ក្លិប​ធំ​កម្រិត UCL មួយ ចង់បាន​អ្នក​ចាំទី De Gea បន្ទាប់ពីឃើញបង្ហាញសមត្ថភាពល្អ

ក្លិប AS Monaco នៃលីគកំពូល បារាំង Ligue 1 បាន​ចាប់អារម្មណ៍​កីឡាករ​អ្នកចាំទី David de Gea នៅរដូវក្តៅនេះ។

De Gea បន្ទាប់ពីចាកចេញពី Manchester United នៅរដូវក្តៅឆ្នាំ ២០២៣ និងបន្តទៅលេងនៅក្លិប Fiorentina បាន​បង្ហាញសមត្ថភាពលេចធ្លោរមែនទែន ព្រម​ទាំង​បានជួយឱ្យក្រុមរបស់ខ្លួន បញ្ចប់រដូវកាលដោយឈរនៅលេខរៀងទី ៦ ក្នុងលីគ Serie A របស់ អ៉ីតាលី ហើយក៏ទទួលបានកៅអីលេងពាន UEFA Europa League ផងដែរ។

ថ្មីៗនេះយោងតាមការចុះផ្សាយរបស់អ្នកកាសែត អ៉ីតាលី លោក Fabrizio Romano បានឱ្យដឹងថា ក្លិប AS Monaco កំពុងចាប់អារម្មណ៍ចង់ចុះកុងត្រាយក De Gea នៅរដូវក្តៅនេះ ដើម្បីត្រៀមការប្រកួតក្នុង Ligue 1 និងពាន Champions League។

គួរបញ្ជាក់ថា De Gea ដែលបច្ចុប្បន្នមានវ័យ ៣៤ ឆ្នាំ នឹងផុតសុពលភាពកិច្ចសន្យាជាមួយក្រុម Fiorentina នៅខែ មិថុនា ឆ្នាំ ២០២៥នេះហើយ។ យ៉ាងណា នាមួយរយៈមុន មានសារព័ត៌មានធំៗនៅក្រៅប្រទេស បានចុះផ្សាយព្រោងព្រៀត ថា Fiorentina នឹងបន្តកិច្ចសន្យាថ្មីឱ្យ De Gea មួយរដូវកាលទៀត ដល់ខែ មិថុនា ឆ្នាំ ២០២៦ ប៉ុន្តែគិតត្រឹមពេលនេះ គឺមិនទាន់មានការប្រកាសផ្លូវការណាមួយឡើយទេ៕

ប្រែសម្រួល៖ សេម កុសល
ប្រភព៖ Fabrizio Romano