ព័ត៌មានអន្ដរជាតិ
គិតត្រឹមពេលនេះ វ៉ាក់សាំង កូវីដ ៤០០ លានដូសត្រូវបានចាក់ជូនប្រជាពលរដ្ឋនៅទូទាំងពិភពលោក
ក្រុមអ្នកស្រាវជ្រាវនិយាយថា មនុស្សជាង ៤០០ លាននាក់បានទទួលការចាក់វ៉ាក់សាំងការពារជំងឺកូវីដ ១៩ យ៉ាងហោចណាស់មួយដូស ។
យោងតាមគេហទំព័រ Our World in Data ដែលដំណើរការដោយអ្នកស្រាវជ្រាវនៅសកលវិទ្យាល័យ Oxford ចក្រភពអង់គ្លេស និងអ្នកដទៃទៀតបានបង្ហាញថា គិតត្រឹមថ្ងៃសៅរ៍ប្រជាជនប្រហែល ៤៣០.៩៦ លាននាក់ត្រូវបានចាក់វ៉ាក់សាំងយ៉ាងហោចណាស់មួយដូសនៅជុំវិញពិភពលោក ។
បើគិតតាមប្រទេសវិញ សហរដ្ឋអាមេរិកឈរនៅលើកំពូលតារាងដោយមានប្រជាជនចំនួន ១១៧.១៤ លាននាក់បានចាក់វ៉ាក់សាំង ។ ឥណ្ឌាឈរនៅលំដាប់ទី ២ ដោយមាន ៨៨.៨៩ លាននាក់ បន្ទាប់មកគឺចក្រភពអង់គ្លេសមាន ៣២.០១ លាននាក់ និងប្រេស៊ីលមាន ២០.៥១ លាននាក់ ។
ចំពោះសមាមាត្រនៃចំនួនប្រជាជនសរុបដែលទទួលបានការចាក់វ៉ាក់សាំងយ៉ាងហោចណាស់មួយដូសគឺ អ៊ីស្រាអែលឈរនៅលំដាប់កំពូលដោយមាន ៦១.៤ ភាគរយ ។ ចក្រភពអង់គ្លេសឈរនៅលំដាប់ទី ២ គឺ ៤៧.១ ភាគរយ បន្ទាប់មកឈីលីមានចំនួន ៣៨.៥ ភាគរយ និងសហរដ្ឋអាមេរិកមាន ៣៥ ភាគរយ ខណៈសរុបនៅទូទាំងពិភពលោកមានតែ ៥.៥ ភាគរយប៉ុណ្ណោះ ។
ការចាក់វ៉ាក់សាំងនៅអ៊ីស្រាអែលបានចាប់ផ្តើមនៅក្នុងខែធ្នូ ដោយប្រើវ៉ាក់សាំងរបស់ក្រុមហ៊ុន Pfizer-BioNTech ។ ចំនួននៃការឆ្លងថ្មីនៅក្នុងប្រទេសនេះបានធ្លាក់ចុះអស់រយៈពេលជាងពីរខែមកហើយ ។ ទិន្នន័យចងក្រងដោយសាកលវិទ្យាល័យ John Hopkins បង្ហាញថា គិតត្រឹមថ្ងៃទី ១១ ខែមេសា ករណីឆ្លងប្រចាំថ្ងៃថ្មីនៅអ៊ីស្រាអែលមានដល់ ១២០ នាក់ ។
ចំណែកចក្រភពអង់គ្លេសគឺជាប្រទេសដំបូងគេដែលបង្កើតយុទ្ធនាការចាក់វ៉ាក់សាំងរបស់ក្រុមហ៊ុន Pfizer-BioNTech ហើយចំនួននៃការឆ្លងថ្មីនៅក្នុងប្រទេសនេះក៏មានការធ្លាក់ចុះផងដែរ ។ នៅប្រទេសអង់គ្លេស ៩៥ ភាគរយនៃមនុស្សដែលមានអាយុលើសពី ៦០ ឆ្នាំឡើងត្រូវបានផ្ដល់ឲ្យចាក់វ៉ាក់សាំងមួយដូស ។
រីឯទាក់ទងនឹងចំនួនប្រជាជនសរុបដែលបានទទួលការចាក់វ៉ាក់សាំង ២ ដូស អ៊ីស្រាអែលមាន ៥៦.៩ ភាគរយ ឈីលី ២៤.៣ ភាគរយ និងបារ៉ែន ២២.១ ភាគរយ ។
គួរបញ្ជាក់ថា គិតត្រឹមពេលនេះនៅលើពិភពលោកមានករណីឆ្លងជំងឺកូវីដ ១៩ សរុប ១៣៦,៦៩៦,០៩២ ករណី និងមានអ្នកស្លាប់ចំនួន ២,៩៥០,៨២៣ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ អ្នកចាក់វ៉ាក់សាំងគ្រប់ ២ ដូសរួច មកដឹងអត្ថប្រយោជន៍ល្អៗទាំងនេះ
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៥ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)