កីឡាករបាល់ទះ៥រូបមានទ្រព្យសម្បត្តិច្រើនបំផុត

បាល់ទះ​ជា​កីឡា​ដ៏​ពេញ​និយម​មួយ ​ដែល​ទទួល​បាន​ការ​ចាប់​អារម្មណ៍​យ៉ាង​ខ្លាំង​នៅ​ទូទាំង​ពិភពលោក។ បច្ចុប្បន្ន​កីឡាករបាល់ទះជាច្រើនក៏មានលទ្ធភាពអាចរកចំណូលបានច្រើន តាមរយៈឱកាស​បង្ហាញខ្លួនជាមួយក្រុមកំពូលៗក្នុង​ពិភព​លោក​។

ថ្ងៃនេះសារព័ត៌មាន«កម្ពុជាថ្មី»សូមបង្ហាញពីកីឡាករបាល់ទះ៥រូប ដែលមានទ្រព្យសម្បត្តិច្រើន​ជាង​គេបំផុត៖

១. Wilfredo Leon

កីឡាករ Wilfredo Leon ឈរលេខ​១​ក្នុងបញ្ជីឈ្នោះជាកីឡាករបាល់ទះមានទ្រព្យសម្បត្តិច្រើនបំផុត សរុបប្រហែលជា៦៦លានដុល្លារ។ រូប​គេ​បានចាប់ផ្តើមលេងបាល់ទះនៅអាយុ៧ឆ្នាំ ដោយ​ម្តាយ​របស់ខ្លួនផ្ទាល់​គ្រូ​បង្វឹក​ផ្ទាល់។ រូប​គេ​បាន​ជាប់ជម្រើស​ជាតិ​ដំបូង​ក្នុង​ឆ្នាំ ២០០៨ នៅ​អាយុ​១៤​ឆ្នាំ។ ចន្លោះឆ្នាំ២០១៤ ដល់ឆ្នាំ២០១៨ Leon បានផ្លាស់ទៅលេងឲ្យក្លិបរុស្ស៊ី Zenit Kazan ហើយប្រាក់ចំណូលប្រចាំឆ្នាំរបស់គាត់ត្រូវបានគេប៉ាន់ស្មានថា មានប្រហែល​១.៤លានអុីរ៉ូ។ នៅឆ្នាំ២០១៥និង២០១៦ រូបគេ​ជាកីឡាករលេងក្រៅម៉ោងឲ្យក្លិបកាតា​រ Al Rayyan ប៉ុន្តែបច្ចប្បន្នកីឡាករវ័យ៣០ឆ្នាំរូបនេះកំពុងលេងឲ្យក្លិប Sir Safety Umbria Volley នៅលីគបាល់ទះកំពូលអុីតាលី។

២. Maxim Mikhaylov

កីឡាករ Maxim Mikhaylov កើតនៅថ្ងៃទី១៩ ខែមីនា ឆ្នាំ១៩៨៨ នៅទីក្រុង Tayga មានទ្រព្យសម្បត្តិច្រើននៅលេខរៀងទី២ ដោយទ្រព្យសម្បត្តិសរុបរបស់រូបគេមានប្រមាណ ១.៣ លានដុល្លារ។ រូប​គេ​ជាកីឡាករមួយរូបដែលមានភាពរហ័សរហួនគួរឱ្យកត់សម្គាល់ ជាមួយយុទ្ធសាស្ត្រ និងការប្តេជ្ញាចិត្តខ្ពស់។ ក្នុងឆ្នាំ២០១០ Mikhaylov បានចូលរួមជាមួយ Zenit Kazan ហើយជួយក្រុមមួយនេះឈ្នះឈ្នះមេដាយ​មាស​១​ ប្រាក់២ និង​សំរិទ្ធ២ ក្នុងពានរង្វាន់ CEV Champions League, ឈ្នះមេដាយមាស៦​ និង​មេដាយសំរិទ្ធ១ ក្នុងពានរង្វាន់ Russian Championship និង មេដាយមាស១០ ប្រាក់១ ក្នុងពានរង្វាន់ Russian Super Cup គិតត្រឹម​ដើម​ឆ្នាំ២០២៤។

៣. Dmitry Muserskiy

កីឡាករ Dmitry Muserskiy កើតនៅថ្ងៃទី២៩ ខែតុលា ឆ្នាំ១៩៨៨ រូបគេត្រូវបានអ្នកគាំទ្រចាប់អារម្មណ៍យ៉ាងខ្លាំងដោយសាររូបគេមានកម្ពស់ខ្ពស់ខ្លាំងរហូតដល់ ២.១៨ ម៉ែត្រ។ រូប​គេ​ជាកីឡាករបាល់ទះដែលមានទ្រព្យសម្បត្តិច្រើន​លំដាប់​លេខ៣​៣ ដោយ​មាន​​ទ្រព្យ​សម្បត្តិសរុប​១លានដុល្លារ។ រូបគេបានចាប់ផ្ដើមលេងឲ្យក្លិបអាជីពដំបូងនៅឆ្នាំ១៩៩៦ លេងឲ្យក្រុម VC Yurydychna Akademiya Kharkiv ក្នុងប្រទេសអ៊ុយក្រែន។ ឆ្នាំ២០០៦ រូបគេបានផ្លាស់មកលេងឲ្យក្រុម Belogorie Belgorod ក្នុងប្រទេសរុស្សី។

សមិទ្ធផល​សំខាន់ៗ​បំផុត​របស់​គាត់​គឺ​ការ​ដឹក​នាំ​ក្រុម​រុស្ស៊ី​ឱ្យ​ទទួល​បាន​ជ័យ​ជម្នះ​ក្នុង​ការ​ប្រកួត​កីឡា​អូឡាំពិក​រដូវ​ក្តៅ​ឆ្នាំ២០១២ ក្នុង​ទីក្រុង​ឡុងដ៍។ បន្ថែមពីលើមេដាយមាស​អូឡាំពិក Dmitry Muserskiy ក៏ជាផ្នែកមួយដ៏សំខាន់នៃក្រុមដែលបានឈ្នះជើងឯកជាច្រើនរួមទាំងជើងឯកអឺរ៉ុបក្នុងឆ្នាំ២០១៣ និង ២០១៧ និង World League ក្នុងឆ្នាំ២០១១ និង២០១៣។

៤. Earvin N’Gapeth

កីឡាករ Earvin N’Gapeth កើតនៅថ្ងៃទី១២ ខែកុម្ភៈ ឆ្នាំ១៩៩១ ជាអ្នកលេងបាល់ទះអាជីពដ៏ល្បីល្បាញម្នាក់​របស់​ប្រទេសបារាំង​ដែល​មាន​ទ្រព្យសម្បត្តិ​ប្រមាណ១លានដុល្លារ ។ N’Gapeth ត្រូវបាន​ទទួលស្គាល់​ជាកីឡាករដែលមានភាពវៃឆ្លាត ស្ទាត់ជំនាញទាំងការវាយលុក និងការការពារ និងជាកម្លាំងសំខាន់ក្នុងការដឹកនាំក្រុមរបស់ឲ្យក្រុមទទួលបាន​សមិទ្ធផល​ជា​ច្រើន។ ក្នុងរយៈពេល១៦ឆ្នាំ ក្នុងអាជីពជាកីឡាករបាល់ទះ N’Gapeth លេងក្រុមអាជីព៦ផ្សេងគ្នាក្នុងនោះកាលពីឆ្នាំ២០០៨ ដល់២០១១ លេងឲ្យ Tours VB ជួយឲ្យក្រុមរបស់បារាំងមួយនេះឈ្នះពានរង្វាន់ French Cup ៣លើកនិងលីគ​បាល់ទះ​កំពូល​បារាំង  French Championship ១លើក ។

៥. Robertlandy Simon

កីឡាករ Robertlandy Simon កើតនៅថ្ងៃទី១១ ខែមិថុនា ឆ្នាំ១៩៨៧ មានកម្ពស់ ២.០៨ម៉ែត្រ មានទ្រព្យសម្បត្តិសរុបប្រមាណ ៩៥០,០០០ ដុល្លារ។ ក្នុងអាជីពជាកីឡាករបាល់ទះ រូបគេបានលេងឲ្យក្លិបនៅប្រទេសកូរ៉េខាងត្បូង កាតារ ប្រេស៊ីល និងអុីតាលី ។ សមិទ្ធផល​របស់កីឡាករវ័យ៣៦ឆ្នាំនេះ ជាមួយក្លិបអាជីពរួមមានជួយឲ្យក្រុម Volley Piacenza ឈ្នះពានរង្វាន់ CEV Challenge Cup ឆ្នាំ២០១៣ ឈ្នះពានរង្វាន់ CEV​ Champion League ឆ្នាំ២០១៩ ជួយឲ្យក្រុម Al Rayyan ឈ្នះជើងឯក​រង FIVB Volleyball  Club World Championship ឆ្នាំ២០១៤ ជួយឲ្យក្រុម​ Sada Cruzeiro ឈ្នះជើង​ឯក និង​ចំណាត់​ថ្នាក់​លេខ​៣ពានរង្វាន់ពិភព​លោក FIVB Volleyball  Club World Championship, ឈ្នះ​ជើង​ឯក South American Volleyball Club Championship ពីរ​លើក និងជួយឲ្យក្រុម Volley Lube ឈ្នះជើង​ឯក១​លើក ជើង​ឯក​រង​២​លើក FIVB Volleyball  Club World Championship ៕

អត្ថបទ៖ ផា រតនា