កីឡា

ខេត្តកណ្តាលចម្រាញ់បានជើងខ្លាំងចំបាប់ ត្រៀមប្រកួតជើងឯកថ្នាក់ជាតិ២០២០

បានផុស

៦ years មុន

នៅ

ថ្ងៃអង្គារ ៣ វិច្ឆិកា ២០២០

ដោយ

ខេត្តកណ្តាលបានចម្រាញ់រកឃើញជើងខ្លាំងខាងកីឡាចំបាប់ជាច្រើនរូប សម្រាប់ត្រៀមចូលរួម ក្នុងការប្រកួតកីឡាចំបាប់ជ្រើសរើសជើងឯកថ្នាក់ជាតិ២០២០ នៅរាជធានីភ្នំពេញនាពេលខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ពៅ វណ្ណា ប្រធានការិយាល័យខេត្តកណ្តាល បានរាយការណ៍ឲ្យដឹងថា បន្ទាប់ពីឆ្លងកាត់ការប្រកួតជើងឯកថ្នាក់ខេត្តកាលពីចុងសប្តាហ៍កន្លងទៅ ខេត្តកណ្តាលបានចម្រាញ់និងរកឃើញកីឡាករជើងខ្លាំង មានសមត្ថភាពជាច្រើនរូប សម្រាប់តំណាងឲ្យខេត្តកណ្តាល ត្រៀមទៅចូលរួមការប្រកួតកីឡាចំបាប់ជ្រើសរើសជើងឯកថ្នាក់ជាតិនៅពហុកីឡដ្ឋានជាតិ រាជធានីភ្នំពេញនាពេលខាងមុខ។

លោកបានបញ្ជាក់ថា បច្ចុប្បន្ននេះវិស័យកីឡាខេត្តកណ្តាល មានការរីកចម្រើនគួរឲ្យកត់សម្គាល់ ហើយការរីកចម្រើននេះ គឺបានមកពីការយកចិត្តទុកដាក់ខ្ពស់ពីសំណាក់ថ្នាក់ដឹកនាំ ខេត្ត និងថ្នាក់ដឹកនាំមន្ទីរ ដែលបានខិតខំគាំទ្រយ៉ាងពេញទំហឹង ទាំងផ្នែក ស្មារតី សម្ភារៈ និងថវិកា ក្នុងនោះដែលការិយាល័យអប់រំកាយ និងកីឡា នៃមន្ទីរអប់រំ យុវជន និងកីឡាខេត្ត ក៏បានយកចិត្តទុកដាក់រៀបចំផែនការសកម្មភាពជាអាទិភាព ដែលផ្តោតលើសក្ដានុពល និងធនធានអត្តពលិក(កីឡាករ) លើប្រភេទកីឡា ដែលមាននៅក្នុងខេត្ត៕

អត្ថបទ៖ វិសិទ្ធ

សូមចុចអាន៖ ការរៀបចំប្រកួតកីឡាប៉េតង់ពានរង្វាន់ “គរុគុណ” ក្នុងគោលបំ ណងរម្លឹកគុណដល់សម្តេចក្រឡាហោម ស ខេង និងសម្តេចវិបុលបញ្ញា សុខ អាន