ព័ត៌មានជាតិ
បិទគ្លីនិក និងប្រមូលអ្នកចូលរួមពិធីបុណ្យទាំងអស់ទៅធ្វើសំណាក ក្រោយសពតេស្តវិជ្ជមានកូវីដ១៩
បិទគ្លីនិកមួយកន្លែងនៅខេត្តកំពង់ឆ្នាំង និងប្រមូលអ្នកចូលរួមពិធីបុណ្យសពទាំងអស់ទៅធ្វើសំណាក អំឡុងពេលប្រព្រឹត្តកម្មវិធីបុណ្យសព ក្រោយសាកសពតេស្តវិជ្ជមានកូវីដ១៩។
លោកវេជ្ជបណ្ឌិត ប្រាក់វ៉ុន ប្រធាន មន្ទីរសុខាភិបាលខេត្តកំពង់ឆ្នាំងនៅល្ងាចថ្ងៃទី១៩នេះ បានឲ្យដឹងថា បុរសឈ្មោះ នូ ចុល អាយុ៥៧ឆ្នាំ ( មុខរបរបញ្ចូលអាគុយ ២៥ ឆ្នាំ) រស់នៅភូមិព្រះរាមរង្សី ឃុំជ្រៃបាក់ ស្រុករលា ប្អៀរ ខេត្តកំពង់ឆ្នាំង ត្រូវបានក្រុមគ្រួសារបានដឹករូបគាត់ មកព្យាបាលជំងឺនៅក្នុងមន្ទីរពេទ្យបង្អែកខេត្ត ក្នុងស្ថានភាពជំងឺធ្ងន់ធ្ងរ នៅល្ងាចថ្ងៃទី១៨ ខែមេសា។ បន្ទាប់មកអ្នកជំងឺរូបនេះ បានស្លាប់នៅយប់ម៉ោង២ រំលងអធ្រាត្រ ឈានចូលថ្ងៃទី១៩ ខែមេសា ជាមួយគ្នានេះដែរ លោកគ្រូពេទ្យក៏បានយកសំណាកធ្វើតេស្តផងដែរ។
ករណីនេះ លទ្ធផលចេញមកកាលពីល្ងាចថ្ងៃទី១៩ បានបញ្ជាក់ថា គាត់មានវិជ្ជមានកូវីដ១៩ ។ ប៉ុន្តែសព ត្រូវបានក្រុមគ្រួសារយកទៅតាំងពីយប់ ដើម្បីរៀបចំពិធីបុណ្យនៅក្នុងលំនៅឋានភូមិព្រះរាមរង្សី ឃុំបាក់ស្រុករលាប្អៀរ ហ្នឹងបានបូជានៅវត្តព្រះរាមរង្សី ដោយមានប្រជាពលរដ្ឋចូលរួមក្នុងពិធីបុណ្យយ៉ាងច្រើនផងដែរ។
ក្រោយពីបានដឹងនូវព័ត៌មានខាងលើនេះ ក្រុមគ្រូពេទ្យនៃមន្ទីរសុខាភិបាលខេត្តកំពង់ឆ្នាំង បានសហការជាមួយសមត្ថកិច្ចនិងអាជ្ញាធរទៅប្រមូលយកប្រជាពលរដ្ឋ ដែលបានចូលរួមដោយផ្ទាល់ក្នុងពិធីបុណ្យសពខាងលើនេះ និងប្រមូលយកប្រជាពលរដ្ឋនិងអ្នកស្នាក់នៅក្នុងគ្លីនិកឈ្មោះមន្ទីរសំរាកព្យាបាលផ្សារឆ្នាំងទាំងអស់ ដែលបុរសម្នាក់ស្លាប់ខាងលើធ្លាប់ទៅព្យាបាលជំងឺនៅទីនោះ យកទៅធ្វើចត្តាឡីស័ក តាមវិធានការរបស់ក្រសួងសុខាភិបាលផងដែរ។
ចំណែកគ្លីនិកសម្រាកព្យាបាលជំងឺផ្សារឆ្នាំង ក្នុងសង្កាត់ផ្សារឆ្នាំង ក្រុងកំពង់ឆ្នាំង ដែលអ្នកជំងឺធ្លាប់ទៅព្យាបាលនិងបានស្លាប់ដោយសារជំងឺកូវីដ១៩ អាជ្ញាធរក៏បានបិទជាបណ្ដោះអាសន្នផងដែរ ដើម្បីទប់ស្កាត់ការរាលដាលជំងឺកូវីដ១៩ ចូលក្នុងសហគមន៍ ៕
អត្ថបទ៖ ឈៀងថារិទ្ធ
សូមចុចអាន៖ មកដឹងលទ្ធផលអាជីវករជិត ៤០០នាក់ នៅផ្សារបណ្តោះអាសន្នកីឡដ្ឋាន ក្រុងតាខ្មៅតេស្តកូវីដ១៩
-
ព័ត៌មានអន្ដរជាតិ១៥ ម៉ោង agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
កីឡា៥ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ៤ ថ្ងៃ agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
អត្ថាធិប្បាយ៦ ថ្ងៃ agoវិចារណកថាចក្ខុវិស័យកែទម្រង់យោធាកម្ពុជា៖ ពីកម្លាំងបរិមាណ ឆ្ពោះទៅកងទ័ពជំនាញឌីជីថល និងមនសិកាការពារជាតិ
-
ព័ត៌មានអន្ដរជាតិ៦ ថ្ងៃ agoអាមេរិក បើកការវាយប្រហារអ៊ីរ៉ង់ ថ្មីទៀត ដើម្បីសងសឹក ចំពោះការធ្លាក់ឧទ្ធម្ភាគចក្រ Apache
-
ព័ត៌មានជាតិ៣ ថ្ងៃ agoរោងចក្រផលិតជីក្រុមហ៊ុន ម៉ុង ឫទ្ធី ចាយទុនប្រមាណ ១០ លាន នឹងចាប់ផ្តើមផលិតចែកចាយលក់ក្នុងតម្លៃទាប ជួយកសិករដាំដុះដំណាំកសិកម្ម
-
ព័ត៌មានអន្ដរជាតិ៥ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត
-
ព័ត៌មានអន្ដរជាតិ៣ ថ្ងៃ agoពូទីន៖ រុស្ស៊ីតែម្នាក់ឯង ត្រូវប្រយុទ្ធជាមួយ លោកខាងលិចទាំងមូល ក្នុងសង្គ្រាមនៅ អ៊ុយក្រែន