សេដ្ឋកិច្ច

ចំណូលក្រុមហ៊ុន Apple បន្តធ្លាក់ចុះជាប់ៗគ្នា នៅក្នុងត្រីមាសទី២

បានផុស

១ year មុន

នៅ

ថ្ងៃសៅរ៍ ៦ ឧសភា ២០២៣

ដោយ

ទិន្នន័យនៃការលក់ផលិតផលរបស់ក្រុមហ៊ុនបច្ចេកវិទ្យា Apple បានបន្តធ្លាក់ចុះជាប់គ្នាចាប់តាំងពីត្រីមាសទី ១ រហូតដល់ត្រីមាសទី ២ ។ នេះបើយោងតាមរបាយការណ៍លទ្ធផលហិរញ្ញវត្ថុរបស់ក្រុមហ៊ុន ដែលបានចេញផ្សាយកាលពីថ្ងៃសុក្រ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការលក់ទំនិញសុទ្ធបានធ្លាក់ចុះ ២.៦ ភាគរយមកនៅត្រឹម ៩៤.៨ ពាន់លានដុល្លារសម្រាប់រយៈពេល ៣ ខែដែលគិតត្រឹមថ្ងៃទី១ ខែមេសា ដែលត្រូវនឹងត្រីមាសទីមួយនៃឆ្នាំនេះសម្រាប់ក្រុមហ៊ុន ។ តាមរយៈតួលេខនេះ គឺធ្លាក់ចុះពីជិត ៩៧.៣ ពាន់លានដុល្លារសម្រាប់រយៈពេលដូចគ្នាកាលពីឆ្នាំមុន ។

ដូចគ្នានេះ ក្នុងរយៈពេល ៣ ខែមុន គិតចាប់ពីខែតុលាដល់ខែធ្នូ ក្រុមហ៊ុន Apple សរុបទិន្នន័យនៃការលក់របស់ខ្លួនចំនួន ១១៧.១ ពាន់លានដុល្លារ ពោលធ្លាក់ចុះ ៥.៥ ភាគរយពី ១២៤ ពាន់លានដុល្លារក្នុងរយៈពេលដូចគ្នានៃឆ្នាំ ២០២១ ។

ទន្ទឹមនឹងនេះ ទោះជាការលក់ផលិតផល Mac, iPad, wearables និងគ្រឿងបន្លាស់មានការធ្លាក់ចុះក៏ដោយ ប៉ុន្តែក្រុមហ៊ុន Apple នៅតែមានកំណើនដដែលលើការលក់ទូរសព្ទ iPhone ។

ចំពោះការលក់ផលិតផល iPhone គឺបានកើនឡើងដល់ ៥១.៣ ពាន់លានដុល្លារ ក្នុងអំឡុងខែមករាដល់ខែមីនា សម្រាប់ឆ្នាំនេះ ដែលកើនពីជិត ៥០.៦ ពាន់លានដុល្លារក្នុងរយៈពេលដូចគ្នាកាលពីឆ្នាំ ២០២២ ៕

ប្រែសម្រួល៖ នាង រតនៈ

ប្រភព៖ Anadolu