន្តរជាតិជាមួយក្រុមបាល់ទះជម្រើសជាតិគុយបា វេលាម៉ោង៧យប់ ថ្ងៃព្រហស្បតិ៍ ទី២០ ខែតុលានេះ នៅទីលានបាល់ទះវិសាខា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីទទួលបានជ័យជម្នះលើក្រុមបាល់ទះជម្រើសជាតិសិង្ហបុរី ដោយលទ្ធផល ២សិត១ កាលពីថ្ងៃសៅរ៍ ទី១៥ ខែតុលានេះ ក្រុមបាល់ទះជម្រើសជាតិកម្ពុជាត្រូវកម្តៅសាច់ដុំក្នុងមិត្តភាពអន្តរជាតិជាមួយ គុយបា ដើម្បីជាការអបអរសាទរពិធីបើកការប្រកួតបាល់ទះពានរង្វាន់សម្តេចតេជោ ហ៊ុន សែន ឆ្នាំ២០២២។

ក្រុមបាល់ទះគុយបាបានធ្វើដំណើរមកដល់ប្រទេសកម្ពុជាកាលពីថ្ងៃអាទិត្យ ទី១៦ ខែតុលា កន្លងទៅនេះ ហើយតាមដំណឹងក្រៅផ្លូវការ ពួកគេបានសាកដៃជាមួយក្រុមជម្រើសជាតិកម្ពុជារហូតដល់៥សិត។ ក្នុងនោះកម្ពុជាឈ្នះ៣សិត ហើយគុយបាឈ្នះ២សិត ដូច្នេះការប្រកួតមិត្តភាពយប់នេះច្បាស់ថា ល្អមើល និងគួរឲ្យចាប់អារម្មណ៍សម្រាប់អ្នកគាំទ្រ។

ការប្រកួតនេះក៏ជាការត្រៀមខ្លួន និងពង្រឹងសមត្ថភាពរបស់ក្រុមបាល់ទះជម្រើសជាតិកម្ពុជាសម្រាប់ស៊ីហ្គេម លើកទី៣២ ឆ្នាំ២០២៣ ដែលកម្ពុជាជាម្ចាស់ផ្ទះ។ តាមការគ្រោងទុក បន្ទាប់ពីបញ្ចប់ព្រឹត្តិការណ៍ពានរង្វាន់សម្តេចតេជោ ហ៊ុន សែន ក្រុមបាល់ទះកម្ពុជាគ្រោងនឹងធ្វើដំណើរប្រកួតមិត្តភាពអន្តរជាតិជាច្រើនទៀតនៅអាស៊ាននាពេលខាងមុខ ជាពិសេសដើមឆ្នាំ២០២៣មុនពេលស៊ីហ្គេមមកដល់៕

អត្ថបទ៖ វីរបុត្រ

Related Topics:កីឡាបាល់ទះ