ព័ត៌មានអន្ដរជាតិ

វៀតណាមនិងអង់គ្លេសលើកកម្រិតការទូត ប៉ុន្តែក៏ដើម្បីតាមដានជនជាតិវៀតណាមនៅអង់គ្លេស

បានផុស

៧ ខែ មុន

នៅ

ថ្ងៃព្រហស្បតិ៍ ៣០ តុលា ២០២៥

ដោយ

វៀតណាមនិងចក្រភពអង់គ្លេសបានប្រកាសរួមលើការលើកកម្រិតការទូតពីទំនាក់ទំនងទ្វេភាគី ទៅដៃគូយុទ្ធសាស្រ្តគ្រប់ជ្រុងជ្រោយក្នុងដំណើរទស្សនកិច្ចរបស់អគ្គលេខាធិការបក្សកុម្មុយនីស្តវៀតណាម លោក តូ ឡឹម (To Lam) ទៅកាន់ទីក្រុងឡុងដ៍ ជាទីដែលភាគីទាំងពីរពិភាក្សាលើការបញ្ជូនជនជាតិវៀតណាមខុសច្បាប់មកវៀតណាមវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងការចេញផ្សាយរបស់ទីភ្នាក់ងារព័ត៌មានវៀតណាម (Vietnam News Agency) វៀតណាមនិងចក្រភពអង់គ្លេសបានចេញសេចក្តីប្រកាសរួមស្តីពីការលើកកំពស់វៀតណាម-ចក្រភពអង់គ្លេសទៅជាដៃគូយុទ្ធសាស្ត្រគ្រប់ជ្រុងជ្រោយ។

ការប្រកាសនេះត្រូវបានធ្វើឡើងនៅថ្ងៃទី២៩ខែតុលា បន្ទាប់ពីពិធីស្វាគមន៍ និងកិច្ចពិភាក្សារវាងនាយករដ្ឋមន្ត្រីអង់គ្លេស គៀ ស្តាមើ (Keir Starmer) និងអគ្គលេខាធិការបក្សវៀតណាម លោក តូ ឡឹម ដែលកំពុងបំពេញទស្សនកិច្ចជាផ្លូវការនៅចក្រភពអង់គ្លេស។

ទោះបីជាមានសេចក្តីរាយការណ៍ពីភ្នាក់ងារព័ត៌មានវៀតណាមអំពីភាពរីកចម្រើនលើទំនាក់ទំនងទូត ប៉ុន្តែសេចក្តីរាយការណ៍របស់បណ្តាញសារព័ត៌មានអង់គ្លេសវិញ មើលឃើញថា ដំណើរទស្សនកិច្ចរបស់មេដឹកនាំវៀតណាមដែលខុសប្រក្រតីនេះ គឺជាការត្រៀមសម្រាប់ការទទួលយកជនជាតិវៀតណាមដែលភៀសខ្លួនតាមទូកទៅកាន់ប្រទេសអង់គ្លេស។

សារព័ត៌មាន The Guardian ដោយដកស្រង់សេចក្តីប្រកាសរបស់រដ្ឋាភិបាលអង់គ្លេស «Downing Street» ដែលបាននិយាយថា ប្រជាជនវៀតណាមដែលមកដល់ចក្រភពអង់គ្លេសដោយមធ្យោបាយមិនប្រក្រតីនឹងត្រូវបានតាមដានយ៉ាងឆាប់រហ័សសម្រាប់ការនិរទេសក្រោមកិច្ចព្រមព្រៀងថ្មីមួយ។

បន្ទាប់ពីការកើនឡើងនៃការមកដល់ដោយសម្ងាត់ពីប្រទេសវៀតណាមកាលពីឆ្នាំមុនតាមរយៈទូកតូចៗ និងនៅខាងក្រោយឡានដឹកទំនិញ កិច្ចព្រមព្រៀងនេះត្រូវបានគេសន្មត់ថាកាត់បន្ថយនីតិវិធីស្មុគស្មាញ និងធ្វើឱ្យវាកាន់តែលឿន និងងាយស្រួលក្នុងការបញ្ជូនអ្នកដែលគ្មានសិទ្ធិរស់នៅចក្រភពអង់គ្លេស។

យោងសេចក្តីរាយការណ៍របស់សារព័ត៌មានអង់គ្លេស ប្រជាជនវៀតណាមគឺជាក្រុមមួយក្នុងចំណោមក្រុមអ្នកអន្តោរប្រវេសន៍ដ៏ធំបំផុតនៃការមកដល់អង់គ្លេសតាមទូកតូចៗក្នុងរយៈពេល ៣ខែដំបូងនៃឆ្នាំ២០២៤និងជាក្រុមធំជាងគេទីបួនពេញមួយឆ្នាំមុន។

ស្ថិតិគិតចាប់ពីខែមេសា ឆ្នាំ ២០២៤ បានបង្ហាញថា ជនជាតិវៀតណាមមានចំនួន ២០ភាគរយនៃការមកដល់តាមទូកតូចៗទាំងអស់ ដែលកើនឡើង ១០ដងធៀបនឹងរយៈពេលដូចគ្នាកាលពីឆ្នាំ២០២៣។

ទិន្នន័យរបស់ការិយាល័យសន្តិសុខមាតុភូមិ (Home Office) ក៏បង្ហាញផងដែរថា ជនជាតិវៀតណាមចំនួន ៥៩៩នាក់ត្រូវបានសំដៅយន្តការបញ្ជូនបន្តថ្នាក់ជាតិថា ជាជនរងគ្រោះទាសភាពសម័យទំនើបដែលមានសក្តានុពលនៅចន្លោះខែមេសាដល់ខែមិថុនាឆ្នាំនេះ ដែលជាសញ្ជាតិបរទេសខ្ពស់បំផុតទីពីរបន្ទាប់ពីជនជាតិអេរីត្រ (Eritreans)៕

រ៉ាន់ រើយ

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា