ព័ត៌មានអន្ដរជាតិ
លោក ម៉ូឌី បារម្ភខ្លាំង រឿងដ្រូនអ៊ុយក្រែនប៉ុនប៉ងវាយប្រហារលើភូមិគ្រឹះ ពូទីន
នាយករដ្ឋមន្ត្រីឥណ្ឌា ណារិនដ្រា ម៉ូឌី បានបង្ហាញក្តីបារម្ភយ៉ាងខ្លាំង ចំពោះសេចក្តីរាយការណ៍ដែលថា អ៊ុយក្រែន ប៉ុនប៉ងវាយប្រហារលើគេហដ្ឋានរបស់ប្រធានាធិបតីរុស្ស៊ី វ៉្លាឌីមៀ ពូទីន ដោយលោកជំរុញឲ្យប្រទេសទាំងពីរ ផ្តោតលើកិច្ចខិតខំប្រឹងប្រែងផ្នែកការទូត ដើម្បីបញ្ចប់សង្គ្រាមដែលកំពុងឆាបឆេះ។
តាមការផ្សាយរបស់ NDTV នៅថ្ងៃអង្គារទី៣០ខែធ្នូឆ្នាំ២០២៥ លោក ម៉ូឌី បានបង្ហោះលើបណ្តាញសង្គម X ថា៖ «ខ្ញុំព្រួយបារម្ភខ្លាំងណាស់ចំពោះសេចក្តីរាយការណ៍ស្តីពីការកំណត់គោលដៅវាយប្រហារលើគេហដ្ឋានរបស់ប្រធានាធិបតីនៃសហព័ន្ធរុស្ស៊ី។ កិច្ចខិតខំប្រឹងប្រែងផ្នែកការទូតដែលកំពុងបន្ត គឺជាផ្លូវដ៏មានប្រសិទ្ធភាពបំផុតឆ្ពោះទៅរកការបញ្ចប់អរិភាព និងការទទួលបាននូវសុខសន្តិភាព។ យើងសូមជំរុញឲ្យភាគីពាក់ព័ន្ធទាំងអស់រក្សាការផ្តោតអារម្មណ៍លើកិច្ចខិតខំប្រឹងប្រែងទាំងនេះ និងចៀសវាងរាល់សកម្មភាពទាំងឡាយណាដែលនាំឲ្យប៉ះពាល់ដល់កិច្ចការទាំងឡាយ»។
យោងតាម Reuters, រដ្ឋមន្ត្រីការបរទេសរុស្ស៊ី Sergei Lavrov អះអាងថា អ៊ុយក្រែនបានប្រើប្រាស់ដ្រូនចម្ងាយឆ្ងាយចំនួន៩១គ្រឿង ដើម្បីវាយប្រហារលើភូមិគ្រឹះ Valdai ក្នុងតំបន់ Novgorod ចន្លោះថ្ងៃទី២៨ដល់ថ្ងៃទី២៩ខែធ្នូ។ លោកហៅសកម្មភាពនេះថាជា «អំពើភេរវកម្មរដ្ឋ» ទោះមិនបង្ហាញព័ស្តុតាងជាក់ស្តែងក៏ដោយ។
ពេលឮដំណឹងអំពីការវាយប្រហារនេះភ្លាម ស្រាប់តែប្រធានាធិបតី ដូណាល់ ត្រាំ ក្តៅចិត្ត ហើយបន្ទោសខ្លាំងៗទៅលើលោក ហ្សេលេនស្គី។ លោក ត្រាំ បានថ្កោលទោស និងខឹងសម្បាព្រោះវាកើតឡើងចំពេលវេលាដ៏រសើបបំផុត ព្រមទាំងអាចជះឥទ្ធិពលដល់ជំហររបស់ទីក្រុងមូស្គូ នៅក្នុងការចរចាដែលកំពុងបន្តដើម្បីដោះស្រាយជម្លោះអ៊ុយក្រែនផងដែរ។
ថ្លែងនៅខាងក្រៅសេតវិមាន ប្រមុខរដ្ឋាភិបាលទីក្រុងវ៉ាស៊ីនតោនបញ្ជាក់ថា លោកដឹងអំពីការវាយប្រហារនេះពីលោក ពូទីន តាមរយៈកិច្ចសន្ទនាតាមទូរស័ព្ទកាលពីព្រឹកមិញ។
ទោះបែបនេះ ប្រធានាធិបតិអ៊ុយក្រែន វ៉ូឡូឌីមៀរ ហ្សេលេនស្គី បានចេញមុខបដិសេធរួចហើយ ចំពោះការចោទប្រកាន់របស់រុស្ស៊ី ហើយតបទៅវិញថា ទីក្រុងមូស្គូ កំពុងព្យាយាមបំផ្លាញកិច្ចចរចាសន្តិភាព។
តាមការផ្សាយរបស់ BBC, លោកហ្សេលេនស្គី ចោទថា រុស្ស៊ីកុហក ហើយថា៖ «វាមានសារៈសំខាន់ណាស់ដែលពិភពលោកមិនត្រូវនៅស្ងៀមទេ នាពេលនេះ។ យើងមិនអាចអនុញ្ញាតឲ្យរុស្ស៊ីធ្វើឲ្យខូចដល់ការងារលើការសម្រេចបាននូវសន្តិភាពយូរអង្វែងបានឡើយ»៕
អត្ថបទ៖ សុខ សុវណ្ណ
-
ព័ត៌មានជាតិ១ សប្តាហ៍ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៤ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៥ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៣ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៣ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានជាតិ៤ ម៉ោង agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន