កីឡា

កីឡាករវ័យក្មេង៥រូបបង្ហាញសមត្ថភាពលេចធ្លោក្នុងរដូវកាល២០២២-២៣

បានផុស

២ years មុន

នៅ

ថ្ងៃសៅរ៍ ២៤ មិថុនា ២០២៣

ដោយ

សូមបង្ហាញកីឡាករវ័យក្មេង៥រូបដែលកំពុងទទួលបានការចាប់អារម្មណ៍ខ្លាំងពីអ្នកគាំទ្រទូទាំងពិភពលោក បន្ទាប់ពីពួកគេបង្ហាញសមត្ថភាពដ៏អស្ចារ្យក្នុងរដូវកាល២០២២-២០២៣។

១. កីឡាករខ្សែបម្រើ Jude Bellingham

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ Jude Bellingham សមាជិកថ្មីរបស់ក្លិប Real Madrid មានវ័យត្រឹមតែ១៩ឆ្នាំ ប៉ុន្តែបើនិយាយពីសមត្ថភាពវិញគឺមិនធម្មតាទេ។ រូបគេជាប់ឈ្នោះក្នុងបញ្ជីជម្រើសជាតិអង់គេ្លស និង ជាកីឡាករវ័យក្មេងដែលមានតម្លៃផ្ទេរខ្ពស់ទៅកាន់ក្លិបយក្ស Real Madrid ក្នុងតម្លៃ ១១៥ លានផោន។

២. កីឡាករខ្សែបម្រើ Pedri

ខ្សែបម្រើសញ្ជាតិអេស្ប៉ាញវ័យ២០ឆ្នាំរូបនេះជាសមាជិកជួយឲ្យក្លិប FC Barcelona ឈ្នះជើងឯក Laliga និង Spanish Super Cup សម្រាប់រដូវកាលនេះ។ រូបជាក៏ជាសមាជិកដែលជួយឲ្យក្រុមជម្រើសជាតិ អេស្ប៉ាញ ឈ្នះពានរង្វាន់ទ្វីបអឺរ៉ុប UEFA Nation league ឆ្នាំ២០២៣។ Pedri ក៏ជាម្ចាស់ពានរង្វាន់កីឡាករឆ្នើមវ័យក្មេង Golden Boy កាលពីឆ្នាំ ២០២២ ផងដែរ។

៣. កីឡាករខ្សែបម្រើប្រយុទ្ធ Bukayo Saka

កីឡាករ Saka វ័យ ២១ ឆ្នាំសញ្ជាតិ អង់គ្លេសរូបនេះជាតួដ៏សំខាន់សម្រាប់ក្រុម Arsenal និង ក្រុមជម្រើសជាតិអង់គ្លេស។ រូបគេបង្ហាញខ្លួនឲ្យក្លិប Arsenal បាន ១៣៥ ប្រកួតស៊ុតបញ្ចូលទីបាន ៣១ គ្រាប់។

៤. កីឡាករខ្សែបម្រើ Gavi

ខ្សែបម្រើសញ្ជាតិ អេស្ប៉ាញ ដែលជាយុវជនរបស់ក្លិប FC Barcelona មានវ័យត្រឹមតែ ១៨ ឆ្នាំប៉ុណ្ណោះ ប៉ុន្តែរូបគេមានសមត្ថភាពខ្ពស់រហូតជាប់ជាប់ឈ្មោះក្នុងក្រុមជម្រើសជាតិ អេស្ប៉ាញ។ ប្រុសស្អាត Gavi ក៏បានរួមចំណែកជួយឲ្យក្រុមជម្រើសជាតិ អេស្ប៉ាញ ឈ្នះពានរង្វាន់ទ្វីបអឺរ៉ុប UEFA Nation league ២០២៣ ផងដែរ។

៥. កីឡាករខ្សែបម្រើប្រយុទ្ធ Jamal Musiala

កីឡាករ Musiala វ័យ ២០ ឆ្នាំ សញ្ជាតិ អាឡឺម៉ង់ ក៏ជាតួសំខាន់មួយសម្រាប់ក្រុម Bayern Munich និងក្រុមជម្រើសជាតិ អាឡឺម៉ង់។ រូបគេបង្ហាញខ្លួនឲ្យ Bayern Munich បាន ៨៩ ប្រកួត ស៊ុតបញ្ចូលទីបាន ២៣ គ្រាប់ ជួយឲ្យក្លិបឈ្នះពានរង្វាន់ Bundesliga និង German Super Cup នៅរដូវកាលនេះផងដែរ។

ក្រៅពីកីឡាករវ័យក្មេងលេចធ្លោទាំង៥រូបខាងលើ ក៏មានកីឡាករវ័យក្មេងជាច្រើនទៀតដែលលេចធ្លោក្នុងក្លិបនៃលីគកំពូលរបស់អឺរ៉ុប៕

ប្រែសម្រួល៖ ផា រតនា