កីឡា

ម៉ោង១២ថ្ងៃនេះ ខាន់ ចេសា ត្រូវប្រជែងដៃគូ១៦រូបជើងឯកជឺជីតស៊ូពិភលោក

បានផុស

៤ years មុន

នៅ

ថ្ងៃពុធ ២ វិច្ឆិកា ២០២២

ដោយ

កីឡាការិនីជឺជីតស៊ូជម្រើសជាតិកម្ពុជា ខាន់ ចេសា ត្រូវចាប់ផ្តើមប្រកួតជឺជីតស៊ូជើងឯកពិភពលោកវេលាម៉ោង១២ថ្ងៃត្រង់នេះហើយ បន្ទាប់ពីថ្លឹងទម្ងន់រួចរាល់នៅទីក្រុងអាប៊ុយដាប៊ី ប្រទេសអារ៉ាប់រួម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការឲ្យដឹងពីសហព័ន្ធកីឡាជឺជីតស៊ូកម្ពុជាថា ការថ្លឹងទម្ងន់បានធ្វើរួចរាល់ ក្នុងប្រភេទទម្ងន់ -៥២គីឡូក្រាមសម្រាប់កីឡាការិនីជម្រើសជាតិកម្ពុជា ខាន់ ចេសា ។ ទម្ងន់នេះមានកីឡាការិនីសរុប១៧នាក់ មកពី១៥ប្រទេសប្រទេសផ្សេងគ្នាជុំវិញពិភពលោកចូលរួមប្រកួត វេលាម៉ោង ៩:០០ព្រឹកនៅទីក្រុងអាប៊ុយដាប៊ី ត្រូវនឹងម៉ោង១២ថ្ងៃត្រង់ម៉ោងនៅកម្ពុជា។

ចំណែកកីឡាករកម្ពុជា២រូបទៀត កីឡាករ ហួរ សេងហុង និង ថន អេនដ្រូ នឹងត្រូវប្រកួតនៅថ្ងៃទី៣ ខែវិច្ឆិកា ស្អែកនេះ។

បេសកកម្មនេះ ដឹកនាំដោយលោក ថោង បញ្ញាធន អនុប្រធានសហព័ន្ធកីឡាជឺជីតស៊ូកម្ពុជា ក៏ដូចជាលោក សៀន សុភ័ក្ដ្រ ជាអគ្គលេខាធិការ និងគ្រូបង្វឹកជនជាតិហូឡង់លោក Jasper Paas ផងដែរ។

មុនអត្តពលិកកម្ពុជា ចាកចេញពីមាតុភូមិ ប្រធានសហព័ន្ធលោកបណ្ឌិត សេង ប៊ុនសុង បានចាត់ទុកការប្រកួតនេះ គឺជាឱកាសមួយដ៏ល្អ សម្រាប់កីឡាករ កីឡាការិនីជឺជីតស៊ូកម្ពុជា ធ្វើការវាស់ស្ទង់ ក៏ដូចជាពង្រឹងសមត្ថភាព និងបច្ចេកទេស តាមរយៈការប្រកួតប្រជែងជាមួយដៃគូខ្លាំងៗជុំពិភពលោកដែលចូលរួម ក្នុងន័យសម្រួចគុណផលកម្រិតខ្ពស់ ត្រៀមការប្រកួតកីឡាស៊ីហ្គេម ឆ្នាំ២០២៣ នៅកម្ពុជា៕

អត្ថបទ៖ វីរបុត្រ