កីឡា
កិច្ចពិគ្រោះយោបល់លើសេចក្ដីសេចក្ដីព្រាងច្បាប់ស្ដីពីការគ្រប់គ្រងវិស័យអប់រំកាយ និងកីឡា
ភ្នំពេញ ៖ ពេញមួយថ្ងៃទី២៦មករាឆ្នាំ២០២១នេះ ក្រសួងអប់រំយុវជននិងកីឡា បានបើកកិច្ចប្រជុំពិគ្រោះយោបល់លើសេចក្ដីព្រាងច្បាប់ស្ដីពីការគ្រប់គ្រងលើវិស័យអប់រំកាយ និង កីឡា។
កិច្ចប្រជុំនេះ ធ្វើឡើងក្រោមការចូលរួមរបស់លោក ប៊ូជុំសេរី អនុរដ្ឋលេខាធិការក្រសួងអប់រំកាយនិងកីឡា ដែលជាអនុប្រធានអចិន្ត្រៃយ៍គណៈកម្មការរៀបចំតាក់តែងសេចក្ដីព្រាងច្បាប់គ្រប់គ្រងវិស័យអប់រំកាយនិងកីឡា លោក វ៉ាត់ ចំរើន រដ្ឋលេខាធិការក្រសួងទេសចរណ៍ ជាអគ្គលេខាធិការគណៈកម្មាធិការជាតិអូឡាំពិកកម្ពុជានិងជាអគ្គលេខាធិការគណៈកម្មាធិការជាតិរៀបចំស៊ីហ្កេមឆ្នាំ២០២៣ រួមជាមួយនឹងការចូលរួមពីតំណាងកីឡាកងយោធពលខេមរភូមិន្ទ ក្រសួងមហាផ្ទៃ និងតំណាងសហព័ន្ធនៃកីឡាអូឡាំពិក និងមិនអូឡាំពិក ចំនួន៤២សហកីឡាព័ន្ធជាតិ។
កិច្ចពិភាក្សានេះ សង្កត់ធ្ងន់ទៅលើការប្រមូលធាតុចូល ព្រមទាំងពិភាក្សាលើជំពូកទី២ស្ដីពីការបង្កើតតួនាទីភារកិច្ចនិងសិទ្ធអំណាចរបស់អង្គការ និង ស្ថាប័នកីឡា។
ជំពូកទី២ ដែលមាន៦០មាត្រានោះ ចែកចេញជា១០ផ្នែក។ ផ្នែកទី១ដែលមាន៧មាត្រានោះ គឺចែងពីរចនាសម្ព័ន្ធចាត់តាំង គ្រប់គ្រងវិស័យអប់រំកាយ និង កីឡា ។ ផ្នែកទី២ មាន៤មាត្រានោះ ចែងពីឋានានុក្រមចាត់តាំងរចនាសម្ព័ន្ធកីឡា។ ផ្នែកទី៣ ដែលចែងពីទំនាក់ទំនងរវាងអង្គការរដ្ឋ និង អង្គការសង្គមកីឡា មាន១៣មាត្រា។ ផ្នែកទី៤ ដែលចែងពីសហព័ន្ធកីឡាជាតិ មាន២មាត្រា។ ផ្នែកទី៥ ដែលចែងពីការបង្កើតសហព័ន្ធកីឡាជាតិ មានចំនួន៤មាត្រា ។ផ្នែកទី៦ ដែលមាន៥មាត្រា គឺចែងពីការគ្រប់គ្រងសហព័ន្ធកីឡាជាតិ ។ ផ្នែកទី៦ ដែលមាន៥មាត្រាគឺចែងពីការគ្រប់គ្រងសហព័ន្ធកីឡាជាតិ ។ ផ្នែកទី៧ដែលមាន៧មាត្រានោះគឺចែងពីក្លិបកីឡាស្ម័គ្រចិត្ត ។ផ្នែកទី៨ ដែលមាន២មាត្រានោះ គឺចែងពីក្លិបកីឡាអាជីព ។ ផ្នែកទី៩ដែលមានចំនួន៦មាត្រានោះ គឺចែងអំពីកីឡាកងយោធពលខេមរភូមិន្ទ និង ផ្នែកទី១០ដែលចែងពីកីឡានគរបាលជាតិនោះ មានចំនួន៩មាត្រា។
សូមបញ្ជាក់ថា ច្បាប់ស្ដីអំពីការគ្រប់គ្រងវិស័យអប់រំកាយ និង កីឡាមានចំនួន ៨ ជំពូកដែលមានជាង២៥០មាត្រា។ កិច្ចពិភាក្សានេះ ធ្វើឡើងដើម្បីប្រមូលធាតុចូលដែលប្រមូលបានពីការពិភាក្សាគ្នា ដើម្បីធ្វើឲ្យច្បាប់មានលក្ខណៈគ្រប់ជ្រុងជ្រោយ ដើម្បីការអនុវត្តន៍ទៅមានប្រសិទ្ធភាព៕
ដោយ ៖ វិសិទ្ធ
-
ព័ត៌មានជាតិ៤ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានជាតិ២ ថ្ងៃ agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ៣ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
ព័ត៌មានអន្ដរជាតិ២០ ម៉ោង agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
សន្តិសុខសង្គម១ សប្តាហ៍ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៥ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន
-
ព័ត៌មានអន្ដរជាតិ៦ ថ្ងៃ agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន