កីឡា

នៅអាស៊ាន មានតែក្បាច់គុនរបស់ខ្មែរ ម៉ាឡេស៊ី និងឥណ្ឌូនេស៊ី ចូលក្នុងបញ្ជីពិភពលោក

បានផុស

៣ years មុន

នៅ

ថ្ងៃចន្ទ ៦ មីនា ២០២៣

ដោយ

ក្បាច់គុនបុរាណចំនួន៣ នៅតំបន់អាស៊ីអាគ្នេយ៍ត្រូវបានដាក់បញ្ចូល ក្នុង«បញ្ជីបេតិកភណ្ឌវប្បធម៌អរូបីនៃមនុស្សជាតិរបស់អង្កការយូណេស្កូ (UNESCO) គឺ គុនល្បក្កតោ សីលាម៉ាឡាយូ និងបញ្ចសីលា។

គុនល្បុក្កតោ (Kun Lbokator)

គុនល្បក្កតោ ដែលជាក្បាច់គុនបុរាណ និងអត្តសញ្ញាណជាតិរបស់កម្ពុជាត្រូវបានអង្គការយូណេស្កូបានទទួលស្គាល់ជាផ្លូវការកាលពីឆ្នាំ២០២២កន្លងទៅថ្មីៗនេះ។ ក្រោមកិច្ចប្រឹងប្រែងអស់រយៈពេលជាច្រើនឆ្នាំ គុនល្បុក្កតោដ៏ចំណាស់របស់ខ្មែរ ត្រូវបានចុះក្នុង «បញ្ជីបេតិកភណ្ឌវប្បធម៌អរូបីនៃមនុស្សជាតិ» របស់អង្គការយូណេស្កូ កាលពីកិច្ចប្រជុំគណៈកម្មាធិការអន្តររដ្ឋាភិបាលសម្រាប់ការថែរក្សាបេតិកភណ្ឌវប្បធម៌អរូបី លើកទី១៧ នៅក្រុង Rabat ប្រទេសម៉ារ៉ុក នារាត្រីថ្ងៃទី២៩ ខែវិច្ឆិកា ឆ្នាំ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គុនល្បុក្កតោ ត្រូវបានដាក់ឲ្យប្រកួតក្នុងកីឡាស៊ីហ្គេម លើកដំបូងក្នុងឆ្នាំ២០២៣នេះ នៅពេលកម្ពុជាធ្វើជាម្ចាស់ផ្ទះ។

សីលាម៉ាឡាយូ (Silat Melayu)

គុនលាម៉ាឡាយូ ជាក្បាច់គុនបុរាណ និងអត្តសញ្ញាណជាតិរបស់ប្រទេសម៉ាឡេស៊ី ត្រូវបានអង្គការយូណេស្កូបានទទួលស្គាល់ជាផ្លូវការ នៅថ្ងៃទី១២ ខែធ្នូ ឆ្នាំ២០១៩ នៅប្រទេសកូឡុំប៊ី។ ក្បាច់គុននេះត្រូវបានដាក់ឲ្យប្រកួតក្នុងកីឡាស៊ីហ្គេម តាំងពីឆ្នាំ១៩៨៧ និងកីឡាទ្វីបអាស៊ី ឆ្នាំ២០១៨។

បញ្ចសីលា (Pencak Silat)

គុនបញ្ចសីលា ដែលជាក្បាច់គុនបុរាណ និងអត្តសញ្ញាណជាតិរបស់ប្រទេសឥណ្ឌូនេស៊ីត្រូវបានអង្គការយូណេស្កូទទួលស្គាល់ជាផ្លូវការនៅថ្ងៃទី១២ ខែធ្នូ ឆ្នាំ២០១៩ ដំណាលគ្នាជាមួយក្បាច់គុនរបស់ម៉ាឡេស៊ីដែរ។ ក្បាច់គុននេះត្រូវបានដាក់ឲ្យប្រកួតក្នុងកីឡាស៊ីហ្គេម តាំងពីឆ្នាំ១៩៨៧ និងកីឡាទ្វីបអាស៊ី ឆ្នាំ២០១៨។ សម្រាប់ស៊ីហ្គេម លើកទី៣២ ឆ្នាំ២០២៣ នៅលើទឹកដីប្រទេសកម្ពុជាក៏មានការប្រកួតកីឡាបញ្ចសីលានេះដែរ៕

អត្ថបទ៖ វីរបុត្រ

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា