កីឡា

FIFA និង AFC ផ្ញើលិខិតអបអរសាទរ ព្រះខ័នរាជស្វាយរៀង ចំពោះប្រវត្តិសាស្ត្រថ្មីក្នុងពាន AFC Challenge League

បានផុស

២ ខែ មុន

នៅ

ថ្ងៃសៅរ៍ ២៤ ឧសភា ២០២៥

ដោយ

សហព័ន្ធកីឡាបាល់ទាត់អាស៊ី (AFC) និង សហព័ន្ធកីឡាបាល់ទាត់អន្តរជាតិ (FIFA) បានផ្ញើលិខិតដើម្បីចូលរួមអបអរសាទរដល់ក្លិប ព្រះខ័នរាជស្វាយរៀង ដែលបានគ្រងជើងឯកលីគកំពូលកម្ពុជា រដូវកាល២០២៤-២៥ និងជាពិសេសបានបង្កើតប្រវត្តិសាស្ត្រថ្មីក្នុងការឈានដល់វគ្គផ្តាច់ព្រ័ត្រក្លិបបាល់ទាត់អាស៊ី AFC Challenge League រដូវកាល២០២៤-២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះជាការលើកទឹកចិត្ត និងទទួលស្គាល់ដ៏សំខាន់មួយរបស់ស្ថាប័នគ្រប់គ្រងកីឡាបាល់ទាត់កំពូលប្រចាំទ្វីបអាស៊ី និងពិភពលោក ចំពោះក្លិបដែលបានឈ្នះជើងឯកលីគបាល់ទាត់កំពូលកម្ពុជា។ ក្លិបបាល់ទាត់ព្រះខ័នរាជស្វាយរៀងជាសមាជិករបស់សហព័ន្ធកីឡាបាល់ទាត់កម្ពុជា និងទទួលស្គាល់ដោយសហព័ន្ធកីឡាបាល់ទាត់ទ្វីបអាស៊ី។

លោក Gianni Infantino ប្រធានសហព័ន្ធបាល់ទាត់ពិភពលោកបានចូលរួម អបអរសាទរដល់ក្លិបបាល់ទាត់ព្រះខ័នរាជស្វាយរៀង ដោយមានខ្លឹមសារដូចខាងក្រោម៖

ជូនចំពោះលោកប្រធានក្លិប

ក្នុងលិខិតនេះ ខ្ញុំមានសេចក្តីសោមនស្សរីករាយក្នុងការចូលរួមអបអរសាទរជើងឯកថ្មីនៃកម្ពុជា គឺ ព្រះខ័នរាជស្វាយរៀង។

ការខិតខំប្រឹងប្រែងគ្មានទីបញ្ចប់ និងលទ្ធផលឆ្លងកាត់ពេញមួយរដូវកាល ទីបំផុតទទួលបានលទ្ធផលគឺការឈ្នះជើងឯកដ៏សំខាន់នេះ។ សូមអបអរសាទរដល់អ្នកគ្រប់គ្នា និងគ្រប់សមាជិកនៃចំពោះសមិទ្ធផលដ៏អស្ចារ្យនេះ។

ទន្ទឹមជាមួយគ្នានេះ សូមអរគុណថ្នាក់ដឹកនាំ និងសហព័ន្ធរបស់លោកអ្នកចំពោះការគាំទ្រ ការបំពេញការងារ និងលះបង់ឥតឈប់ឈរសម្រាប់ការអភិវឌ្ឍកីឡាបាល់ទាត់នៅក្នុងប្រទេសកម្ពុជា។

លោកប្រធានជាគោរព ខ្ញុំទន្ទឹងរង់ចាំជួបលោកក្នុងពេលដ៏ឆាប់ៗខាងមុខទៀត៕