ក្រុមប្រឹក្សា​កីឡា​កងយោធពល​ខេមរភូមិន្ទ​បានទទួល​សម្ភារ​កីឡា​តម្លៃ ២៥០,០០០ ដុល្លារ
Connect with us
Helistar Cambodia - Helicopter Charter Services

កីឡា

ក្រុមប្រឹក្សា​កីឡា​កងយោធពល​ខេមរភូមិន្ទ​បានទទួល​សម្ភារ​កីឡា​តម្លៃ ២៥០,០០០ ដុល្លារ

បានផុស

នៅ

ភ្នំពេញ​ ៖​ ក្រុមប្រឹក្សា​កីឡា​កងយោធពល​ខេមរភូមិន្ទ នៅ​ព្រឹក​ថ្ងៃទី​១៦​កុម្ភៈ​២០២១ នេះ បានទទួល​សម្ភារ​សម្រាប់​ហ្វឹកហាត់​កីឡា​ជា ច្រើន​មុខ​ពី​ក្រុមហ៊ុន ORIENT NOBLE Group ។ ​លោកនាយ​ឧ​ត្ត​ម​សេនីយ៍​ឃឹម ប៊ុន​សុង​ រដ្ឋលេខាធិការ​ក្រសួងការពារជាតិ និង​ជា​ប្រធាន​ក្រុមប្រឹក្សា​កីឡា​កង​យោធ ពល​ខេមរភូមិន្ទ​បាន​អញ្ជើញ​ចូលរួម​ក្នុង​ពិធី​ប្រគល់ និង ទទួល នេះ ។

បើ​តាម​ការ​ឲ្យ​ដឹង​ពី​លោក​ឧ​ត្ត​ម​សេនីយ៍​ឯកឧត្តម តែម ម៉ឺន អនុប្រធាន​ក្រុមប្រឹក្សា​កីឡា​កងយោធពល​ខេមរភូមិន្ទ​និង​ជា​ប្រធាន​មជ្ឈមណ្ឌល​កីឡា​កងយោធពល​ខេ​មរ​ភូមិ​ន្ទ​(​ស្តា​ត​ចាស់​)​នោះ​ថា មជ្ឈមណ្ឌល​កីឡា​កងយោធពល​ខេមរភូមិន្ទ​ដែលជា​សេនាធិ​ការ​បាន​សហការ​យ៉ាង​ជិតស្និទ្ធ​ជាមួយ ក្រសួង​អប់រំ​យុវជន​និង​កីឡា គណៈ​ក​ម្មា​ធិការ​ជាតិ​អូឡាំពិក​កម្ពុជា គណៈកម្មាធិការ​រៀបចំ​ការប្រកួត​អាស៊ីអាគ្នេយ៍​លើក និង​បណ្តា​សហព័ន្ធ​កីឡា​ជាតិ​បាន​ចាត់​បញ្ជូន​មន្ត្រី​គ្រូបង្វឹក​និង​កីឡាករ​កីឡាការិនី​ទៅ​ចូលរួម​ប្រកួត​កីឡា​កម្រិត​ជាតិ​និង​ចូលរួម​ត្រៀម​ស៊ី​ហ្គេម​លើក ទី​៣២ ឆ្នាំ​២០២៣។

ក្នុង​ការ​ប្រកួត​ទាំង​ក្នុង​ទាំង​ក្រៅប្រទេស​លទ្ធផល​សរុប​មេដាយ​ទទួល​បាន ពី​ឆ្នាំ ២០០៦​ដល់​ឆ្នាំ​២០២០​ចំនួន ១.៦៥៤ គ្រឿង​រួមមាន​មេដាយមាស ចំនួន​៥៧៦ គ្រឿង មេដាយប្រាក់ ចំនួន​៥៩៧​គ្រឿង មេដាយសំរិទ្ធ ចំនួន​៤៨១​គ្រឿង និង ខ្សែ ក្រវាត់ ចំនួន​៣៧​គ្រឿង។

សម្ភារ​កីឡា​ជាច្រើន​ប្រភេទ​នេះ ពិតជា​បាន​ចូលរួមចំណែក​ក្នុងការ​អភិវឌ្ឍន៍​លើក ស្ទួយ​វិស័យ​កីឡា​ជាតិ​ក៏ដូចជា​វិស័យ​កីឡា​កងយោធពល​ខេមរភូមិន្ទ​ឱ្យមាន​សន្ទុះ​រីក ចម្រើន​ធំធាត់​ជា​លំដាប់​ដើម្បី​ត្រៀម​ចូលរួម​ប្រកួត​កីឡា​ថ្នាក់ជាតិ​អន្តរជាតិ​និង​ការប្រកួត​កីឡា​ស៊ី​ហ្គេម​លើក​ទី​៣១ ឆ្នាំ​២០២១ នៅ​ប្រទេស វៀតណាម​និង​ប្រកួត​កីឡា​ស៊ី​ហ្គេម​លើក​ទី​៣២ ឆ្នាំ​២០២៣ ដែល​កម្ពុជា​ទទួល​ធ្វើជា​ម្ចាស់ផ្ទះ។

លោកនាយ​ឧ​ត្ត​ម​សេនីយ៍​ឃឹម ប៊ុន​សុង​បាន​បញ្ជាក់​ឲ្យ​ដឹងថា ក្នុងការ​ប្រកួត​កីឡា​ជើងឯក​ជាតិ​ឆ្នាំ​២០២០​ដែល​ទើបតែ​បញ្ចប់​នេះ ដោយ​មិន​និយាយ​ពី​មេដាយប្រាក់ និង សំរិទ្ធ​នោះ កីឡា​កង​យោពល​ខេមរភូមិន្ទ​បានទទួល​មេដាយមាស​ដោយ​ឈរ​នៅ​លំ ដាប់​លេខ​១ ចំនួន ៨​ប្រភេទ​កីឡា។

កីឡាករ កីឡាការិនី​ដែល​ចូលរួម​ក្នុង​ព្រឹត្តិការណ៍​ស៊ី​ហ្គេម កីឡា​ទ្វីបអាស៊ី និង ជើងឯក​ពិភព​លោក ក៏មាន​ការចូលរួម​ពី​កីឡាករ កីឡាការិនី​កងយោធពល​ខេមរភូមិន្ទ​ដែរ។ ​លោកនាយ​ឧ​ត្ត​ម​សេនីយ៍​មាន​ជំនឿ​ចិត្ត​ថា ​ស៊ី​ហ្គេម​លើក​ទី​៣​នៅ​ប្រទេស​វៀតណា​ម​ឆ្នាំ​២០២​នេះ និង ស៊ី​ហ្គេម​លើក​ទី ៣២​ឆ្នាំ​២០២៣​ដែល​កម្ពុជា​ធ្វើជា​ម្ចាស់ផ្ទះ​នោះ ក៏​នឹងមាន​កីឡាករ កីឡាការិនី​កង យោធពលខេមរភូមិន្ទ​ចូលរួម​ដែរ៕

ដោយ ៖ វិ​សិទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ នាទី មុន

ដើរល្បាតតាមព្រំដែន​ ប្រទះការ៉ុង​សង្ស័យ​​ បើក​មើល​សុទ្ធ​តែ​បង់​គ្រាប់​កំាភ្លើង

ព័ត៌មានជាតិ៣៦ នាទី មុន

លោកស្រី ឱ វណ្ណឌីន ណែនាំឱ្យស្រង់ចំនួនតាមផ្ទះ នូវអ្នកមិនទាន់ចាក់វ៉ាក់សាំងកូវីដ-១៩

ព័ត៌មានជាតិ១០ ម៉ោង មុន

​មន្ត្រីជាន់ខ្ពស់​ក្រសួងព័ត៌មាន​ឆ្លើយ​បំភ្លឺ​ពាក់ព័ន្ធ​ករណី​ឃ្លាំ​មើល​ប្រចាំ​ត្រី​មាស​ជាលើក​ដំបូង​របស់ខ្លួន​ស្តី​ពីស្ថានភាព​អ្នកសារព័ត៌មាន​នៅកម្ពុជា

ព័ត៌មានជាតិ១០ ម៉ោង មុន

កម្មករ​សំណង់​ម្នាក់ទៀត​ បាន​ពុល​ស្រាថ្នាំ​សញ្ញា​ទំពាំង​បាយជូ​បណ្តាល​ឲ្យ​ស្លាប់

កីឡា១០ ម៉ោង មុន

ការ​ស្នាក់នៅ ហូបចុក និង​ដឹកជញ្ជូន ជា​បញ្ហា​សំខាន់​បំផុត​របស់​កម្ពុជា​ក្នុង​ការទទួល​រៀបចំ​ធ្វើ​ម្ចាស់ផ្ទះ​កីឡា​ស៊ី​ហ្គេម​-​អាស៊ាន​ប៉ា​រ៉ា​ហ្គេម​ឆ្នាំ ២០២៣

Sokha Hotels

ព័ត៌មានពេញនិយម

Helistar Cambodia - Helicopter Charter Services