តក់ស្លុតណាស់! ខ្សែប្រយុទ្ធ Liverpool កីឡាករ Jota បានទទួលមរណភាពក្នុង​វ័យ២៨​ឆ្នាំ

នៅថ្ងៃ ព្រហស្បតិ៍ ទី ៣ ខែ កក្កដា ឆ្នាំ ២០២៥ ខ្សែប្រយុទ្ធរបស់ Liverpool និង ក្រុមជម្រើសជាតិ ព័រទុយហ្គាល់ កីឡាករ Diogo Jota បានទទួលមរណភាពក្នុងវ័យត្រឹម ២៨ ឆ្នាំ។

យោងតាមប្រភពពីសារព័ត៌មាន អេស្ប៉ាញ Marca បានឱ្យដឹងថា Jota និងប្អូនប្រុសរបស់គាត់ឈ្មោះ Andre ដែលជាកីឡាករបាល់ទាត់អាជីពដូចគ្នា បានស្លាប់ទាំង ២ នាក់ បន្ទាប់ពីគ្រោះថ្នាក់ចរាចរណ៍យ៉ាងរន្ធត់ នៅ​ពេល​ពួក​គេ​កំពុងធ្វើដំណើដោយរថយន្តនៅខេត្ត Zamora ក្នុងប្រទេស អេស្ប៉ាញ។

គួរបញ្ជាក់ជាថ្មីថា Jota បច្ចុប្បន្នមានវ័យ ២៨ ឆ្នាំ។ រូបគេគឺជាខ្សែប្រយុទ្ធដ៏សំខាន់ម្នាក់របស់ក្រុមជម្រើសជាតិ ព័រទុយហ្គាល់ និង Liverpool។ ការបាត់បង់ខ្សែប្រយុទ្ធរូបនេះ គឺជាការបាត់បង់ធន់ធានកីឡាករបាល់ទាត់ដ៏ឆ្នើមម្នាក់របស់ពិភពលោក។ ក្នុងនោះនៅក្នុងអាជីពរបស់គេកន្លងមក គេធ្លាប់ឈ្នះពាន Premier League ១ លើក, ពាន FA Cup ១ លើក, League Cup ២ លើក។ ចំណែកនៅជម្រើសជាតិ គេធ្លាប់ឈ្នះពាន UEFA Nations League ២ លើក៕

ប្រែសម្រួល៖ កុសល
ប្រភព៖ Marca