Connect with us

ចរាចរណ៍

ស្លាប់ ២ នាក់ និងរងរបួសធ្ងន់ស្រាល ១៦ នាក់ ក្នុងករណីគ្រោះថ្នាក់ចរាចរណ៍

បានផុស

នៅ

មនុស្ស ២ នាក់ បានបាត់បង់ជីវិតនៅកន្លែងកើតហេតុហើយ ១៦ នាក់ទៀត រងរបួសធ្ងន់ស្រាល ខណៈមានគ្រោះថ្នាក់ចរាចរណ៍មួយបានកើតឡើងរវាងម៉ូតូ និងរថយន្ត។​ នគរបាល​បាន​ប្រាប់​ឲ្យ​ដឹងថា ករណី​គ្រោះថ្នាក់​ចរាចរណ៍​ដ៏​រន្ធត់​នេះ​ បាន​កើតឡើង​នៅវេលា​ម៉ោង ១:០០​ នាទី​ កាលពី​ថ្ងៃទី​ ១៩ ខែមិថុនា ឆ្នាំ ​២០២២ ត្រង់ចំណុច​ក្រុមទី ៩ ក្នុងភូមិ​បឹង​ចែង ឃុំ​ស្នឹង ស្រុក​បាណន់ ខេត្តបាត់ដំបង​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​សមត្ថកិច្ច​បន្តថា ជនរងគ្រោះ​ដែល​បាន​ស្លាប់​ជា​ភាគី​ខាង​ម៉ូតូ មានឈ្មោះ សេង តុលា ភេទ​ប្រុស អាយុ ២០​ ឆ្នាំ​ជា​អ្នកបើកបរ និង​អ្នករួមដំណើរ​ម្នាក់ទៀត​ឈ្មោះ​ ទិ​ត្យ សុវណ្ណ ភេទ​ប្រុស​អាយុ ១៤​ ឆ្នាំ ទាំង ២​ នាក់​រស់នៅ​ភូមិ​ខ្សាច់​ពោ​យ ឃុំ​វត្ត​គរ ក្រុង​បាត់ដំបង បើកបរ​ម៉ូតូ​ម៉ាក​ម៉ូតូ C១២៥ ពណ៌​ខ្មៅ​សេរី ២០១៥ ពាក់​ស្លាក​លេខ​បាត់ដំបង​ ១U-៧៦០៤​។ ចំណែក​ភាគី​ខាង​រថយន្ត​ប្រភេទ​ទេសចរណ៍ ១២ ​កៅអី ពណ៌​សម៉ាក TURBO ROSA ពាក់​ស្លាក​លេខ​សៀមរាប ៣A-១០២៤ ផ្ទុក​អ្នករួមដំណើរ​ទាំងអស់​ចំនួន ៣៣​ នាក់ បាន​រងរបួស​ក្មេងចាស់ធ្ងន់ស្រាល​ចំនួន ១៦​ នាក់ ត្រូវបាន​បញ្ជូនទៅ​សង្គ្រោះ​នៅ​មន្ទីរពេទ្យបង្អែក​ខេត្ត​ភ្លាមៗ​ផងដែរ​។​

​ប្រភព​អ្នកឃើញ​ហេតុការណ៍​បញ្ជាក់ថា មុន​ហេតុការណ៍​កើតឡើង​គេ​ឃើញ​ភាគី​ម៉ូតូ​បាន​បើកបរ​យ៉ាង​លឿន​ក្នុងទិសដៅ​ពី​កើតទៅ​លិច លុះ​ចំណុចកើតហេតុ​ក៏បាន​ឡើង​ជែង​ជាមួយ​រថយន្ត​មួយគ្រឿង​ទៀត ហើយ​បាន​ជ្រុល​ចង្កូត​ទៅ​ចូល​គន្លង​ផ្លូវ​របស់រថយន្ត​ទេសចរណ៍​ ដែល​បើកបរ​ក្នុងទិសដៅ​ពី​ខេត្ត​ប៉ៃលិន​ឆ្ពោះទៅ​ខេត្តបន្ទាយមានជ័យ ​ទើប​បណ្តាល​ឲ្យ​បុក​ម៉ូតូ​យ៉ាង​ពេញទំហឹង ហើយ​រថយន្ត​បាន​ជ្រុល​ចង្កូត​ទៅបុក​សសរ​គ្រឹះ​ហ្គា​រ៉ា​ស់​សាំង​ធ្វើ​ឲ្យ​រថយន្ត​ក្រឡាប់​មួយ​ត្រឡប់​។​

​ភ្លាមៗ​កម្លាំង​ផ្នែក​ជំនាញ​បាន​ចុះ​វាស់វែង​ និង​ធ្វើ​កំណត់ហេតុ​រួច​បញ្ជូន​ឲ្យ​កម្លាំង​ការិយាល័យ​ចរាចរណ៍​ខេត្ត​ ដើម្បី​ដោះស្រាយ​ពេល​ក្រោយ ចំណែក​សព​ជនរងគ្រោះ​ទាំង​ ២​ នាក់ ​ត្រូវ​បានប្រគល់​ឲ្យ​សាច់ញាតិ​យកទៅ​ធ្វើបុណ្យ ហើយ​ជនរងគ្រោះ ​១៦ ​នាក់​ទៀត ​កំពុង​សម្រាក​ព្យាបាល​នៅ​មន្ទីរពេទ្យ​បង្កែក​ខេត្ត​៕​

អត្ថបទ៖ សៅ សារិទ្ធ​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៤ ម៉ោង មុន

តើវិបត្តិនៅសមុទ្រក្រហម បង្កឱ្យមានផលប៉ះពាល់អ្វីខ្លះដល់សហភាពអ៊ឺរ៉ុប?

ព័ត៌មានជាតិ៥ ម៉ោង មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍៦ ម៉ោង មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ៨ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ៩ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

ព័ត៌មានអន្ដរជាតិ៦ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម