កីឡា
ពានរង្វាន់បាល់ទាត់មិត្តភាព យុវជន អន្ដរក្រសួង-ស្ថាប័ន លើកទី៨ ប្រកួតផ្លូវការសប្តាហ៍នេះហើយ
ការប្រកួតកីឡាបាល់ទាត់ «ពានរង្វាន់មិត្តភាព យុវជន អន្ដរក្រសួង-ស្ថាប័ន» លើកទី៨ គ្រោងនឹងចាប់ផ្ដើម ការប្រកួត នាថ្ងៃទី២៤ ខែធ្នូ ចុងសប្ដាហ៍នេះ បន្ទាប់ពីខកខានអស់រយៈ ២ឆ្នាំកន្លងមក ដោយសារវិបត្តិកូវីដ-១៩ ។
លោក សុខ សប្បាយណា អនុរដ្ឋលេខាធិការក្រសួងអប់រំយុវជននិងកីឡា ឲ្យដឹងថាសំរាប់ការប្រកួតនេះ គឺដើម្បីផ្សារភ្ជាប់ យុទ្ធនាការ Beyond The Game ដែលជាយុទ្ធនាការថ្មីមួយរបស់ ស.ស.យ.ក ក្រោមកិច្ចសហការជាមួយ គណៈកម្មាធិការជាតិ CAMSOC ដើម្បីបញ្ជ្រាបព័ត៌មាន និងផ្សព្វផ្សាយបន្ថែមពីដំណើរឆ្ពោះទៅធ្វើម្ចាស់ផ្ទះស៊ីហ្គេម និងអាស៊ានប៉ារ៉ាហ្គេម ឆ្នាំ២០២៣។
លោកក៍បានធ្វើការស្វាគមន៍ចំពោះ ក្រុមចំណូលថ្មី គឺក្រុមកីឡាបាល់ទាត់ គណៈមេធាវី នៃព្រះរាជាណាចក្រកម្ពុជា សម្រាប់ការចូលរួមលើកដំបូងក្នុងព្រឹត្តិការណ៍នេះ នឹងបញ្ជាក់ពីការប្រកួត រដូវកាលថ្មី នៃពានរង្វាន់មិត្តភាពយុវជន អន្ដរក្រសួង-ស្ថាប័ន ឆ្នាំ២០២២ បានធ្វើការផ្លាស់ប្ដូរ ទម្រង់លេងពី ១០នាក់ ទល់ ១០នាក់ មកទម្រង់លេង ១១នាក់ ទល់ ១១នាក់វិញ។
ស សុខា រដ្ឋលេខាធិការក្រសួងអប់រំយុវជននិងកីឡា បានសម្ដែងការកោតសរសើរ និងវាយតម្លៃខ្ពស់ ចំពោះ ក្រសួង-ស្ថាប័នទាំងអស់ដែលបានរៀបចំក្រុម និងចូលរួមព្រឹត្តិការណ៍នេះ។ លោកថា គោលបំណងតែមួយគត់ នៃការៀបចំនេះ គឺចង់ឲ្យយុវជនតាមបណ្ដាក្រសួង-ស្ថាប័ននានា មានឱកាសថ្ងៃឈប់សម្រាកសៅរ៍-អាទិត្យ ក្នុងការរៀបចំក្រុម និងជួបជុំគ្នា ដើម្បីចូលរួមប្រកួត ក៏ដូចជារួមចំណែកបំផុសស្មារតីចូលរួមលេងកីឡា និងជំរុញការអភិវឌ្ឍវិស័យកីឡាមួយនេះផងដែរ។
សម្រាប់ការប្រកួតដណ្តើមពានរង្វាន់ខាងលើនេះ នឹងចាប់ផ្ដើម ពីថ្ងៃទី២៤ ខែធ្នូ ឆ្នាំ២០២២ ដល់ថ្ងៃទី១៩ ខែមីនា ឆ្នាំ២០២៣ ដោយមាន ៣០ក្រុម ចូលរួម និងបែងចែកជា ៨ពូល (ពូល A-H) ក្នុងមួយពូលមាន ៤ក្រុម លើកលែងពូល G និងពូល H មានតែ ៣ក្រុម។ ចំណែករូបមន្ដប្រកួត ក្រុមឈរលេខ១ និងលេខ២ នៃពូលនីមួយៗ នឹងបានឡើងទៅកាន់វគ្គបន្ដ៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ