កីឡា

លោក XISCO MUNOZ សរសើរព្រះខ័នរាជ្យស្វាយរៀងល្អមួយឈុតតែម្ដងយប់មិញ

បានផុស

៧ ខែ មុន

នៅ

ថ្ងៃសុក្រ ៥ ធ្នូ ២០២៥

ដោយ

គ្រូបង្វឹករបស់ក្រុមមកពីម៉ាឡឹស៊ី Johor Darul Ta’zim ថាក្រុមព្រះខ័នរាជ្យស្វាយរៀងយប់មិញនេះលេងល្អមួយឈុតតែម្ដងមិនថាខ្សែប្រយុទ្ធប្រអប់ បម្រើ និងបច្ចេកទេសតាក់តិចគឺល្អតែម្ដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក XISCO MUNOZ

លោក XISCO MUNOZ ដែលជាគ្រូបង្វឹករបស់ក្រុម Johor បានសរសើរក្រុមម្ចាស់ផ្ទះព្រះខ័នរាជ្យស្វាយរៀងពិតជាធ្វើបានល្អ និងលេងបានល្អទាំងប្រយុទ្ធក្នុងប្រអប់ ស្តាយ តាក់តិច នៃការលេងគឺល្អព្រមគ្នាមួយឈុតតែម្ដងក្នុងជំនួបជាមួយក្រុមលោក។

ទិដ្ឋភាពប្រកួតយប់មិញ

ងាកមកកូនក្រុមរបស់លោកវិញគឺធ្វើមិនបានល្អនោះឡើយនៅវគ្គទី១ ដូច្នេះលោកបានផ្លាស់ប្ដូរតាក់តិចលេងថ្មីនៅវគ្គទី២ ទើបបានប្រសើរ និងអាចទទួលបានលទ្ធផលដូចនេះ។ បើទោះជាលទ្ធផលត្រឹមស្មើយប់មិញនេះក្ដី ប៉ុន្តែមិនបានជះផលអាក្រក់អ្វីមួយដល់ក្រុមរបស់លោកនោះទេ ព្រោះ ៣ប្រកួតកន្លងមកនេះ Johor ឈ្នះ២ ស្មើ១ មិនទាន់ចាញ់នោះឡើយ។ លោកនៅតែមានក្ដីសង្ឃឹមថាក្រុមធ្វើបានល្អ និងបានឡើងទៅជុំបន្តនៃពានរង្វាន់ Shopee Cup នេះ។

ទិដ្ឋភាពប្រកួតយប់មិញ

បញ្ជាក់ដែរថា ការប្រកួតលើកទី៣ របស់ព្រះខ័នរាជ្យស្វាយរៀង ជាមួយក្រុមខ្លាំង Johor Darul Ta’zim នៃវគ្គសន្សំពិន្ទុក្នុងពូល B នេះបានត្រឹមស្មើគ្នា ២-២ ប៉ុណ្ណោះនៅយប់ថ្ងៃទី៤ ខែធ្នូ ឆ្នាំ២០២៥ ឯពហុកីឡដ្ឋានមរតកតេជោ។ ក្រុមម៉ាឡេស៊ី Johor កំពុងឈរលេខ១ មាន ៧ពិន្ទុ៕