សេដ្ឋកិច្ច

កម្ពុជាអនុម័តគម្រោងវិនិយោគទំហំ ៩,៥ ប៊ីលានដុល្លារ ត្រឹមរយៈពេល ១១ ខែ

បានផុស

៦ ខែ មុន

នៅ

ថ្ងៃព្រហស្បតិ៍ ៤ ធ្នូ ២០២៥

ដោយ

ក្រុមប្រឹក្សាអភិវឌ្ឍន៍កម្ពុជា (CDC) បានអនុម័តគម្រោងវិនិយោគចំនួន ៦០៩ គម្រោង ក្នុងទំហំទុនសរុប ៩,៥ ប៊ីលានដុល្លារ នៅក្នុងរយៈពេល ១១ ខែ ឆ្នាំ ២០២៥ កើនឡើង ៤៧% ធៀបនឹងរយៈពេលដូចគ្នា នៅឆ្នាំ ២០២៤ ដែលមានទុនវិនិយោគ ៦,៥ ប៊ីលានដុល្លារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្ដីប្រកាសព័ត៌មាន របស់ CDC ទំហំទុនវិនិយោគ ៩,៥ ប៊ីលានដុល្លារ បែងចែកជាវិស័យ វិស័យឧស្សាហកម្ម ៥,៧ ប៊ីលានដុល្លារ, ហេដ្ឋារចនាសម្ព័ន្ធ ៣,១ ប៊ីលានដុល្លារ, កសិកម្ម និងកសិ-ឧស្សាហកម្ម ៤៣៦ លានដុល្លារ និងទេសចរណ៍ ១៧៥ លានដុល្លារ។

សម្រាប់តែខែវិច្ឆិកា គម្រោងវិនិយោគសរុបចំនួន ៣៤ គម្រោង ក្នុងទំហំទុន ២៦២ លានដុល្លារ ត្រូវបានអនុម័ត ដែលអាចបង្កើតការងារបាន ២៤ ពាន់កន្លែង។

លោកឧបនាយករដ្ឋមន្ត្រី ស៊ុន ចាន់ថុល មានប្រសាសន៍នៅព្រឹកថ្ងៃទី ០៤ ខែធ្នូ ឆ្នាំ ២០២៥ថា កម្ពុជារំពឹងនឹងអនុម័តគម្រោងវិនិយោគដែលមានលក្ខណៈសម្បត្តិគ្រប់គ្រាន់ (QIP) លើសពី ៦០០ គម្រោងនៅឆ្នាំ ២០២៥ ដែលជាកំណត់ត្រាថ្មី ខណៈនៅឆ្នាំ ២០២៤ កម្ពុជាបានបំបែកកំណត់ត្រាម្តងរួចមកហើយក្នុងការអនុម័តគម្រោងវិនិយោគច្រើនបំផុតក្នុងរយៈពេល ៣០ ឆ្នាំ។

លោកអះអាងថា ការធ្វើកំណែទម្រង់បានធ្វើឲ្យកម្ពុជាទទួលបានចំណាត់ថ្នាក់អន្តរជាតិខ្ពស់ លើការទាក់ទាញវិនិយោគពីបទេស។

កម្ពុជាជាប់ចំណាត់ថ្នាក់កំពូលពីទីផ្សាររីកចម្រើនឈានមុខគេសម្រាប់ទាក់ទាញការវិនិយោគ។ នៅឆ្នាំ ២០២៥ កម្ពុជាជាប់ចំណាត់ថ្នាក់លេខ ១ នៅអាស៊ីប៉ាស៊ីហ្វិក និងលេខ ៩ លើពិភពលោកលើសន្ទស្សន៍នៃការទាក់ទាញវិនិយោគផ្ទាល់របស់បរទេស (FDI) បើធៀបទំហំសេដ្ឋកិច្ចប្រទេស៕

សេចក្ដីជូនដំណឹង៧ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា