ប្រធានសភាអារ៉ាប៊ីសាអូឌីតថានេះ«ជាការអញ្ជើញជាពិសេសរបស់ព្រះរាជាណាចក្រអារ៉ាប់ប៊ីសាអូឌីតចំពោះព្រះរាជាណាចក្រកម្ពុជា»។
សម្ដេចសភាធិបតី ឃួន សុដារី ថ្លែងថាដំណើរទស្សនកិច្ចរបស់លោក អាប់ឌុលឡា ប៊ីន ម៉ូហាម៉េដ ប៊ីន អ៊ីប្រាហ៊ីម អាល-សេក្ខ មកកម្ពុជាជាលើកដំបូងនេះនឹងរួមចំណែកសំខាន់ក្នុងការលើកកម្ពស់កម្រិតទំនាក់ទំនងឈានដល់កម្រិតថ្មីមួយដែលនឹងនាំមកនូវផលប្រយោជន៍សម្រាបប្រជាជាតិទាំងពីរបន្តទៀត។
រធានសភាអារ៉ាប៊ីសាអូឌីត លោក អាប់ឌុលឡា ប៊ីន ម៉ូហាម៉េដ ប៊ីន អ៊ីប្រាហ៊ីម អាល សេក្ខ (Abdullah Bin Mohammed Bin Ibrahim Al-Sheikh) បានបង្ហាញក្ដីសង្ឃឺមថាប្រទេសលោកនឹងបង្កើនទំនាក់ទំនងកាន់តែច្រើនបន្ថែមទៀតជាមួយកម្ពុជាជាពិសេសលើការវិនិយោគ ទេសចរណ៍ និងកសិកម្ម។
ការលើកឡើងរបស់លោក អាប់ឌុលឡា ប៊ីន ម៉ូហាម៉េដ គឺបន្ទាប់ពីសម្ដេចប្រធានសភា ឃួន សុដារី បានជម្រាបពីស្ថានការណ៍របស់កម្ពុជា សេដ្ឋកិច្ច និងជាពិសេសពីបញ្ហាព្រំដែនរបស់កម្ពុជាដែលទទួលរងពីការបង្ករឿងពីថៃមួយរយៈចុងក្រោយនេះ។
អ្នកនាំពាក្យប្រធានសភាលោក កែវ ពិសិដ្ឋ បានប្រាប់អ្នកយកព័ត៌មានថាការបន្តប្រើនយោបាយការទូតដើម្បីជម្រាបពីការបង្ករឿងរបស់ថៃនេះ ជាការឆ្លើយតបនឹងការលាបព័ណ៌របស់ថៃលើកម្ពុជា ដែលថៃជាអ្នកបង្ករឿងហើយបែរជាតាំងខ្លួនជាជនរងគ្រោះទៅវិញនោះ។
ដំណើរទស្សនកិច្ចរបស់ប្រធានសភាអារ៉ាប៊ីសាអូឌីតនៅពេលនេះគឺ៦ខែបន្ទាប់ពីប្រធានព្រឹទ្ធសភាកម្ពុជា សម្ដេចតេជោ ហ៊ុន សែន បានធ្វើដំណើរទស្សនកិច្ចនៅព្រះរាជាណាចក្រអារ៉ាប៊ីសាអូឌីតកាលពីដើមខែធ្នូ ឆ្នាំ២០២៤។
ស្របពេលដែលទាំងកំណើននៃការដោះដូរពាណិជ្ជកម្ម វិនិយោគ និងទេសចរពីបណ្តាប្រទេសមជ្ឈិមបូព៌ាកំពុងកើនឡើងក្នុងរយៈពេលប៉ុន្មានឆ្នាំចុងក្រោយនេះ