កីឡា

ភរិយា De Gea ថា ជីវិតគូរបស់ពួកគេនៅស្រឡាញ់គ្នាធម្មតាទោះនៅឆ្ងាយគ្នា

បានផុស

២ years មុន

នៅ

ថ្ងៃព្រហស្បតិ៍ ៥ កញ្ញា ២០២៤

ដោយ

អ្នកនាង Edurne ភរិយារបស់អតីតអ្នកចាំទី Manchester United កីឡាករ David de Gea បានចេញបញ្ជាក់ពីទំនាក់ទំនងរបស់ពួកគេនៅស្រឡាញ់គ្នាធម្មតា ទោះបី្ដរបស់ខ្លួនត្រូវប្រកបអាជីពនៅប្រទេសអុីតាលី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពាក្យចចាមអារ៉ាមបានលេចឡើងទាក់ទងនឹងជីវិតអាពាហ៍ពិពាហ៍របស់ David de Gea បន្ទាប់ពីអ្នកចាំទីសញ្ជាតិអេស្ប៉ាញបានចុះហត្ថលេខាជាមួយក្លិប Fiorentina នៅរដូវក្តៅនេះ។ កីឡាករវ័យ៣៣ឆ្នាំ de Gea បានត្រឡប់មករស់នៅជាមួយតារាចម្រៀង និងជាតារាសម្ដែងសញ្ជាតិអេស្ប៉ាញអ្នកនាង Edurne បន្ទាប់ពីការចាកចេញពីក្លិប Manchester United កាលពីរដូវក្តៅមុន។

ទោះបីជាយ៉ាងណា David de Gea បានចាកចេញពីភរិយាដែលកំពុងរស់នៅទីក្រុង Madrid នៅពេលផ្លាស់ទៅលេងក្លិបនៅប្រទេសអុីតាលី។ អ្នកនាង Edurne ទទូចថា មិនមានបញ្ហាអ្វីទេរវាងអ្នកទាំងពីរហើយពួកគេស្រលាញ់គ្នាច្រើនជាងពេលមុនទៀត ទោះបីជារស់នៅឆ្ងាយពីគ្នា។

ថ្លែងទៅកាន់សារព័ត៌មានអេស្ប៉ាញ Vanitatis អ្នកនាង Edurne បាននិយាយថា ៖«ពួកយើងមានទំនាក់ទំនងល្អខ្លាំងណាស់។ យើងសប្បាយចិត្តខ្លាំង ហើយពួកយើងមិនបានបែកគ្នាទេ។ ពួកយើងបានរស់នៅបែបនេះអស់រយៈពេល១៤ឆ្នាំមកហើយ។ ចម្ងាយមិនមែនជាបញ្ហាទេ។ យើងរស់នៅឆ្ងាយពីគ្នា ដោយសារតម្រូវការងារ។ វាបានកើតឡើងពេលការងាររបស់គាត់តម្រូវឲ្យធ្វើនៅក្រៅប្រទេស (អេស្ប៉ាញ) ហើយការងាររបស់ខ្ញុំគឺនៅទីក្រុង Madrid»។

ចំពោះ Edurne មានការប្តេជ្ញាចិត្តនិងតាំងចិត្តយ៉ាងខ្លាំងក្នុងការងាររបស់ខ្លួន នៅប្រទេសអេស្ប៉ាញ។ នេះហើយជាហេតុរារាំងនាងក្នុងការធ្វើដំណើរទៅជាមួយ David de Gea ទៅក្លិបណាមួយដែលរូបគេត្រូវបានចុះហត្ថលេខាទៅលេង។ អ្នកនាង Edurne វ័យ៣៨ឆ្នាំរូបនេះគឺជាពិធីការិនីទូរទស្សន៍ និងជាគណកម្មការក្នុងកម្មវិធី Spain’s Got Talent មានន័យថាត្រូវការពេលវេលាជាច្រើននៅក្នុងទីក្រុង Madrid៕

ប្រែសម្រួល៖ ផា រតនា