កីឡា
Xavi និយាយថា Barcelona ត្រៀមបង្ហាញថាក្រុមរបស់លោក ល្អជាង Bayern
អ្នកចាត់ការ លោក Xavi Hernandez បាននិយាយថា Barcelona នឹងខ្នះខ្នែងក្នុងការបង្ហាញមនុស្សគ្រប់គ្នាថាពួកគេល្អជាងគូប្រជែង Bayern Munich នៅពេលដែលក្រុមទាំងពីរប៉ះគ្នាក្នុង Champions League នៅយប់ថ្ងៃពុធនេះ។
Barcelona ត្រូវបានក្រុម Bayern យកឈ្នះក្នុងលទ្ធផល ២-០ ក្នុងការប្រកួតពូល C កាលពីខែមុន ហើយជាលទ្ធផលដែល Xavi បាននិយាយថា មិនមែនជាការឆ្លុះបញ្ចាំងពិតនៃទេពកោសល្យរបស់ក្រុមនោះទេ។ ប៉ុន្តែដោយបានឈ្នះតែមួយប្រកួតក្នុងចំណោមបួនប្រកួតរបស់ពួកគេនៅអឺរ៉ុបក្នុងរដូវកាលនេះ Xavi ចង់ឱ្យក្រុមរបស់លោកបង្ហាញពីតម្លៃពិតរបស់ពួកគេនៅ Camp Nou នៅថ្ងៃពុធ។
Xavi បានប្រាប់សន្និសីទសារព័ត៌មានកាលពីថ្ងៃអង្គារថា “យើងត្រូវតែបង្ហាញខ្លួនឯងថាទោះបីជាយើងធ្លាក់ចេញពី Champions League យើងគឺជាក្រុមដ៏ល្អមួយ ហើយយើងអាចប្រកួតប្រជែងជាមួយនឹងក្រុមល្អបំផុតនៅទីនោះ។ ការប្រកួតនៅក្នុងទីក្រុង Munich គឺជាការអាម៉ាស់មួយ ពីព្រោះយើងសមនឹងទទួលបានច្រើនជាងនេះ។ នោះគឺជាឧប្បត្តិហេតុមួយ ដោយសារយើងខ្វះការប៉ះចុងក្រោយ។”
ទម្រង់លេងដ៏ព្រងើយកន្តើយរបស់ Barca នៅក្នុងពាននេះ បានធ្វើឲ្យពួកគេស្ថិតក្នុងតំបន់គ្រោះថ្នាក់នៃការធ្លាក់ចេញមុនការប្រកួត ខណៈដែលពួកគេឈរនៅលេខរៀងទី៣ ក្នុងតារាងចំណាត់ថ្នាក់ដោយមាន ៤ពិន្ទុ តាមពីក្រោយក្រុមកំពូលតារាង Bayern ៨ពិន្ទុ និងតាមពីក្រោយក្រុមលេខ២ Inter Milan ៣ពិន្ទុ ដោយនៅសល់ការប្រកួតក្នុងពូលចំនួន២។
ដោយឡែកក្រុម Inter នឹងធ្វើជាម្ចាស់ផ្ទះទទួលក្រុម Viktoria Plzen ដែលស្ថិតនៅបាតតារាង និងមិនទាន់រកបានមួយពិន្ទុក្នុងការប្រកួតក្នុងពូល។ ប្រសិនបើក្រុម Inter Milan ឈ្នះ នោះពួកគេនឹងឡើងទៅកាន់វគ្គ ១៦ក្រុមចុងក្រោយ ហើយទម្លាក់ Barca ដោយសាររូបមន្ត Head-to-head ខណៈ Bayern បានធានាកន្លែងរបស់ខ្លួនរួចហើយនៅជុំបន្ទាប់៕
ប្រភព៖ reuters.com
អត្ថបទ៖ មន្នីរ័ត្ន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ១ សប្តាហ៍ ago
ថ្ងៃពិសេសកូនប្រុសម្ដង ភរិយាសេដ្ឋី Ambani ពាក់គ្រឿងអលង្ការតម្លៃ ៦៦.៥ លានដុល្លារបង្អួតភ្នែកមហាជន