កីឡា

Real Madrid ត្រៀមបោះលុយជាង១០០លានដុល្លារក្នុងការនាំយក Saliba

បានផុស

២ years មុន

នៅ

ថ្ងៃព្រហស្បតិ៍ ២ មករា ២០២៥

ដោយ

ក្លិប Real Madrid នៅតែចិញ្ចឹមចិត្តចង់បានខ្សែការពារឆ្នើម William Saliba ដើម្បីពង្រឹងតំបន់ការពារបន្ដែមដោយបានត្រៀមខ្លួនរួចរាល់ហើយសម្រាប់សំណើដេញថ្លៃបំបែកកំណត់ត្រាពិភពលោកនៅពេលបញ្ចប់រដូវកាលនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កេរ្តិ៍ឈ្មោះរបស់ Saliba ក្នុងនាមជាខ្សែការពារកណ្តាលឆ្នើមមួយរូបរបស់ពិភពលោក បានកើនឡើងយ៉ាងខ្លាំងក្នុងរយៈពេល២ឆ្នាំចុងក្រោយ។ រូបគេបានបង្ហាញទម្រង់លេងដ៏លេចធ្លោ ក្នុងក្រុមជម្រើសជាតិបារាំង និងកាំភ្លើងធំ Arsenal។ យោងតាមសារព័ត៌មានអេស្ប៉ាញ Outlet Sport បានបញ្ជក់ថា ក្លិបយក្សរបស់អេស្ប៉ាញបានត្រៀមខ្លួនរួចជាស្រេច ដើម្បីបញ្ចុះបញ្ចូលឲ្យកីឡាករចាកចេញពីក្លិបទីក្រុងឡុងដ៍ភាគខាងជើង។

ដើម្បីទាក់ទាញខ្សែការពារ Saliba ចេញពី Arsenal ក្លិប Real Madrid ប្រហែលជាត្រូវចំណាយប្រាក់យ៉ាងតិច ៨៣លានផោន ស្មើនឹង១០៣លានដុល្លារ។ តម្លៃនេះនឹងក្លាយជាកំណត់ត្រាពិភពលោកថ្មីមួយទៀត ក្នុងផ្ទេរខ្សែការពារដែលមានតម្លៃខ្ពស់បំផុត។ កំណត់ត្រាបច្ចុប្បន្នគឺកាន់កាប់ដោយខ្សែការពារ Harry Maguire ដែលបានផ្ទេរទៅ Manchester United ក្នុងតម្លៃ៨០លានផោន ស្មើនឹង១០០លានដុល្លារ កាលពីឆ្នាំ២០១៩។

ចំពោះ Saliba បានបង្ហាញជាសាធារណៈនូវការប្តេជ្ញាចិត្តរបស់ខ្លួនក្នុងការស្នាក់នៅក្លិប Arsenal។ កីឡាករវ័យ២២ ឆ្នាំរូបនេះបានចុះកិច្ចសន្យាបន្តរយៈពេល២ឆ្នាំកន្លះកាលពីរដូវក្តៅមុន ជាមួយក្លិប។

កាលពីខែមុនខ្សែការពារ Saliba បានបញ្ជាក់សារជាថ្មីអំពីភាពស្មោះត្រង់ចំពោះក្លិបកាំភ្លើងធំ ដោយនិយាយថា ៖«ខ្ញុំមានអារម្មណ៍នៅទីនេះដូចជាផ្ទះរបស់ខ្ញុំ។ ខ្ញុំបានចុះហត្ថលេខាជាដំបូងមួយក្លិបកាលពី៥ឆ្នាំមុន ប៉ុន្តែនេះជារដូវកាលទី៣របស់ខ្ញុំប៉ុណ្ណោះ ហើយខ្ញុំរីករាយនឹងគ្រប់យ៉ាង»៕