Connect with us

កីឡា

ត្រឹម​អាយុ១១ឆ្នាំ​ទឹកចិត្ត​ស្នេហាទឹក​ដី​ធំធេង​​ លី​ ចិត្រាបុត្រ​ ចង់ក្លាយ​ទ័ព​ការពារ​ទឹកដី

បានផុស

នៅ

កុមារា​ លី ចិត្រាបុត្រ​ ដែល​ជា​កីឡាករ​បាល់ទះ​ហ្វឹកហាត់​បែប​សុខភាព​ ចង់​ចូល​បម្រើ​ទ័ព​ដើម្បី​ច្បាំង​យក​ជ័យជម្នះ​ជា​មួយ​អ្នក​ឈ្លាន​ពាន​ទឹក​ដី បន្ទាប់​ពី​មាន​បញ្ហា​ជម្លោះ​ព្រំដែន។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កុមារា​ លី​ ចិត្រាបុត្រ​

លី ចិត្រាបុត្រ​ បាន​ឲ្យ​ដឹង​ថា​ ខ្លួន​ចូល​ចិត្ត​ហ្វឹកហាត់​កីឡា​បាល់ទះ​នេះ​ណាស់​ល្អ​ចំពោះ​សុខភាព​រាងកាយ​ និង​បង្កើត​ភាព​សប្បាយ​រីករាយ​ទៀត​ផង។​ ចំពោះ​កីឡាករ​បាល់ទះ​ដែល​ជា​ Idol របស់​ខ្លួន​នោះ​គឺ​ សួន​ ចាន់ណារ៉ូ​ ជា​អ្នក​ប៉ះសេ​លេខ១ នៅ​ប្រទេសកម្ពុជា។​

កុមារា​ លី​ ចិត្រាបុត្រ​

បើ​ទោះ​ជា​ស្រឡាញ់​វិស័យ​បាល់ទះ​ខ្លាំង​បែប​នេះ​ក្ដី​ ប៉ុន្តែ​ក្ដី​ស្រមៃ​ធំ​ឡើង​របស់​ លី​ ចិត្រាបុត្រ​ នោះ​គឺ​ចង់​ក្លាយ​ជា​ទាហាន​ចូល​បម្រើ​កងទ័ព​ និង​ចេញ​ច្បាំង​ជា​មួយ​សៀម​យក​ជ័យជម្នះ​ឲ្យ​ប្រទេស​ជាតិ។​ រូប​គេ​បន្ទាប់​ពី​ឃើញ​ការ​ឈ្លានពាន​របស់​សៀម​កន្លង​មក​គឺ​មិន​សប្បាយ​ចិត្ត​នោះ​ឡើយ​ចំពោះ​ទង្វើរ​អាក្រក់​មួយ​នេះ។​

កុមារា​ លី​ ចិត្រាបុត្រ​

បញ្ជាក់​ដែរ​ថា​ កុមារា​ លី​ ចិត្រាបុត្រ​ បច្ចុប្បន្ន​ទើប​មាន​អាយុ​ ១១ឆ្នាំ​ប៉ុណ្ណោះ​ និង​កំពុង​សិក្សា​នៅ​ថ្នាក់​ទី៧​ នៃ​សាលា Home Of English ។​ រូប​គេ​ជា​កុមារា​ម្នាក់​ក្នុង​ចំណោម​កុមា និង​យុវជន​ ជា​ច្រើន​ដែល​កំពុង​ហ្វឹកហាត់​បាល់ទះ​បែប​សុខភាព​ជាមួយ​លោក​ គុណ​ ប៊ុនសាន​ អតីត​លីប្រូជម្រើសជាតិ​ នៅ​ទីតាំង​ក្លឹបបាល់ទះ​ស្នងការ។​ ចិត្រាបុត្រ​ ហ្វឹកហាត់​បាល់ទះ​នេះ​បាន​ប្រហែល​មួយ​ឆ្នាំ​មក​​ហើយ៕​

ទិដ្ឋភាពហ្វឹកហាត់

អត្ថបទដោយ៖ នួន ស៊ីណា​

Helistar Cambodia - Helicopter Charter Services
Sokimex Investment Group
Sokha Hotels

ព័ត៌មានពេញនិយម