កីឡា
សមាជិកទី៥ របស់ក្លិបភ្នំពេញក្រោន ធ្លាប់ជាប់ជម្រើសជាតិ ឈុតយុវជន នៅប្រទេសអ៊ុយក្រែន
ទីបំផុតសមាជិកកីឡាករបរទេសទី៥ របស់ក្លិបបាល់ទាត់ភ្នំពេញក្រោន បានបង្ហាញមុខជាផ្លូវការហើយនៅរសៀលថ្ងៃព្រហស្បតិ៍ នេះក្រោយបញ្ចប់ការធ្វើចត្តាឡឺស័ករយៈពេល១៤ថ្ងៃ នោះគឺខ្សែប្រយុទ្ធជនជាតិអ៊ុយក្រែន Valeriy Hryshyn ធ្លាប់ជាសមាជិកក្នុងក្រុមជម្រើសជាតិអ៊ុយក្រែន ឈុតយុវជន ខណៈក្លិបបានចុះឈ្មោះកីឡាកររូបនេះតាំងពីមុនទីផ្សារដោះដូរកីឡាករក្នុងស្រុកបិទមកម៉្លេះ។
កីឡាករ Valeriy Hryshyn បានដុះចេញពីក្លិបយក្សក្នុងប្រទេសអ៊ុយក្រែន FC Shakhtar Donetsk ហើយនៅឆ្នាំ២០១១ រូបគេត្រូវបានក្លិបដាក់ចូលក្នុងបញ្ជីក្រុម FC Shakhtar Donetsk II ហើយនៅ២០១៣ រូបគេត្រូវបានក្លិប FC Illichivets Mariupol ក្នុងលីគកំពូលអ៊ុយក្រែនខ្ចីជើង រហូតដល់ឆ្នាំ២០១៥ រូបគេបានចូលរួមជាមួយក្រុម FC Hoverla Uzhhorod និង FC Metalist Kharkiv។ ចូលដល់ឆ្នាំ២០១៦ កីឡាករវ័យ២៦ឆ្នាំរូបនេះបានចូលរួមជាមួយក្រុម FC Illichivets Mariupol មុនបន្តទៅក្រុមFC Avanhard Kramatorsk។ ក្រោយចែកផ្លូវជាមួយក្រុម FC Shakhtar Donetsk II នៅឆ្នាំ២០១៩ កីឡាករកម្ពស់ ១,៨១ម៉ែត្ររូបនេះបានចេញទៅចូលរួមជាមួយក្រុម Sheikh Russel ក្នុងលីគកំពូលបង់ក្លាដេស មុនមកដល់កម្ពុជា នៅឆ្នាំ២០២១ នេះ។
កីឡាករដែលកើតនៅក្នុងទីក្រុង Krasnyi Lyman ខេត្ត Donetsk Oblast ប្រទេសអ៊ុកក្រែន រូបនេះធ្លាប់ជាប់ឈ្មោះក្នុងក្រុមយុវជនរបស់ជម្រើសជាតិតាំងពីឆ្នាំ២០០៩ មកដោយដំបូងចូលក្នុងក្រុម U16 ហើយ ហើយបន្តជាប់ឈ្មោះក្នុង U17 រហូតដល់ឆ្នាំ២០១១ នៅឆ្នាំ២០១១-១២ គេបន្តជាប់ឈ្មោះក្នុង U18អ៊ុយក្រែន ហើយពីឆ្នាំ២០១២-១៣ ជាប់ឈ្មោះក្នុងក្រុម U19 តែម្តង។ ក្នុងក្រុមយុវជនជម្រើសជាតិអ៊ុយក្រែន រូបគេរកបានគ្រាប់បាល់៩គ្រាប់ផងដែរ។
កីឡាករ Valeriy Hryshyn អាចបង្ហាញខ្លួនចាប់ពីពេលនេះតទៅក្នុងក្រុមភ្នំពេញក្រោន ក្រោយខកខានប្រកួតបើករដូវកាល ខណៈកូតាកីឡាករបរទេសដែលគណៈកម្មការប្រកួតបាល់ទាត់ជាតិកម្ពុជា (CNCC) បានកំណត់នោះគឺក្រុមជាសាមជិកលីគកំពូលកម្ពុជា Metfone Cambodian League អាចចុះបញ្ជីកីឡាករបរទេសបាន៥នាក់នៅក្នុងក្រុម ប៉ុន្តែក្នុងចំណោមនោះត្រូវមានជនជាតិក្នុងទ្វីបអាស៊ី ១រូប។ ជារូមកីឡាករបរទេសដែលភ្នំពេញក្រោន បានចុះបញ្ជីនោះមានខ្សែបម្រើ Andres Nieto ជនជាតិកូឡុំប៊ី ខ្សែប្រយុទ្ធ Matheus Souza ជនជាតិប្រេស៊ីល ខ្សែបម្រើ Yudai Ogawaជនជាតិជប៉ុន ខ្សែការពារ Takaki Oseជនជាតិជប៉ុន និងចុងក្រោយValeriy Hryshyn ជនជាតិអ៊ុយក្រែន៕
អត្ថបទ៖ ម៉េង ហួរ
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
កសិដ្ឋានវៃឆ្លាតដាំដំណាំពោតលើផ្ទៃដីប្រមាណ ១ពាន់ហិកតា នៅខេត្តសៀមរាប ត្រូវបានសម្ពោធជាផ្លូវការ