កីឡា

លោក អោក សំនាង៖ ខាងព្រែកអញ្ចាញមានអ្នកគាំទ្រហាត់តេក្វាន់ដូ ITF ច្រើនកាត់បន្ថយលេងទូរស័ព្ទ

បានផុស

៤ សប្តាហ៍ មុន

នៅ

ថ្ងៃសុក្រ ២១ មីនា ២០២៥

ដោយ

គ្រូបង្វឹកតេក្វាន់ដូ ITF លោក អោក សំនាង បានឲ្យដឹងពីតំបន់ព្រែកអញ្ចាញមានសន្ទុះ នៃការគាំទ្រពីយុវជន និងអាណាព្យាបាលច្រើនរហូតដល់ជាង ៨០នាក់កំពុងហ្វឹកហាត់នាពេលបច្ចុប្បន្ន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អោក សំនាង និងសិស្ស

លោក អោក សំនាង បានឲ្យដឹងថា បច្ចុប្បន្នលោកកាន់ក្លឹបចំនួន ៣ គឺក្លឹបតេក្វាន់ដូ ITF ក្ដីចាស់ ក្លឹបតេក្វាន់ដូ ក្រសួងសេដ្ឋកិច្ច និងហិរញ្ញវត្ថុ និងក្លឹបតេក្វាន់ដូ ITF វិទ្យាល័យព្រែកអញ្ចាញ។ បើនិយាយពីយុវជនដែលកំពុងហ្វឹកហាត់គឺមានចំនួនជាង៨០នាក់។

លោក អោក សំនាង កំពុងបង្ហាត់

ឆ្លើយតប និងសំណួរថា កត្តាអ្វីខ្លះដែលធ្វើឲ្យមានការគាំទ្រខ្លាំងនៅខាងតំបន់ព្រែកអញ្ចាញនោះ? គ្រូបង្វឹកខាងលើនេះប្រាប់ថា ទី១ អាណាព្យាបាលយល់ដឹងច្រើនអំពីសារសំខាន់ នៃការហ្វឹកហាត់កីឡា ទី២ ធ្វើឲ្យមានសុខភាពល្អ ទី៣ ធ្វើឲ្យរាងកាយមានភាពរហ័សរហួន ទី៤ កាត់បន្ថយការចំណាយពេលឥតប្រយោជន៍ និងលេងទូរស័ព្ទច្រើនដោយផ្លាស់ប្ដូរមកហាត់តេក្វាន់ដូជំនួសវិញ។

ទិដ្ឋភាពហ្វឹកហាត់

គ្រូបង្វឹកក្លឹបតេក្វាន់ដូ ITF ក្ដីចាស់ រូបនេះបង្ហាញការសប្បាយរីករាយជាខ្លាំងពិសេសនៅពេលបានបណ្ដុះបណ្ដាលធនធានយុវជនបានច្រើន និងទទួលជោគជ័យ។ នេះជាការរួមចំណែកអភិវឌ្ឍន៍ធនធានអត្តពលិកជាមួយសហព័ន្ធ។ លោក អោក សំនាង បានថ្លែងអំណរគុណដល់លោក កែវ រ៉េមី ប្រធានសហព័ន្ធតេក្វាន់ដូ ITF ដែលលោកបានលៈបង់ពេលវេលា និងតែងតែផ្ដល់ឱកាសដល់យុវជនបានបញ្ចេញសមត្ថភាព។ លោកជាប្រធានដែលល្អ និងគួរឲ្យគោរពមួយរូបសម្រាប់ខ្លួន។

បញ្ជាក់ដែរថា លោក អោក សំនាង ជាអតីតកីឡាករជម្រើសជាតិតេក្វាន់ដូ ITF កន្លងទៅ។ បច្ចុប្បន្នលោកបានក្លាយជាគ្រូបង្វឹក និងបានបើកក្លឹប បណ្ដុះធនធាន កីឡាករឆ្នើមជាច្រើននាក់៕