កីឡា

បាល់ទាត់កម្ពុជា នឹងទទួលបានប្រាក់ ៨ លានដុល្លារ ពី FIFA សម្រាប់គម្រោងអភិវឌ្ឍន៍បាល់ទាត់ក្នុងស្រុក

បានផុស

១ year មុន

នៅ

ថ្ងៃព្រហស្បតិ៍ ១៦ កុម្ភៈ ២០២៣

ដោយ

សហព័ន្ធកីឡាបាល់ទាត់កម្ពុជា នឹងទទួលបានប្រាក់ ៨ លានដុល្លារ ពីសហព័ន្ធកីឡាបាល់ទាត់ពិភពលោក FIFA សម្រាប់គម្រោងអភិវឌ្ឍន៍បាល់ទាត់ក្នុងស្រុក អំឡុងឆ្នាំ ២០២៣-២០២៦។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សហព័ន្ធកីឡាបាល់ទាត់ពិភពលោក (FIFA) បានប្រកាសកាលពីថ្ងៃពុធ អំពីការបង្កើនថវិកាជាង ២ ពាន់លានដុល្លារអាមេរិក នៅក្នុងអំឡុងឆ្នាំ ២០២៣-២០២៦ សម្រាប់កម្មវិធី FIFA Forward របស់ខ្លួន។

ស្ថាប័នគ្រប់គ្រងកីឡាបាល់ទាត់ពិភពលោក បានប្រកាសថា កម្មវិធី FIFA Forward 3.0 ដែលរៀបចំឡើងដោយប្រធាន FIFA លោក Gianni Infantino ក្នុងខែមករា នឹងផ្តល់ប្រាក់ចំនួន ២.២៥ ពាន់លានដុល្លារអាមេរិក ដើម្បីអភិវឌ្ឍន៍កីឡាទូទាំងពិភពលោក។

កម្មវិធីនេះបានបង្កើនថវិការបស់ខ្លួនជារៀងរាល់ឆ្នាំ ចាប់តាំងពីវាត្រូវបានដាក់ឲ្យដំណើរការក្នុងឆ្នាំ ២០១១ ជាមួយនឹង ៣២៨ លាន នៅលើកទីមួយ, ១,១៦១ លាន នៅលើកទីពីរ និង ១,៧៤៦ លាន នៅលើកទី ៣ ឆ្នាំ ២០១៩-២០២២ នេះបើយោងតាមស្ថិតិរបស់ FIFA។

នៅលើកចុងក្រោយ FIFA Forward បានផ្ដល់ឲ្យសមាគមដែលជាសមាជិកនីមួយៗនូវទំហំទឹកប្រាក់ចំនួន ៦ លានដុល្លារអាមេរិក ដើម្បីផ្ដល់ហិរញ្ញប្បទានដល់តម្រូវការប្រតិបត្តិការ និងគម្រោងអភិវឌ្ឍន៍ ហើយមូលនិធិនេះត្រូវបានគេរំពឹងថា នឹងមានចំនួន ៨ លាន ក្នុងរយៈពេល ៤ ឆ្នាំ ក្នុងឆ្នាំ ២០២៣-២០២៦។

FIFA Forward ជួយជំរុញបាល់ទាត់ក្នុងពិភពលោកជាមួយនឹងប្រាក់ចំណូលដែលបង្កើតដោយប្រភពគ្រប់គ្រងរបស់ស្ថាប័នបាល់ទាត់ពិភពលោកដូចជា World Cup ជាដើម៕

ប្រភព ៖ Xinhua

អត្ថបទ ៖ មន្នីរ័ត្ន