ចរាចរណ៍
បើកបររថយន្តទាំងងងុយដេក រ៉េចង្កូតធ្លាក់ផ្លូវ បណ្តាលឲ្យឆេះរថយន្តនិងរបួសម្នាក់
សមត្ថកិច្ចបានឲ្យដឹងថា អ្នកបើកបររថយន្តកូរ៉េ បានបើកបរក្នុងស្ថានភាពងងុយដេក រ៉េចង្កូតធ្លាក់ផ្លូវជ្រុលទៅបុកដើមឈើ បណ្តាលឲ្យឆេះរថយន្តនិងរបួសម្នាក់។ ហេតុការណ៍នេះ បានកើតឡើងនៅវេលាម៉ោង៥និង០០នាទីថ្ងៃទី២២ ខែសីហា ឆ្នាំ២០២១ នៅលើផ្លូវជាតិលេខ៦ស្ថិតនៅក្នុងភូមិទួលរវៀង ឃុំល្វា ស្រុកពួក ខេត្តសៀមរាប។
លោកវរសេនីយ៍ឯក ទេពពុំសែន អធិការដ្ឋាននគរបាលស្រុកពួកបានឲ្យដឹងថា មានករណីគ្រោះថ្នាក់ចរាចរណ៍មួយបានបង្កឡើង ដោយរថយន្តម៉ាកហ៊ីយ៉ាន់ដាយ២,៥ តោន ពណ៌ស ពាក់ស្លាកលេខ កំពង់ស្ពឺ3A.1335 បើកបរដោយ ឈ្មោះ លី សុខា ភេទប្រុស អាយុ២៩ឆ្នាំ រស់នៅភូមិស្រែ១០០ ឃុំចំការសំរោង ក្រុងបាត់ដំបង ខេត្តបាត់ដំបង។ លោកបន្តថា ដឹកអ្នករួមដំណើររួមមាន៣នាក់៖១.ឈ្មោះ ជួន សុចិន អាយុ១៨ឆ្នាំ ២.ឈ្មោះ សុខ លីន ភេទប្រុស អាយុ១៨ ឆ្នាំ៣.ឈ្មោះ សុគុណ ភេទប្រុស អាយុ១៨ឆ្នាំ រស់នៅភូមិស្រែ១០០ ឃុំចំការរសំរោង ក្រុងបាត់ដំបង ខេត្តបាត់ដំបង ជាមួយគ្នា បានបើកបរទិសដៅពីលិចទៅកើត បានរ៉េចង្កូតធ្លាក់ទៅជ្រោះផ្លូវខាងត្បូង បុកដើមពុទ្រា បណ្តាលឲ្យឆេះរថយន្តតែម្តង។ លោកបញ្ជាក់ថា ករណីនេះ បានប្រើប្រាស់ឡានទឹករបស់អធិការនគរបាលស្រុកពួក អន្តរាគមន៍ជួយពន្លត់អស់ទឹកចំនួន១ឡានទើបពន្លត់បាន។
បន្លែមពីលើនេះ លោកបញ្ជាក់ទៀតថា ករណីនេះបណ្តាលឲ្យរបួសស្រាលមនុស្ស១នាក់ឈ្មោះ សុគុណ និងខូចខាតរថយន្ត១គ្រឿងធ្ងន់។ លើសពីនេះលោកបញ្ជាក់ទៀតថា មូលហេតុអ្នកបើកបរ បានបើកបរក្នុងស្ថានភាពងងុយដេក។ បច្ចុប្បន្នកម្លាំងនគរបាលជំនាញបានអូសយករថយន្តបង្កទៅកាន់អធិការដ្ឋាននគរបាលស្រុកពួក ដើម្បីចាត់ការតាមផ្លូវច្បាប់៕
អត្ថបទ៖ កុសល
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល