ព័ត៌មានអន្ដរជាតិ

មេបក្សប្រជាជនថៃ ប្រកាសជំហរប្រឆាំងលោកអានុទីន

បានផុស

៦ ខែ មុន

នៅ

ថ្ងៃសៅរ៍ ២០ ធ្នូ ២០២៥

ដោយ

មេដឹកនាំគណបក្សប្រជាជនថៃ លោក ណាត់តាផុង រឿងបញ្ញាវុត (Nattapong Ruangpanyawut) ដែលកំពុងមានការចាប់អារម្មណ៍ក្នុងនយោបាយថៃសម្រាប់ការបោះឆ្នោតនៅដើមខែកុម្ភៈខាងមុខ បានប្រកាសដាច់ណាត់ថា គណបក្សរបស់លោកនឹងធ្វើជាបក្សប្រឆាំង ប្រសិនបើគណបក្សភូមិចៃថៃរបស់ អានុទីន ឆានវីរៈគុល មានឱកាសបង្រួបបង្រួមបង្កើតនិងដឹកនាំរដ្ឋាភិបាលកណ្តាលនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សារព័ត៌មានថៃ Khaosod បានស្រង់សម្តីមេដឹកនាំគណបក្សប្រជាជនថៃចេញផ្សាយនៅថ្ងៃទី២០ខែធ្នូនេះ លោក ណាត់តាផុង រឿងបញ្ញាវុត បានថ្លែងក្នុងកម្មវិធីនយោបាយនៅទូរទស្សន៍ Matichon TV ថា ៖«ច្បាស់ណាស់» ប្រសិនបើគណបក្ស ភូមិចៃថៃ (Bhumjaithai) ក្លាយជាគណបក្សស្នូលក្នុងការបង្កើតរដ្ឋាភិបាលខាងមុខ នោះគណបក្សប្រជាជនរបស់យើងនឹងស្ថិតក្នុងបក្សប្រឆាំង»។

មេដឹកនាំគណបក្សប្រជាជនដែលបានបោះឆ្នោតគាំទ្រលោក អានុទីន ឲ្យឡើងធ្វើជានាយករដ្ឋមន្ត្រីកាលពីដើមខែកញ្ញាឆ្នាំ បានបង្ហាញជំហរមិនពេញចិត្តចំពោះលោក អានុទីន ដែលបង្កើតសង្គ្រាមជាមួយកម្ពុជា ហើយថា លោកអានុទីន បានបរាជ័យក្នុងអនុវត្តតាមកិច្ចព្រមព្រៀងរវាងគណបក្សទាំងពីរ ដែលតម្រូវឲ្យលោកអានុទីន ដឹកនាំធ្វើវិសោធនកម្មរដ្ឋធម្មនុញ្ញ ដើម្បីបន្ថយអំណាចយោធា និងអំណាចរាជវាំង។

លោក រឿងបញ្ញាវុត ក៏ធ្លាប់បានសំដែងក្តីព្រួយបារម្ភដែលថា ប្រទេសជាប់ឈ្មោះ«ជាប្រទេសឈ្លានពាន» ដោយសារតែរដ្ឋាភិបាលរបស់លោក អានុទីន ប្រកាសលុបចោលកិច្ចព្រមព្រៀងសន្តិភាពជាមួយកម្ពុជា និងធ្វើសកម្មភាពឈ្លានពានដោយយោធាមកលើកម្ពុជា៕

រ៉ាន់ រើយ

Related Topics:Featured វិបត្តិនយោបាយថៃ ជម្លោះកម្ពុជា-ថៃ

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា