ទើបរន្ទះបាញ់ឆេះរោងចក្រ ឥឡូវថៃ ឆេះមន្ទីរពេទ្យទៀត

ទើបរន្ទះបាញ់ឆេះរោងចក្រថ្មីៗ ស្រាប់តែកាលពីវេលាទាបភ្លឺថ្ងៃអង្គារទី១៤ខែតុលាឆ្នាំ២០២៥ ប្រទេសថៃ កើតមានគ្រោះអគ្គិភ័យដ៏កាចសាហាវមួយទៀត ដែលជាការឆេះមន្ទីរពេទ្យ នៅខេត្ត Phrae។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការផ្សាយ Amarin TV, អគ្គិភ័យបានឆាបឆេះមន្ទីរពេទ្យ​ Phrae ដែលស្ថិតក្នុងឃុំ Nai Wiang នៃស្រុក Mueang Phrae នាវេលាម៉ោង៣ទាបភ្លឺ។

ប្រភពខាងលើបន្តថា អគ្គិភ័យបានឆាបឆេះចេញពីអន្តេវាសិកដ្ឋានរបស់វេជ្ជបណ្ឌិតនៅជាន់ទី៥។ ក្រុមសង្គ្រោះបានប្រើរថយន្តចំនួន៥គ្រឿងបានពន្លត់ភ្លើង ដោយចំណាយពេល២ម៉ោង ទើបគ្រប់គ្រងស្ថានការណ៍បាន។

ទោះបីជាយ៉ាងណាក៏ដោយ មិនមានសេចក្តីរាយការណ៍អំពីមនុស្សស្លាប់ឬរបួសទេ ខណៈមូលហេតុបង្កជាអគ្គិភ័យក៏មិនទាន់ត្រូវបានគេបង្ហាញដែរ។

អគ្គិភ័យនេះកើតឡើងត្រឹមមួយថ្ងៃប៉ុណ្ណោះ បន្ទាប់ពីរោងចក្រផលិតប្រអប់-ចានស្នោដ៏ធំមួយ ត្រូវរន្ទះបាញ់បង្កជាអគ្គិភ័យឆាបឆេះយ៉ាងសន្ធោសន្ធៅ ឈានដល់ការបាក់រលំអគារនិងជម្លៀសមនុស្សចេញជាបន្ទាន់។

រោងចក្រនេះមានទីតាំងស្ថិតនៅក្នុងឃុំ Bang Phra នៃស្រុក Si Racha ខេត្ត Chonburi ត្រូវអគ្គិភ័យឆាបឆេះនៅម៉ោង១:៣០នាទីថ្ងៃត្រង់ថ្ងៃចន្ទទី១៣ខែតុលាឆ្នាំ២០២៥។

ថៃបានប្រើប្រាស់រថយន្តពន្លត់ចំនួន២០គ្រឿងដើម្បីគ្រប់គ្រងអគ្គិភ័យ។ យ៉ាងណាដោយសារតែវាឆាបឆេះខ្លាំង ក្រុមពន្លត់ត្រូវជួបឧបសគ្គនិងចំណាយពេលយូរ ដើម្បីគ្រប់គ្រងបាន៕

អត្ថបទ៖ សុខ សុវណ្ណ

ចុចអាន៖ រន្ទះបាញ់រោងចក្រនៅថៃ បង្កជាអគ្គិភ័យ បណ្តាលឲ្យបាក់អគារនិងជម្លៀសមនុស្ស