ព័ត៌មានជាតិ

នេះជាក្រុមហ៊ុនអាកាសចរណ៍ទាំង ២៩ ភ្ជាប់ការហោះហើរមកអាកាសយានដ្ឋានតម្លៃជាង ២ ០០០ លានដុល្លាររបស់កម្ពុជា

បានផុស

៦ ខែ មុន

នៅ

ថ្ងៃចន្ទ ១០ វិច្ឆិកា ២០២៥

ដោយ

មន្រ្តីអាកាសចរណ៍ស៊ីវិលបានឲ្យកម្ពុជាថ្មីដឹងថា បច្ចុប្បន្ននេះមានក្រុមហ៊ុនអាកាសចរណ៍ចំនួន ២៩ ដែលបានកំពុងប្រតិបត្តិការតភ្ជាប់ជើងហោះហើរមកអាកាសយានដ្ឋានអន្តរជាតិតេជោរបស់ប្រទេសកម្ពុជា។

លោក ស៊ីន ចាន់សិរីវុត្ថា មន្រ្តីអ្នកនាំពាក្យរដ្ឋលេខាធិការអាកាសចរណ៍ស៊ីវិលបានឲ្យដឹងថា ក្រុមហ៊ុនអាកាសចរណ៍ទាំង ២៩ មានមកពីតំបន់អាស៊ី និងមជ្ឈិមបូព៌ា ខណៈក្រុមហ៊ុនអាកាសចរណ៍មកពីអឺរ៉ុប Turkey Airline ក៏គ្រោងតភ្ជាប់ជើងហោះហើរមកប្រទេសកម្ពុជានៅចុងឆ្នាំ ២០២៥ នេះ។

ក្រុមហ៊ុនអាកាសចរណ៍ទាំង ២៩ ដែលកំពុងប្រតិបត្តិការដឹកអ្នកដំណើរមកពីជុំវិញពិភពលោកមកអាកាសយានដ្ឋានដ៏ទំនើបតម្លៃជាង ២ ០០០ លានដុល្លាររបស់កម្ពុជានេះ មានក្រុមហ៊ុនក្នុងស្រុកចំនួន ៤ និងក្រុមហ៊ុនបរទេសចំនួន ២៥ ដែលក្នុងនោះរួមមាន៖

-Air Cambodia (K6)
-Cambodia Airways (KR)
-Sky Angkor Airlines (ZA)
-AirAsia Cambodia (KT)
-Thai Airways (TG)
-Thai Vietjet Air (VZ)
-Bangkok Airways (PG)
-Thai Air Asia (FD)
-K-Mile Air (8K)
-Singapore Airlines (SQ)
-Malaysia Airlines (MH)
-Vietnam Airlines (VN)
-PAL Express (2P)
-Myanmar Airways (8M)
-PT Indonesia Air Asia (QZ)
-China Eastern Airlines (MU)
-China Southern Airlines (CZ)
-Xiamen Airlines (MF)
-Shenzhen Airlines (ZH)
-Spring Airlines (9C)
-Air China (CA)
-Korean Air (KE)
-Asiana Airlines (OZ)
-Eva Air (BR)
-China Airlines (CI)
-Cathay Pacific Airways (CX)
-Qatar Airways (QR)
-Emirates Airlines (EK
-Etihad Airways

នៅចុងឆ្នាំនេះ ក្រុមហ៊ុនអាកាសចរណ៍មកពីប្រទេសតួកគីយ៉េ Turkish Airlines គ្រោងបើកការហោះហើរជាលើកដំបូងពីទីក្រុងអ៊ីស្តង់ប៊ុលនៃសាធារណរដ្ឋតួកគីយ៉េ មកកាន់អាកាសយានដ្ឋានអន្តរជាតិតេជោនៃព្រះរាជាណាចក្រកម្ពុជា។

បើយោងតាមសេចក្តីប្រកាសព័ត៌មានរបស់ក្រុមហ៊ុន កម្ពុជាជាគោលដៅប្រទេសទី ៧ នៅតំបន់អាស៊ីអាគ្នេយ៍ ខណៈទីក្រុងភ្នំពេញជាទីក្រុងទី ១១ នៅក្នុងតំបន់ ដែលក្រុមហ៊ុនបានបើកប្រតិបត្តិតភ្ជាប់ជើងហោះហើរ ដែលមានបណ្តាញដឹកជញ្ជូនគ្របដណ្តប់លើ ២១ ប្រទេស និង ២០ ទីក្រុងនៅជុំវិញពិភពលោក៕