ឃាត់រថយន្តយីឌុបដឹកដីមួយគ្រឿង ដែលបង្កឲ្យបាក់បង្កាន់ដៃស្ពានព្រែកកុងវាន់

រថយន្តយីឌុបដឹកដី១គ្រឿង ត្រូវអាជ្ញាធរសមត្ថកិច្ចចាប់ឃាត់រក្សាទុក នៅក្នុងបរិវេនសាលាឃុំពុកឬស្សី ធានា ដើម្បីដោះស្រាយតាមផ្លូវច្បាប់ ។

ជំនាញមន្ទីរសាធារណការ និងដឹកជញ្ជូន ខេត្តកណ្តាល សហការជាមួយអាជ្ញាធរ អធិការដ្ឋានស្រុកខ្សាច់កណ្តាល ចាប់ឃាត់រថយន្តដឹកដី១គ្រឿង ប្រភេទយីឌុប (ភ្លៅ ៤កង់ ១២) ដែលបានថយបុកបាក់បង្កាន់ដៃស្ពានព្រែកកុងវាន់ ប្រវែង ៥,៣០M ផ្លូវលេខ៧០b (380) ស្ថិតនៅភូមិអញ្ជាញក្រោម ឃុំពុកឬស្សី ស្រុកខ្សាច់កណ្តាល ខេត្តកណ្តាល ។

បច្ចុប្បន្នរថយន្តដឹកដី ប្រភេទយីឌុបដែលបង្កហេតុថយបុកបាក់បង្កាន់ដៃស្ពានព្រែកកុងវាន់ កំពុងរក្សាទុកនៅក្នុងបរិវេនសាលាឃុំពុកឬស្សី ធានាសំណងថវិកាជួសជុលស្ពាន ឲ្យល្អដូចដេីមវិញ។

គួរបញ្ជាក់ថា កាលពីរសៀលថ្ងៃទី១២ ខែសីហា ឆ្នាំ២០២១ មានករណីគ្រោះថ្នាក់ចរាចរណ៍មួយ បង្កដោយរថយន្ដយីដុបដឹកដីមួយគ្រឿង បណ្ដាលឲ្យខូចបង្កាន់ដៃស្ពានប្រវែង៥,30M នៅភូមិអញ្ជាញក្រោម ឃុំពុកឬស្សី ស្រុកខ្សាច់កណ្តាល ខេត្តកណ្តាល៕

អត្ថបទ ៖ រ៉ាវុទ្ធ