កីឡា
អត្តពលិកកៀគីស្ថានប្រឆាំងរដ្ឋាភិបាលខ្លួនពីការកែប្រែទង់ជាតិ
អត្តពលិកជនជាតិកៀគីស្ថានឆ្នើមៗជាច្រើនរូបកំពុងបដិសេធការប្រើទង់ជាតិថ្មីដែលបង្កើតឡើងដោយប្រធានាធិបតី លោក Sadyr Japarov ដែលបានកែប្រែដោយសារពួកគេមានអារម្មណ៍ដូចជាស្រដៀងនឹងផ្កាឈូករ័ត្នជាជាងព្រះអាទិត្យ។
អត្តពលិកកំពូលមួយចំនួនរបស់កៀគីស្ថាន បាននិយាយថា ពួកគេនឹងមិនប្រកួតក្រោមទង់ជាតិដែលទើបតែត្រូវបានអនុម័តដោយសភា និងមានការគាំទ្រដោយលោកប្រធានាធិបតី Sadyr Japarov ក្នុងការផ្លាស់ប្តូរទង់ជាតិដើមនោះទេ។
ម្ចាស់ជើងឯកកីឡាចំបាប់ពិភពលោក កីឡាករ Zholaman Sharshenbekov បាននិយាយប្រឆាំងនឹងការផ្លាស់ប្តូរទង់ជាតិ។ កីឡាករវ័យ២៤ឆ្នាំមកពីក្លិប Bala-Saruu ដែលបានបញ្ចប់ក្នុងចំណាត់ថ្នាក់លេខ៧ នៅអូឡាំពិកតូក្យូ ឆ្នាំ២០២០ បាននិយាយថា ៖«ខ្ញុំនៅតែស្រឡាញ់ចាស់។ ខ្ញុំមិនទទួលយកថ្មីនោះទេ។ នៅពេលអនាគត ខ្ញុំនឹងប្រកួតប្រជែងក្រោមទង់ជាតិចាស់ដដែល»។
ម្ចាស់ជើងឯកប្រដាល់សេរីពិភពលោក កីឡាករ Dastan Sharsheyev វិញក៏បានបន្ទរពីអារម្មណ៍របស់ខ្លួន ដោយបញ្ជាក់ថា ខ្លួនដូចជាជនជាតិកៀគីស្ថាន៩៩%ដែរមិនទទួលស្គាល់ទង់ជាតិថ្មីនោះទេ។ លោកបាននិយាយនៅក្នុងវីដេអូមួយថា ៖«ខ្ញុំបានប្រកួតប្រជែងនៅក្រោមទង់នេះ (ទង់ចាស់) ដែលអ្នកឃើញនៅពីក្រោយខ្ញុំចាប់តាំងពីខ្ញុំមានអាយុ១៩ឆ្នាំ។ ខ្ញុំចាត់ទុកវាជាកិត្តិយស»។
កីឡាករ Sharsheyev បានបន្ថែមថា ៖«ទង់ជាតិរបស់យើង គឺជាប្រវត្តិសាស្ត្រ និងអនាគតរបស់យើង មិនចាំបាច់ផ្លាស់ប្តូរវាទេ»។
ការជំទាស់ក៏បានរាលដាលទៅដល់វិស័យបាល់ទាត់ ដោយកីឡាករ Azamat Baymatov និង Mirlan Murzayev បានធ្វើសេចក្តីថ្លែងការណ៍ស្រដៀងគ្នា។
Baymatov បាននិយាយថា ៖«ខ្ញុំដឹងរឿងតែមួយគត់។ ទង់ជាទីស្រឡាញ់របស់ខ្ញុំនឹងស្ថិតនៅក្នុងដៃរបស់ខ្ញុំជានិច្ច»។ ទន្ទឹមនឹងនេះដែរ កីឡាករ Murzayev ដែលលេងឱ្យក្លិបនៅតួកគីបានបញ្ចេញមតិថា ៖«ខ្ញុំធ្លាប់ឈ្នះឯកលីគតួកគី៥ដង ហើយរាល់ពេលខ្ញុំអបអរដោយការគ្រវីទង់ជាតិនេះ។ ទង់ជាតិចាស់ជាទីស្រឡាញ់របស់យើង»។
ទោះបីជាមានការជំទាស់ជាសាធារណៈ និងជំហររបស់អត្តពលិកលេចធ្លោមួយចំនួនក៏ដោយ ក៏រដ្ឋាភិបាលនៅតែបន្តគាំទ្រការប្រើប្រាស់ទង់ជាតិថ្មី។ លោកឧបនាយករដ្ឋមន្ត្រី Edil Baysakov បានឆ្លើយតបថា អត្តពលិកជនជាតិកៀគីស្ថាន ទាំងអស់នឹងប្រើប្រាស់ទង់ជាតិថ្មីនៅក្នុងការប្រកួតនាពេលអនាគត រួមទាំងការប្រកួតកីឡាចំបាប់ជើងឯកអាស៊ីក្នុងខែមេសា និងការប្រកួតអន្តរជាតិផ្សេងទៀត ក្នុងនោះមានកីឡាអូឡាំពិកនៅទីក្រុងប៉ារីស។
លោកប្រធានាធិបតី Japarov បាននិយាយនៅក្នុងកិច្ចប្រជុំសភាមួយថា ៖«យើងមិនធ្វើឱ្យវាទៅជាពណ៌ខៀវឬពណ៌សទេ។ យើងគ្រាន់តែផ្លាស់ប្តូរតិចតួចប៉ុណ្ណោះ»។
លោកប្រធានាធិបតីធ្លាប់បានលើកឡើងថា រលកកាំរស្មីព្រះអាទិត្យនៅលើទង់ជាតិ មើលទៅដូចជាផ្កាឈូករ័ត្ន។ «នៅពេលកាំរស្មីព្រះអាទិត្យត្រូវបានតម្រង់ ព្រះអាទិត្យនឹងភ្លឺហើយញញឹមដាក់យើងវិញ ហើយចាប់ពីពេលនោះមកយើងនឹងក្លាយជាប្រទេសអភិវឌ្ឍនិងឯករាជ្យ»៕
ប្រែសម្រួល៖ មន្នីរ័ត្ន
ប្រភព៖ Inside The Games
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា