មួយថ្ងៃទី៩ធ្នូនេះ មានអ្នកស្លាប់ដោយសារគ្រោះថ្នាក់ចរាចរណ៍៤នាក់ និងរបួស៧នាក់

គិតត្រឹមម៉ោង១៤និង០០នាទី ថ្ងៃទី៨ ដល់ម៉ោង១៤និង០០នាទី ថ្ងៃទី៩ ខែធ្នូ ឆ្នាំ២០២៤នេះ មានមនុស្សប្រុសស្រីសរុបចំនួន៤នាក់បានបាត់បង់ជីវិត និងរងរបួសសរុបចំនួន៧នាក់ ដោយសារករណីគ្រោះថ្នាក់ចរាចរណ៍នៅទូទាំងប្រទេស។ នេះបើតាមរបាយការណ៍របស់នាយកដ្ឋាននគរបាលចរាចរណ៍ និងសណ្តាប់សាធារណៈ នៃអគ្គស្នងការដ្ឋាននគរបាលជាតិ នារសៀលថ្ងៃទី៩ធ្នូនេះ។

របាយការណ៍បញ្ជាក់ថា គិតត្រឹមពីម៉ោង១៤និង០០ ថ្ងៃទី៨ ខែធ្នូ ឆ្នាំ២០២៤ ដល់ម៉ោង១៤និង០០ ថ្ងៃទី៩ ខែធ្នូ ឆ្នាំ២០២៤ ករណីគ្រោះថ្នាក់ចរាចរណ៍បានកើតឡើងនៅទូទាំងប្រទេសចំនួន ៨លើក (យប់ ៤លើក) បណ្តាលឲ្យមនុស្សស្លាប់៤នាក់ (ស្រី ១នាក់) រងរបួសសរុប ៧នាក់ (ស្រី ១នាក់) រងរបួសធ្ងន់ ៤នាក់ (ស្រី ០នាក់) រងរបួសស្រាល ៣នាក់ (ស្រី ១នាក់) និងមិនពាក់មួកសុវត្ថិភាព ៦នាក់ (យប់ ៥នាក់)។

តាមរបាយការណ៍ មូលហេតុដែលបង្កអោយមានករណីគ្រោះថ្នាក់ចរាចរណ៍នេះគឺដោយសារ បើកបរល្មើសល្បឿនកំណត់ មិនគោរពសិទ្ធិ ប្រជែង និងបត់ក្នុងស្ថានភាពគ្រោះថ្នាក់៕