សេដ្ឋកិច្ច

កម្ពុជានាំចេញទៅអូស្ត្រាលី សម្រេចបានជាង ៥០០ លានដុល្លារ នៅក្នុងឆ្នាំ ២០២៥

បានផុស

៣ ខែ មុន

នៅ

ថ្ងៃពុធ ២១ មករា ២០២៦

ដោយ

កម្ពុជានាំចេញទៅប្រទេសអូស្ត្រាលី សម្រេចបាននូវទំហំទឹកប្រាក់ជាង ៥០០ លានដុល្លារ នៅក្នុងឆ្នាំ ២០២៥ កើនឡើង ៤,៤៧% ធៀបនឹងឆ្នាំ ២០២៤ ឆ្លុះបញ្ចាំងថា កម្ពុជានៅបន្តរក្សាបានទីផ្សារសំខាន់ៗរបស់ខ្លួន ធានានូវការផ្គត់ផ្គង់ បង្កើតសក្ដានុភាព ក្នុងខ្សែច្រវាក់តម្លៃ និងខ្សែច្រវាក់ផ្គត់ផ្គង់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមក្រសួងពាណិជ្ជកម្ម នៅក្នុងឆ្នាំ ២០២៥ ទំហំពាណិជ្ជកម្មទ្វេភាគីកម្ពុជា-អូស្ត្រាលី សម្រេចបាន ៦២៤ លានដុល្លារ កើន ៤,៣៧% ក្នុងនោះ កម្ពុជានាំចេញទៅអូស្ត្រាលី មានតម្លៃ ៥០៩ លានដុល្លារ កើន ៤,៤៧% ចំណែកអូស្ត្រាលីនាំចូលមកវិញ មានតម្លៃ ១១៥ លានដុល្លារ កើនឡើងជិត ៤%។

អ្នកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា មានប្រសាសន៍ថា៖ «យើងអនុវត្តនូវកិច្ចព្រមព្រៀងសេដ្ឋកិច្ចភាពជាដៃគូគ្រប់ជ្រុងជ្រោយតំបន់ (RCEP) ដេលធ្វើឱ្យកម្ពុជា អូស្ត្រាលី ជប៉ុន ណូវេសេឡង់ ប្រទេស ៥ ធ្វើឱ្យពាណិជ្ជកម្មកើនឡើង»។

លោក ប៉ែន សុវិជាតិ រដ្ឋលេខាធិការ និងជាអ្នកនាំពាក្យក្រសួងពាណិជ្ជកម្ម មានប្រសាសន៍ថា ទំហំពាណិជ្ជកម្មកម្ពុជាមានកំណើន ឆ្លុះបញ្ចាំងថា កម្ពុជានៅរក្សាបានទីផ្សារសំខាន់ៗរបស់ខ្លួន ដែលជាទីផ្សារពិភពលោក ធានារនូវការផ្គត់ផ្គង់ បង្កើតសក្ដានុភាពកម្ពុជា ក្នុងខ្សែច្រវាក់តម្លៃ និងខ្សែច្រវាក់ផ្គត់ផ្គង់ និងរក្សាបាននូវជំនឿចិត្តពីអ្នកបញ្ជាទិញ និងទីផ្សាររបស់ខ្លួន។

យោងតាមក្រសួងពាណិជ្ជកម្ម នៅក្នុងឆ្នាំ ២០២៥ ការនាំចេញទំនិញរបស់កម្ពុជា បន្តរក្សាបាននូវកំណើនល្អ ដែលសម្រេចបានទំហំជាង ៣១ ពាន់លានដុល្លារ កើនប្រមាណជាង ១៧% ធៀបនឹងឆ្នាំ ២០២៤៕

អត្ថបទ៖ ឡេង ដេត