ចរាចរណ៍
ឃាត់ខ្លួនអ្នកបើករថយន្តបុកមនុស្សស្លាប់ម្នាក់ និងរបួសធ្ងន់ម្នាក់ នៅស្រុកលំផាត់
សមត្ថកិច្ចនគរបាលចរាចរណ៍ផ្លូវគោកនៃអធិការស្រុកលំផាត់ បានឃាត់ខ្លួនអ្នកបើករថយន្តក្រោយពីបុកអ្នកជិះម៉ូតូស្លាប់ម្នាក់ និងរបួសធ្ងន់ម្នាក់។ ហេតុការណ៍គ្រោះថ្នាក់ចរាចរណ៍រវាងរថយន្ត និងម៉ូតូបានកើតឡើងនៅចំណុចមុខតូបជាងម៉ាន លើផ្លូវជាតិលេខ៧៦ ចន្លោះបង្គោល ២៧១/២៧២ ស្ថិតនៅក្នុងភូមិដីឡូតិ៍ ឃុំជ័យឧត្ដម ស្រុកលំផាត់ ខេត្តរតនគិរី កាលពីថ្ងៃទី ១ ខែឧសភា ឆ្នាំ ២០២២។
សមត្ថកិច្ចបានឲ្យដឹងថា ករណីខាងលើនេះ រថយន្តម៉ាកស្កេននៀ ពណ៌ស ពាក់ស្លាកលេខត្បូងឃ្មុំ 3A-3276 ធ្វើដំណើរពីជើងទៅត្បូង បើកបរដោយឈ្មោះ ថុល លីណេត ភេទប្រុស អាយុ ២៤ ឆ្នាំ ជនជាតិខ្មែរ មុខរបរអ្នកបើកបរឡានដឹកដីក្នុងក្រុមហ៊ុនចម្ការចេកស្រុកលំផាត់ មានទីលំនៅភូមិរមូល ឃុំរអាង ស្រុកកំពង់សៀម ខេត្តត្បូងឃ្មុំ (គ្មានរបួស)។ អ្នករួមដំណើរ ឈ្មោះ ខុម សុឃា ភេទប្រុស អាយុ ៣១ ឆ្នាំ ជនជាតិខ្មែរ មុខរបរថៅកែរថយន្តដឹកដីក្នុងក្រុមហ៊ុនចម្ការចេកស្រុកលំផាត់។ មានទីលំនៅភូមិ ៥៥ ឃុំក្រែក ស្រុកពញាក្រែក ខេត្តកំពង់ចាម (គ្មានរបួស)។
ចំណែកភាគីម៉ូតូម៉ាកឆ្លាម ពណ៌ខ្មៅ គ្មានស្លាកលេខ ធ្វើដំណើរពីត្បូងទៅជើង បើកបរដោយឈ្មោះ ធៀង មៀង ភេទប្រុស អាយុ ២៥ ឆ្នាំ ជនជាតិឡាវ មុខរបរកសិករ មានទីលំនៅភូមិស្រែឈូក ឃុំជ័យឧត្តម ស្រុកលំផាត់ ខេត្តរតនគិរី បានស្លាប់នៅកន្លែងកើតហេតុ(ភិនភាគរបួសបាក់ភ្លៅឆ្វេង បាក់កដៃឆ្វេង បែកមុខ)។ អ្នករួមដំណើរ ឈ្មោះ ដុំ ឆវី ភេទប្រុស អាយុ ១៩ ឆ្នាំ ជនជាតិឡាវ មុខរបរ កសិករ មានទីលំនៅភូមិ-ឃុំជាមួយអ្នកបើកបរ។ (ភិនភាគរបួសធ្ងន់ បាក់ភ្លៅខាងឆ្វេង បាក់កដៃឆ្វេង និងឈាមតាមច្រមុះ ត្រចៀក សន្លប់)។
ក្រោយពេលកើតហេតុកម្លាំងជំនាញ និងកម្លាំងប្រចាំបញ្ជាអធិការដ្ឋាននគរបាលស្រុកលំផាត់ បានតាមស្រាវជ្រាវរករថយន្តគេចពីកន្លែងកើតហេតុ បានរកឃើញរថយន្តនិងអ្នកបើកបរ អ្នករួមដំណើរ ចម្ងាយជាង ១០ គីឡូម៉ែត្រពីកន្លែងកើតហេតុ។ ក្នុងនោះដោយមានការសម្របសម្រួលនីតិវិធីពីលោក លាង អ៊ូ ព្រះរាជអាជ្ញារងអមសាលាដំបូងខេត្តរតនគិរី បានធ្វើការឃាត់ខ្លួន អ្នកបើកបររថយន្ត ដែលមានអត្តសញ្ញាណខាងលើជាបណ្តោះអាសន្ននៅអធិការដ្ឋាននគរបាលស្រុកលំផាត់ ដើម្បីកសាងសំណុំរឿងតាមនីតិវិធី។ ចំពោះវត្ថុតាងរថយន្ត ១ គ្រឿង និងម៉ូតូ ១ គ្រឿង បានយកមករក្សាទុកនៅអធិការដ្ឋាន ដើម្បីបំពេញបែបបទតាមនីតិវិធី៕
អត្ថបទ៖ វុទ្ធឦសាន
លោក ពូទីន ចុះសួរសុខទុក្ខទាហាន រុស្ស៊ី ដែលរងរបួសក្នុងសង្គ្រាមនៅ អ៊ុយក្រែន
អ្នកនេសាទខ្នាតតូចចុះនេសាទវិញ ក្រោយអាជ្ញាធរស្តាកំប្លោកចេញអស់
ចាប់សត្វចៀមមួយក្បាល ដាក់ពន្ធនាគារ ៣ឆ្នាំ ពីបទមនុស្សឃាត
តុលាការបើកសវនាការកាត់ទោស អតីតប្រធានបក្សខ្មែរក្រោក ក្នុងសំណុំរឿងប្លន់អ្នកលក់ឡេ
រឿងព្រេង ៥ ប្រភេទ អានហើយព្រឺព្រួច និងភ័យខ្លាចខ្លាំង
(មានសំឡេង) ខ្ញុំឃើញភ្ញៀវរត់ចេញប្រសាច ស្ថានការណ៍ក្លាយជាច្របូកច្របល់ ពួកយើងភាន់ភាំង…
មកស្គាល់សាលាកូនអ្នកមានទាំង ៥ នៅភ្នំពេញ មួយឆ្នាំបង់លុយរៀនខ្ទង់ម៉ឺនដុល្លារ ទើបទៅរួច
ដំណឹងដ៏រំភើប! កម្ពុជា នឹងទទួលបានវ៉ាក់សាំងកូវីដពី UNICEF
ដំណឹងល្អ! កម្ពុជានិងប្រទេសអាស៊ីអាគ្នេយ៍៥ទៀតនឹងទទួលបានវ៉ាក់សាំងកូវីដ
ឃាត់ខ្លួនជនដៃដល់ដែលបាញ់ប្រហារស្រ្តីម្នាក់នៅខេត្តសៀមរាប
-
វប្បធម៌ ជំនឿ៦ ថ្ងៃ មុនព្រឺសម្បុរ! ទំនាយលោកយាយ Baba Vanga សម្រាប់ឆ្នាំ២០២២នេះ ក្លាយជាការពិតមួយទៀតហើយ (មានវីដេអូ)
-
ជីវិតកម្សាន្ដ៤ ថ្ងៃ មុនមិត្តភាពជាង ២០ ឆ្នាំ Aum ជូនពរថ្ងៃកំណើតមិត្តសំឡាញ់ បែបនេះទៅវិញ
-
ជីវិតកម្សាន្ដ២ ថ្ងៃ មុនតារាល្បីៗ ចូលរួមលា Tangmo ជាលើកចុងក្រោយ ទាំងទឹកមុខក្រៀមក្រំ
-
សន្តិសុខសង្គម៦ ថ្ងៃ មុនដាច់ជណ្ដើរយន្ដក្នុងការដ្ឋានអគារកម្ពស់២០ជាន់ស្លាប់និងរបួស៥នាក់
-
ជីវិតកម្សាន្ដ៧ ថ្ងៃ មុនតើតារាល្បីៗណាខ្លះ ទទួលបានពានច្រើនជាងគេ ក្នុងកម្មវិធី Billboard Music Awards ?
-
ព័ត៌មានអន្ដរជាតិ១ សប្តាហ៍ មុនរុស្ស៊ីនិយាយថា ទាហានអ៊ុយក្រែនជិត៧០០នាក់ទៀតបានចុះចាញ់
-
ជីវិតកម្សាន្ដ១ សប្តាហ៍ មុនJames Jirayu តារាសម្ដែងមុខស្រទន់ និងមានទេពកោសល្យខ្ពស់ តាំងពីមិនទាន់ចូលសិល្បៈ
-
ជីវិតកម្សាន្ដ៤ ថ្ងៃ មុនកក្រើកប្រទេស ថៃ ម្ដងទៀត ក្រោយហ្វេសបុករបស់ Tangmo កំពុងមានសកម្មភាពយ៉ាងរន្ថើន